MAK MA RAANGWAH NGINKONGSEN 8:2 - NIEMNYAN Naga NT (BSI)

² “Ngama are mihnyan hehnâng nyahrãng mînchen ekang, chenrãngma ngako, ngademko jârem lâjoh khoamthang, ngale ade phumma thinnâng jokphhek chhahthin chenjô ahotu.

MAK MA RAANGWAH NGINKONGSEN 8:2 Iomraidhean Croise

MATHIU 14:14

Jisu khôankho kowah loatkhôam ko, mihnyan heh jahmõang chohkhe wah, phumma thinnâng atema nyahrãng mînchen wah, ngale khun atamte heh atema mesiet wakwah.

MATHIU 20:34

Jisu ma thinnâng mînchen lahma thin mitko sahloat kohwah; ephumma lemlienma jienkhe wakwah, ngale Jisu didiko junkhôam wakwah.

MATHIU 9:36

Jisu ma mihnyan heh khelahma thinnâng mînchenma ate hung nyahrãng chhihwah. Chenrãngma ngako, abemte aho saak rãngrãng sekmah patrit ngale mînchenli khewah.

MAK MA RAANGWAH NGINKONGSEN 1:41

Jisu ma mihwako nyahrãng mînchenwah, ngale ate dek loatsiet lahma sahloatwah. Atema ngatwah. “Ngama sênsiet huneki,” “sen o!”

MAK MA RAANGWAH NGINKONGSEN 5:19

Phumma Jisu ma johchhoan thuk ho. Rohkomin Jisu ma atenâng ngatwah, “Humnâng ngakwãng lohma nang humte tangkâ hehnâng Teso ma nangrãng chentôdông mokoh ehoa, ngale atema nangnâng chentô mînchen ehoa ereheh thôwãngkoh.”

MAK MA RAANGWAH NGINKONGSEN 6:32

Ephumma khôankhoma chhoan lahma mihnyan henjô aho thenâng thinlolo tongchhoan wah.

MAK MA RAANGWAH NGINKONGSEN 6:34

Chenthu Jisu khôankho kowah loatkhôam katko, atema ere mihnyan khupa chohkhe wah, phumma atema thinnâng nyahrãng mînchenwah, chenrãngma ngako, thin a asokte ahoma phoanghâm ritwah saak rãngrãng dângwah. Ephumma Jisu ma thinnâng ajahthem ngin hethô wah.

MAK MA RAANGWAH NGINKONGSEN 8:3

Ngama chenjô lephhek chhahthuk thangma humnâng mengak chienchhoan angko, lemko rêmritma chêm lahma môangweri wak a, chenrãngma ngako, wawathe pa taangmõang wah hûera.”

MAK MA RAANGWAH NGINKONGSEN 9:22

“Juchhih ma wenkhoh hehnâng ngale jokhoh hehnâng loangjâ thuklahma ate ritphe rãng ajahthem lâphungtah. Nangma meta oko, ninâng mînchen lohma mamchoh sûmênghi!”

LUK MA RAANGWAH NGINKONGSEN 15:20

Ephumma cheplahma atewa tânâng ngakwâng wah. “Ate humwah melâng taangnâng dângthuko ate wama lepkhêkat wah; atewa pa nyahrãng hungchhihwah, ngale chohchhoan kalahma ate chhako dekma khitka lahma chupjokwah.

LUK MA RAANGWAH NGINKONGSEN 7:13

Teso ma janthoinyu pa khelahma atenâng nyahrãng mînchenwah, ngale janthoinyu ko, “Neksep,” ngatwah.

HIBRU 2:17

Erohwah, Joban nâng soamtô lemkhôko thinma nyahrãng putedâlemli ngale thinnâng nyahrãng mînchênte Soam aroakte dongthôan dângrãngma rongrup ngenâng atea ate mihnyan heh rãngrãng dangeka, ngale ere junko mihnyan nyuchha heh pappa mapkoh eka.

HIBRU 4:15

Nãngkhu Soam aroakte adongthôanpa nãngkhu bôan anâko lemînchente dangmah. Rohkomin, nãngkhu Soam aroakte adongthôanjô medang komin nãng rãngrãng rongrup ngema ate hungmin thattôanwah, rohkomin atema pap moho.

HIBRU 5:2

Phumma atedede ajahthem ngenâng achhih dâng phumma, henhen pa aba ngale kaamchhih moatte a ereheh demnâng loloba noapnene tadang eka.