ROMAN HEHNÂNG POLMA RAANGWAH SITI 1:13 - NIEMNYAN Naga NT (BSI)

¹³ Ngalemruchha heh, ngama arepa jetthuk huneka, nga netânâng chohmîn hokrãng ajahthem themawa wah, rohkomin roantangma chenma komin chitâng chibengthuk ehang. Ngama Jews ledangte heh chenroh putedâlemte rãng dangthuktek a ererãngrãng nekhumin dângthuk huneka.

ROMAN HEHNÂNG POLMA RAANGWAH SITI 1:13 Iomraidhean Croise

JON MA RAANGWAH NGINKONGSEN 12:24

Ngama toangtang thôkoh eka: chhahpha pa hahko wênkat lahma leriikako phathelolo jôba dângmin. Erepa meriiako jôba, erekowah chhahpha ahan ajah ehonga.

JON MA RAANGWAH NGINKONGSEN 15:16

Nema nga rên dangmahha; Ngameba ne renlahma chenthumin lechhihjâ thangma lektôngli penri richhoanthuk eka. Ngale ngamînko Wa ngewah nema chenni thaeken a ereheh atema ekohhèn.

JON MA RAANGWAH NGINKONGSEN 4:36

Chhah khôankhente hehnâng dekbithã kohmin, ngale atema roantang roanjêng roandông rãng khôanthien eka; erohwah akhiette le khôankhente nii aroamma khuhah nâhah edanga.

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 14:27

Chenthu thin Antiok nâng hokko, thinma Asâthem heh khôansiet lahma Joban ma thin demnâng chentô motah a erengin heh phangtang thôkoh wah, ngale Jews ledangte hehma putedâlem rãng Joban ma chenroh lemlaang kotah a erengin hehmin thôkoh wah.

MOATLEM 15:12

Barnabas ngale Pol niima Jews ledangte heh tânâng Joban ma patritli ngale bâritli moatlem chentô motah heh thôkoh phumma mihnyan heh phangtang kihchepchep tôngwah.

MOATLEM 19:21

Are ngin heh eroh dângdiko, Pol ma thonghun lahma Mesidonia le Akaia heh danlahma Jeroselem nâng katwah. Ngale atema ngatwah, “Nga enâng katdiko, Rom nângmin katmin.”

MOATLEM 21:19

Pol ma thinnâng rânjab lahma Joban ma ate moatlem junma Jews ledangte hehnâng chenni motah a ereheh phangtang thôkoh wah.

MOATLEM 28:14

Enâng nima putedâlemte mihnyan roanche chohmin lihma thin demnâng haptathe johtôngrãng rosepthi. Eroh relihma ni Rom nâng hokwah.

ROMAN HEHNÂNG POLMA RAANGWAH SITI 1:12

Ngama ngaekangpa nãngkhu dede chohsûmîn e ngama ngaekang, nga putedâlem pumma nenâng chohsû, ngale ne putedâlem pumma nganâng chohsû remîn e.

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 7:1

Ngalemruchha heh, ngama chenni ngatrãng ngaekãnga erepa nema linlin ejet en, chenrãngma ngako nekhu phangtangma niemarang pa ajet. Mihnyan pa chentô lekhin eka eretôko jôba niemarang pumma ate khohko etapên a.

1 KORINT 1:10

Ngalemruchha heh, nãng Teso Jisu Krista chaanjunko ngama nekhu chentô nâng rosep eka, nema chenni jabeken a ereko hungjut letma mamkepen, eroh medang enkoba nekhu tungnâng mâmâ ledang edangen. Senthemthem jut ajaang letma tongen, hungthe rinthe, ngale moatlem katlem nângmin wanthe dangletma tongen.

1 KORINT 10:1

Ngalemruchha heh, Mosa dijunte nãngte nãngwa hehnâng chenni dangtah a erepa nekhuma thonghun letmele ngama huneka. Thin chentôpa phoambuk khen pumma Josi Chek pa senthemthem pêdankhoam wah.

