MOATLEM 9:6 - NIEMNYAN Naga NT (BSI)

⁶ “Rohkomin toanchep lohma ire hahdaangko wãngo, enâng nangma chenni moatmin a erepa ngama ethôkoh e.”

MOATLEM 9:6 Iomraidhean Croise

MOATLEM 22:10

Phumma ngama chhienwah, ‘Teso, ngama chenre min a?’ eko Teso ma nganâng ngatwah, ‘Toanchep lohma Damaskas nâng wãngo, enâng Joban ma nangnâng chenni moatthuk hun eho ereheh phangtang ethôkohho.’

MOATLEM 26:16

Rohkomin satlohma nang dama chep o. Nanga ngahaa dângthukrãng nang demnâng chohmîn eki. Nangma thejâ nga chenroh khethanga erepa thejâ ngale khedi kowah ngama nangnâng khesokmin hehmin mihnâng phoangthô kohmin.

FILIPIEN 2:12

Lemruchha heh, erohwah, Nga nekhu demnâng dângpoatko roantangma nema Nga nginkepkep dangeken rãngrãng, Nga nekhu demwah ataangnâng dângpoat komin nema Nga nginkepkep dângpa alemli thôan. Ne khope moatlempa Joban ran tiichei letma mo en,

ROMAN HEHNÂNG POLMA RAANGWAH SITI 10:20

Ngale Isaia ma lechêm cheithangma hôngjabwah, “Nga a ngalêmsokte ledang hehma chohlem ehang; ngale Ngalêmte ledang mihnyan heh tânâng nga hongekang.”

ROMAN HEHNÂNG POLMA RAANGWAH SITI 10:3

Joban ma ate demnâng mihnyan heh chenroh toangtang jiendang thuk eka ere lemkhô pa thinma jetmah, phumma, thindede hungsima Joban demnâng toangtang dângrit hunwak eka; ngale, Joban ma mihnyan heh ate demnâng toangtang dangthuk eka lemkhô pemin thinma kephunmah.

ROMAN HEHNÂNG POLMA RAANGWAH SITI 7:9

Ngamin Niemarang aho thangma rekthe ahîn dângwah; rohkomin chenthu hôkum pa hokphumma, pap pemin ngakhin eka,

ROMAN HEHNÂNG POLMA RAANGWAH SITI 5:20

Niemarang pa mihnyan nyuchha hehma papkaam jahmoat rãngmaba hongeka; rohkomin papkaam pa jahmoat phumma, Joban wah mînchenchaan pemin erenoma ajah bâmhong eka.

MOATLEM 10:32

Jopa nâng mihnyan chienkat lohma Simon Piter rooka thuk o. Atea jokah nâng songlahma ngemkhoan wah tembu hum hôante Simon humnâng tonga.’

MOATLEM 10:22

“Kepten, Kornilas ma chienkat ehi,” ngama thinma dânthâng wah. “Atea mihnyansen, ngale Joban nâng rangsoamte mihnyan, ngale chentô Jews heh ate rancheieka. Joban ngintatte ma ate humnâng nangrookat rãng thôkoh wah, ngale, erohkoba nangma atenâng chenni thôkohthin tonga ereheh atema eta chohtat a.”

MOATLEM 10:6

Atea jokah nâng songlahma ngemkhoan wah tembu hum hôante Simon humko tonga.”

MOATLEM 2:37

Chenthu mihnyan hehma arepa tatphumma, thinhung nâng nyahrãng keklahma Piter le moattat chhoante hehnâng ngatwah, “Pho anaa heh nima chenni rêmin a?”

LUK MA RAANGWAH NGINKONGSEN 3:10

Mihnyan hehma atenâng thôngphâ wah, “Eroh medang ako nima chenremin a?”

MATHIU 19:30

Rohkomin, athângheh ajahthem khekho dangeka heh khedinâng elit danga, ngale athângheh ajahthem khedi dangeka heh khekho elit danga.

JEMS 4:6

Rohkomin Joban ma nãngnâng ate mînchenchaan koh ehipa ere nomemin achaan. Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dângte mihnyan hehnâng ate mînchenchaan koheka.”

MOATLEM 9:5

Atema, “Nanga hen a Teso?” ngama chhienwah. “Nga a Jisu, nangma chêmsiet ehangpa,” ngama jabkhab pumma dânthâng wah.