ROMAN HEHNÂNG POLMA RAANGWAH SITI 1:14 - NIEMNYAN Naga NT (BSI)

¹⁴ Ngama chentô mihnyan nâng sokaremin, Griik nângmin, Griik ledangte nângmin, nyapjet nyapjien nângmin, nokba nângmin sokare min.

ROMAN HEHNÂNG POLMA RAANGWAH SITI 1:14 Iomraidhean Croise

MATHIU 11:25

Ere sanpoatko Jisu ma ngatwah, “Ewa, nanga rangkhethung ngale hahtokkhoh Teso! ngama nangnâng dangkoh a ngaeki, chenrãngma ngako, jet ajien hehnâng lekhesok thangma huhriem lohma nokba hehnâng khesok eko.

LUK MA RAANGWAH NGINKONGSEN 10:21

Ere sanpoatko Asâthôanju demnâng Jisu nyahrãng khuhahwah ngale atema ngatwah, “Wa, rangkhethung ngale hahtokkhoh Teso! Ngama nangnâng dangkoh a ngaeki, chenrãngma ngako, nangma jet ajien hehnâng lekhesok thangma huhriem tohpa nokba hehnâng khesok eko. Linlinjô Wa erohpa nanghung junko dangeka.

MOATLEM 22:21

Phumma Teso ma nganâng ngatwah, ‘chhoan o, ngama Jews ledangte heh tânâng ataangnâng chienchhoan e,’ ”

MOATLEM 28:2

Ere hahwah mihnyan heh nidemnâng nyahrãng asen dângwah. Phumma rangpat hongpat lahma rangchhông dângwah, erohwah thinma wenthhek lahma ninâng wenko tôngrãng roowah.

MOATLEM 28:4

Ere hahwah mihnyan hehma Pol dekwah dep eka pûpa khelahma jabmînwah, “Are mihnyan pa mih ritphete dângmin dede, atea jowahjô mepe akomin, khengraang pumma atea lehinthuk tumin.”

MOATLEM 9:15

Teso ma atenâng ngatwah, “Kao, chenrãngma ngako, atema nganâng soamtô rãng ngama lârentek, ngale Jews ledangte jat le lowang hehnâng erediko Isrial mihnyan hehnâng ngamîn jetthuk rãng lârentek.

ROMAN HEHNÂNG POLMA RAANGWAH SITI 1:22

Thinma thin a jet ajien ngama ngariieka, rohkomin thin a aba;

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 12:16

Anga nga demnâng asen tuta dangen. Ngam poapoa nekdangen, noapnene dangen. Ngale nedede jet ajien ngama nekthong hunrii en.

ROMAN HEHNÂNG POLMA RAANGWAH SITI 13:8

Henwahjô thãpê nekpê en - ahunmîn pa lolo jôba wathema wathe nâng thãpê pêmînwah rãngrãng dangen. Henhenma aroh moeka ereheh meba Niemarang pa kep eka.

ROMAN HEHNÂNG POLMA RAANGWAH SITI 16:19

Anga ngama nema nginkongsen pa senthemthem kep eken ngama lâtattah, ngale erejunko nga nekhu demnâng nyahrãng khuhah ekang. Ngale, nema asenli pa senthemthem chenmam jet en, erediko achhihli kowah ataang chenmam re en, ngama thonghun ekang.

ROMAN HEHNÂNG POLMA RAANGWAH SITI 8:12

Erohwah ngalemruchha heh, nãngma moatlem moatthin tonga, rohkomin erepa nãng hei angem hung arinma chenroh huneka eroh lemomin.

1 KORINT 14:11

Rohkomin thinma jabeka jabkhab pa ngama lejet medang angko, henhenma ere jabkhab jabeka erepa ngarãngma mihdiak mihnyan, ngale ngamin thinrãngma mihdiak mihnyan.

1 KORINT 14:16

Chenthu nema Joban nâng Juma lanlan rangmesoam enko, nekhu demwah jujabkhab lejette johkhôan hûera hehma nema Joban nâng dangkoh a ngat rangsoam soam ko “Amen” ngama chenroh jienjoh ngatmin a? Chenrãngma ngako nema chenni jabeken a erepa thinma jetmah.

1 KORINT 2:13

Erohwah, nima mihnyan buthi mongthêmma hethô wah jabkhab junko jab dangmih, rohkomin Juma hethô wah jabkhab junko jabeki, ngale henhen nâng Joban Ju tongeka erehehnâng nima Ju ngale toangtang nginpa hethôeki.

1 KORINT 3:18

Nema nedede nekbasietrii en. Nekhuwah henma komin atea are hahtokkhoh junko jet ajien ngama methong hunrii ako, atea are hahtokkhoh ko aba rãngrãng dângmêngmin, erohkoba linlin jet ajien eta danga.

2 KORINT 10:12

Ngale henma thin dedema nyahrãng adong ngama thonghun riieka ere mihnyan heh demnâng nidedema tathakmîn mih. Thin a chentô bâa! Thinma thindede dongsietrii lahma, Thin dede nâng thakrii eka!

2 KORINT 11:19

Nea nyahrãng buthi mongthemwin, erohwah hungsen rinmema aba heh demnâng nehung mongsiet letma dang eken!

KOLOSIEN 3:11

Erohwah, Jews ngale Jews ledangte heh tungko chenjô mâmâ aho, ngale khoankhen niem hôante le lehôante heh tungkomin chenjô mâmâ aho, jet ajien le nokba tungkomin, haa le haa ledangte tungkomin chenjô mâmâ aho, rohkomin Krista jôba anga nga rãng, ngale ate jôba chentôpa.

2 TIMOTHI 2:10

ngale are chentô chêmchei pa Ngama Joban ma ren eka mihnyan hehrãng chêm ekang, ngale erepa thin memin Jisu Krista junma koheka khope pa chenmam choh a ngama chêmrii ekang, ngale roantang roanjêng khuhah nâhah edangwak a.

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.