ROMAN HEHNÂNG POLMA RAANGWAH SITI 1:16 - NIEMNYAN Naga NT (BSI)

¹⁶ Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

ROMAN HEHNÂNG POLMA RAANGWAH SITI 1:16 Iomraidhean Croise

MAK MA RAANGWAH NGINKONGSEN 8:38

Are Joban lejetrôan ngale papi rôanko mihnyan heh nganâng rêsê, erediko ngama hethô ekang nginkong rãngma rêsê mere ako, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.”

LUK MA RAANGWAH NGINKONGSEN 9:26

Ne ngarek nâng rêsê erediko ngama hethô ekang nginkong ko rêsê mere enko, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.

JON MA RAANGWAH NGINKONGSEN 7:35

Jews heh thôte jabte heh thindede tungko jabmînwah, “Nãngma lechohlem thinnâng ate chenko chhoanrãng ngaeka? Nãnglemru Griik heh songeka hahnâng kalahma Griik hehnâng hethôkat rãng lengaeka?

MOATLEM 3:26

Phumma Joban ma ate Haa pa renlahma khebengko netânâng chienkatwah, erepa nekhu anga nga kaamchhih moatwah ngaksietrãng chienkatwah.”

ROMAN HEHNÂNG POLMA RAANGWAH SITI 10:17

Erohwah, Nginkongsen pa chohtat phumma putedâlem pa hongeka, ngale Krista junma phoangthôkoh phumma Nginkongsen pa chohtat eki.

ROMAN HEHNÂNG POLMA RAANGWAH SITI 15:19

patritli ngale bâritli, erediko Joban Juchaan junma moatwah. Ngale Jeroselem wah Ilirikum nâng lanhuroh khoamka lekma Krista Nginkongsen pa senthemthem phoangthôtek.

ROMAN HEHNÂNG POLMA RAANGWAH SITI 15:29

Ngama ajet, chenthu Nga netânâng hokko, Ngama Krista wah ajahthem rangkep lekma ehûrâng.

ROMAN HEHNÂNG POLMA RAANGWAH SITI 2:9

Henhenma kaamchhihli moeka ereheh phangtangma chêm echoh a, khebengko Jews hehma ngale Jews ledangte hehma echoh a.

ROMAN HEHNÂNG POLMA RAANGWAH SITI 4:11

Atea khedi koba khoankhen niem pa hôanwah, ngale atema khoankhen niem hôan ekapa, Abraham putedâlem junko atema khoankhen niem hôan mama Joban ma atea toangtang ngama kep ekapa khesok rãng hôanwah. Ngale erohwah, thinma khoankhen niem pa lehôan medang akomin, Joban nâng putedâlem lahma Joban ma thin a toangtang ngama kepeka mihnyan hehrãng Abraham pa Ju ngenâng thinrãngma wa.

1 KORINT 15:2

Ere ngama nenâng thôkotah nginpa Joban Nginkongsen pa thôkoh wah. Nema Joban Nginkongsen ko rongtêngtêng loletma metong enko erejunma nekho epe en - eroh ledang kenko nema putedâlem eken pemin mahto nâng dângmin.

1 KORINT 2:2

Chenrãngma ngako nga nekhu demnâng dângpoatko, Ngama chentôpa lekphe lekma Jisu Krista bãngphak khoko ritpa, ngale ajahthem pejô ate rittek bãngphak pelolo ngahung kojû thonghun lekma tôngrãng thônghun wah.

1 KORINT 2:4

ngale Ngama hethôtah le thôkotah nginkong heh mihnyan nyuchha buthi mongthem junma hethô wah dangmah, rohkomin, Joban Ju chaanma erepa ngama nenâng thôkoh wah.

1 KORINT 9:12

Mihhan metumin newah metha hènko, nima jãtanga ereheh noma ajah lethaminne? Rohkomin nima nekhuwah thamah. Erenoma, nima newah thajunko Krista Nginkongsen nâng nema putedâlem pa tengbeng thuknoma roangrup pa nidedema tadô lihma tongeki.