1 KORINT 12:1

Ade dangeka, Asâthôanju wah Hînhô choh junma siti nâng raangletma nganâng thôngphatha pa. Ngalemruchha heh, ere Hînhô junma nenâng toangtang pa jetthuk huneka.

1 KORINT 14:20

Ngalemruchha heh, nema letachha heh hung arin rãngrãng nekphoang thonghun en; chhihli nângba letachha heh rãngrãng dangen, rohkomin mihlin phannang heh hung arin rãngrãng dangen.

1 KORINT 14:26

Ngalemruchha heh, Ngama are junma jabekang. Chenthu nekhu rangsoam rãng khôanko, wathema rangsoamsê pese, ahan wathema hethô, ngale ahan wathe pumma Joban ma khesokwah nginpa thôkoh, ngale ahan ma ajatjat jabma jab, ngale ahan wathema erejabpa litthô. Chentô pejô Asâthem hehrãngma asenli tuta chendanga.

1 KORINT 9:2

Ahan heh mejô nganâng moattat chhoante ngama lekep hangkomin nekhuma moattat chhoante ngama kepha! Chenrãngma ngako nekhu roandôngpa Teso demnâng aroamma dangletma khe junko linlinjô nga moattat chhoante ngama jet ekang.

2 KORINT 1:8

Lemruchha heh, nima Asia diaknâng chêmtih heh nenâng jetthuk huneka. Nima chêmchohtih pa atôdông ngale atôlih dângwah nia ahînma edangtue ngamejô lekhatu wah.

2 KORINT 2:14

Rohkomin Joban nâng dangkoh a ngaekang! chenrãngma ngako, Krista demnâng roamlihma Krista mînko phâtek nâng tôngte rãngrãng danglihma Krista ma jien ekako Joban ma roantangma senwên ehi. Joban ma Krista nginpa tientumli tûm rãngrãng chentô thenâng phôangjet thukrãng kep ehi.

GALATIEN 3:15

Ngalemruchha heh, Ngama jengre wah nginthakthô demnâng thôkoh a: Chenthu mihnyan wanii nginthunjut lahma chenni rãng akomin sûhi mehôan ako, erepa henmemin leta jeksietmin, ngale ereko henmemin leta lêboatmin.

GALATIEN 6:18

Ngalemruchha heh, nãng Teso Jisu Krista mînchenchaan pa nekhu phangtang demnâng chentonghèn. Amen.

FILIPIEN 1:22

Rohkomin ahîn medang angko Ngama Krista rãng ajah kaamsen etamo ang, phumma ngama are wannii kowah chenpa ren anga erepa jetmek.

FILIPIEN 4:17

Erepa Ngama nekhuwah hînhô chohhun junko dangmek; rohkomin nekhuma koh amien junko rang chenkep en ngama huneka.

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

1 THISALONIKA 2:18

Nia netânâng ngakhok hunwah. Ngadedejô netânâng depdep ngakhokrãng phungwah, rohkomin joakma lemlaang komahhang.

1 THISALONIKA 4:13

Lemruchha heh, riichoante mihnyan heh junma toangtang nginpa nenâng jetthuk huneka, erohkoba Joban nâng putedâlem ahote mihnyan heh sekmah patrii eka rãngrãng nea lesekmah patrii edangen.

2 THISALONIKA 2:7

Nyahrãng Apatritli Mihnyan Chhihthôan pumma athâng hehmin hahtokkhoh ko moatlem molahma tongeka, rohkomin ere Mihnyan Chhih chaanpa wathema tenglo lahma thieneka, ngale erepa ate lem kowah lemtângte pa mare rephe tenglo lahma ethien a.

2 TIMOTHI 4:17

Rohkomin Teso Nga damnâng johtong lahma Nganâng chaan kohwah, erohwah Jews ledangte hehma chohtatrãng Ngama nginkongsen pa senthemthem taphoang thôtek; ngale Nga ritphe nemwahmin pesietthang.