MAK MA RAANGWAH NGINKONGSEN 1:5 - NIEMNYAN Naga NT (BSI)

⁵ Judia diak ngale Jeroselem hahwah ajahthem mihnyan heh Jon ngin chohtatrãng chhoanwak wah. Thinma pap hehrãngma mappa thâwah, ngale Jordan joko thinnâng Jon ma baptijem kohwah.

MAK MA RAANGWAH NGINKONGSEN 1:5 Iomraidhean Croise

MATHIU 4:25

Jahmõang mihnyan heh atediko Galili ngale Dekapoli, Jeroselem, Judia, ngale jordanjo rankawah jahmõang mihnyan hehma ate dijun wah.

MAK MA RAANGWAH NGINKONGSEN 1:4

Jon baptis sehahkho nâng hong lahma baptijem phoangkoh wah ngale Joban nginpa phoangthôkoh rewah. “Ne papwah hungngaklit letma baptijem kepen,” ngama atema mihnyan hehnâng thôkoh wah, erohkoba “Joban ma nepap heh map ekohhèn.”

MAK MA RAANGWAH NGINKONGSEN 1:6

Jon ma ut banwah hôanwah khetpa kepwah, ngale ate roamko ngemkhoan roamdit pa dit rewah. Ate phhekchhah pa wunwah kupchhang phanphe ngale nyahti heh dângwah.

JON MA RAANGWAH NGINKONGSEN 1:28

Are heh Jon ma baptijem koh ekathe Bathani hahwah Jordanjo sankat ngenâng dângwah.

JON MA RAANGWAH NGINKONGSEN 3:23

Salim tâwah Ainon hahko Jon memin baptijem kohlahma dângwah, chenrãngma ngako eretheko jo ajah dângwah. Mihnyan heh ate tâko hûlahma thinnâng atema baptijem kohwah.

JON MA RAANGWAH NGINKONGSEN 5:35

Jon pa wentitdô ma rângphiak arãngrãng phiak lahma dângwah, phumma nea ate wenphiakko poatthelolo khuhah nâhah dângwah.

MOATLEM 19:18

Ajahthem Putedâlemte hehma nok atang heh mako thinma chenni chhihmo tah a ereheh loatthô ngale khesok rewah.

MOATLEM 2:38

Piter ma thinnâng ngatwah, “Nekhu phangtang mâmâ papmoatlem heh thinphe letma Jisu Krista mînko baptijem kepen, erohkoba nepap heh map tâchohmin; ngale erediko nema Joban wah Asâthôanju hînhô echoh en.

JEMS 5:16

Erohwah, nepap heh wathema wathe nâng thômîn koletma map thamîn en, ngale wathema watherãng rangsoammîn koh en, erohkoba ne khoanchet heh esen en. Joban nâng putedâlemte mihnyansen heh rangsoam pa nyahrãng chaanwin.