1 KORINT 9:18

Eroh medang ako, ngama chenthã chohmin a? Nginkongsen pa thãletha thangma phoangthôkoh, ngale ngama ere nginkongsen pa phoangthôkoh poatko henwahmin chenjô letha thangma phoangthôkoh pejôba nga moatlem.

2 KORINT 2:12

Chenthu nga Tros nâng Krista Nginkongsen pa thôkohrãng hokko, Nganâng Teso ma enâng moatrãng lemlaang kolahma khewah.

2 KORINT 4:4

Thinma chenrãngma leputedâlem rewak eka ngako, thinhung arinpa are hahtokkhoh kowah joban chhih pumma rangnyek nâng thien junko leputedâlem rewak eka. Ngale thin a joban chhih pumma linlin Joban rãngrãng dângte Krista mîndông Nginkongsen wen kowah thinkhoh nâng phiakkat ekapa khethuk mah.

2 KORINT 9:13

Ngale nema are achohsok moatlem moeken junko, erediko nema Krista nginkongsen pa senthemthem kepletma thôeken junko, ngale nea chhahme dangletma thin demnâng ngale anga nga demnâng phenphen sensen kep eken juko ajahthem mihnyan hehma Joban nâng dangkoh a engawak a.

GALATIEN 1:7

Linlinko, “nginkongsen ahan,” aho, rohkomin are ngama ngaekang pa wanwanthe mihnyan hehma Krista Nginkongsen pa litsiet lahma nehung kesiet ehèn, erejunko ba jabekang.

1 THISALONIKA 2:13

Ngale lihân junmemin nima Joban nâng roantangma dangkoh a ngaeki. Erepa chenthu nima nenâng Joban nginpa kephok kohko, nema erepa tatletma mihnyan nyuchha ngin ngama ledang alinlin Joban nginkong ngama kep eken. Chenrãngma ngako Joban nâng putedâlemte hehnâng Joban Juma moeka.

1 TIMOTHI 1:11

Are hethôehi nginpa Joban ma Nganâng thôthukthang nginkongsen kowah choheki, are adongthôan Nginkongsen pa rangkohte Joban ma kohehi.

2 TIMOTHI 1:12

ngale erejun kowah Ngama are chêmchei heh choh ekang. Rohkomin Nga athâng hehmin hung dongdong tongekang, chenrãngma ngako, Ngama hennâng tok anaa ekanga erepa Ngama jet ang, ngale atema Nganâng chenni sûare thuk ehanga erepa atema ere Rangwojâ pa mahûhûko senthemthem eta thien a ngama putedâlem ekang.

2 TIMOTHI 1:16

Teso ma Onisiforus heh tangkâ nâng chenmînchen a, chenrãngma ngako, atema Nganâng melângdep chohsû thang. Ngale Nga phâtek nâng tôngpoat komin atea Nganâng rêsê mahthang.

2 TIMOTHI 1:8

Erohwah, nãng Teso hâkhi dângrãng nekrêsê; ngale Krista rãngma phâtek nâng khhekritte Nganâng min nekrêsê hang. Erenoma, Nginkongsen rãngma chêmriiroh reo, eroh tâchêmrit rãng Joban ma nangnâng chaankoh eho.

HIBRU 4:12

Joban jabkhab pa ahîn ngale achaan, ronghû rongka anah dãng nomemin anah. Ere pumma chentôpa thahdoak eka, Jule moang niimin taphandoak eka, ngale rokchî rãchîmin taphandoak eka. Ngale erepumma mihnyan hung khenwah thonghun eka hehmin lienjet eka.

1 PITER 4:16

Rohkomin nea Kristan dângdi chêm mechoh enko, nekrêsê en, Joban nâng dangkoh a ngaen, chenrãngma ngako, nema Krista mîn kep eken.