ROMAN HEHNÂNG POLMA RAANGWAH SITI 1:11 - NIEMNYAN Naga NT (BSI)

¹¹ Ngama nekhu chohmîn nyahrãng huneka, chenrãngma ngako Joban Juma rangkoh ehi heh nekhu demnâng roam lekma nekhu rôngsiet huneka.

ROMAN HEHNÂNG POLMA RAANGWAH SITI 1:11 Iomraidhean Croise

MOATLEM 16:5

Erohwah Asâthem heh putedâlem nâng jêngdong dongwãng ngale jêngsen senwãng dângwah ngale putedâlemte hehmin jêngjah jêngjah rewah.

MOATLEM 19:21

Are ngin heh eroh dângdiko, Pol ma thonghun lahma Mesidonia le Akaia heh danlahma Jeroselem nâng katwah. Ngale atema ngatwah, “Nga enâng katdiko, Rom nângmin katmin.”

MOATLEM 19:6

Pol ma thinkhoko ate dekma sahloatkoh phumma thin khohnâng Asâthôanju katwah; erediko thinma ajatjat jabma jienjab wah ngale Joban nginkongpa phoangthô wah.

ROMAN HEHNÂNG POLMA RAANGWAH SITI 1:12

Ngama ngaekangpa nãngkhu dede chohsûmîn e ngama ngaekang, nga putedâlem pumma nenâng chohsû, ngale ne putedâlem pumma nganâng chohsû remîn e.

ROMAN HEHNÂNG POLMA RAANGWAH SITI 15:23

Rohkomin athângheh arethe kowah nga moatlem heh lâta motek, ngale ajahthem rangpâ mama nga netânâng kalekma nedemnâng chohmînrãng hunwah,

ROMAN HEHNÂNG POLMA RAANGWAH SITI 15:29

Ngama ajet, chenthu Nga netânâng hokko, Ngama Krista wah ajahthem rangkep lekma ehûrâng.

ROMAN HEHNÂNG POLMA RAANGWAH SITI 15:32

Ngale Joban hungsi medang ako, eredikoba nga netânâng khuhah nâhah danglekma ehûrâng, ngale nekhu chohmin lekma khuhah nâhah edangang.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

2 KORINT 1:15

Nekhuma rang raknii chenkep en ngama thonghun lekma khebengko nekhu tânâng chohmîn hûrâng ngama nyahrãng themawa wah.

2 KORINT 1:21

Ngale Joban ma nãngkhu roandôngpa Jisu Krista demnâng roamsiet lahma rongtêngtêng dangthuk ehi; ngale Joban dedema nãngkhu nâng renlahma rangkoh ehi,

2 KORINT 11:4

Chenrãngma ngako, nima nenâng Jisu nginkong thôkoh eka rãngrãng ledang Jisu nginkong ahan nenâng thôhok kohte heh nginmin nema khuhah nâhah kep eken; ngale nema niwah choh eken Ju ngale nginkongsen noma ajatjat ju ngale nginkongsen pa kep eken!

2 KORINT 9:14

Ngale Joban mînchenchaan pa nenâng nyahrãng adong kohdi, thinhung linlin wah nenâng hunlahma Joban nâng rangesoam kohhèn.

FILIPIEN 1:8

Ngarãng hâkhi Joban tonga, ngale Ngama toangtang thôekang, Ngama nekhu khe nyahrãng huneka, ngale Jisu Krista ma hun rãngrãng jôba Ngama nekhu nâng huneka.

FILIPIEN 2:26

Atema nekhu anga nga khe nyahrãng hun ehèn, ngale nekhuma atea akhun ngama tatphumma atea nyahrãng hungchhih eka.

FILIPIEN 4:1

Ngalemruchha heh, erohwah, Ngama nenâng chentô huneka, ngale Ngama nekhu chentô khehun eka! Nekhuma Nga nyahrãng khuhah thuk eha, ngale nekhu junma Nga nyahrãng thhensân ekang! Ngama nyahrãng hun lemruchha heh, arohjô ne roandôngko Teso demnâng roamletma rongtêngtêng mamdangen.

1 THISALONIKA 3:13

Atema nehung aroh chendongsiet hèn, ngale chenthu nãng Teso Jisu Krista atenâng putedâlemte heh demnâng ngakkat jâko, nemin nãng Wa Joban tâko senthemthem ngale Sâpoangpoang chendangen.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

2 THISALONIKA 2:17

roantangma hung arin le putedâlem dongsiet lahma asenli tuta moat akat ngale jab ajâ chaan chenkohhèn.

2 THISALONIKA 3:3

Rohkomin Teso pa dâlemli, ngale atema nekhu nâng chaankoh lahma Juchhih dekwahmin epe pânghèn.

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.

1 PITER 5:12

Ngama nenâng are siti athoanchha raang ekapa Silas ma chohsû lahma raangkat eka, Ngama jet Silas pa Kristansen. Ngama nekhu hung dôngsiet huneka, ngale Ngama nenâng arepa Joban mînchenchaan linlin ngama thôkoh huneka. Ere mînchenchaan junko Joban nâng rongtêngtêng putedâlem letma tongen.

2 PITER 1:12

Ngale nema toangtang pa senthemthem jetletma rongtêngtêng mekep enkomin, Ngama nenâng erepa roantangma ethôkoh a.