MOATLEM 8:12 - NIEMNYAN Naga NT (BSI)

¹² Roh komin chenthu thinma Filip wah Joban Hahsông nginkongsen le Jisu Krista nginpa chohtat phumma, dihiak dela phangtang baptijem kepwah.

MOATLEM 8:12 Iomraidhean Croise

MATHIU 28:19

Erohwah chentô mihnyan nyuchha, ngale chentô thenâng chhoan en, ngale ngadijunte rãng dangthukwak en: Ngale Wa mînko, Chha mînko, erediko Asâthôanju mînko baptijem koh en,

LUK MA RAANGWAH NGINKONGSEN 9:2

Erediko atema Joban Hahsông nginpa phoangthô ngale khoanchette min mesiet en ngama chienchhoan wah,

LUK MA RAANGWAH NGINKONGSEN 9:60

Jisu ma dânthâng wah, “mangpa mang rôande chenrumîn a. Nangma chhoan lohma Joban Hahsông nginpa phoangthô chhoan o.”

MOATLEM 1:3

Ate ritdi jâroak belii khenko thin demnâng depdep chohmînwah, ngale atea ahîn ngama jien putedâlem rãng thinnâng rongrup moatlem heh molahma khesokwah. Thinma ate khetah, ngale thinnâng atema Joban Hahsông ngin hehmin thôkotah.

MOATLEM 11:20

Rohkomin Sipras ngale Kren wah putedâlemte ahan hehma Antiok nâng kalahma Jews ledangte hehnâng thôkat kohwah ngale, thinnâng Teso Jisu nginkongsen pa thôkoh wah.

MOATLEM 18:8

Sanagog wah khhepho wathe ate mînpa Krispas ngale ate humte tangkâ hehma Teso nâng putedâlem wah; ngale Korint wah ajahthem mihnyan hehma Joban ngin tatlahma putedâlem lahma baptijem kepwah.

MOATLEM 19:5

Chenthu thinma erengin pa tatphumma Teso Jisu mînko baptijem kepwah.

MOATLEM 2:38

Piter ma thinnâng ngatwah, “Nekhu phangtang mâmâ papmoatlem heh thinphe letma Jisu Krista mînko baptijem kepen, erohkoba nepap heh map tâchohmin; ngale erediko nema Joban wah Asâthôanju hînhô echoh en.

MOATLEM 2:41

Jahmõang mihnyan hehma ate nginko putedâlem lahma baptijem kepwah, ngale ere jâko hahjatrem mihnyan ma baptijem keplahma thin demnâng johdângwah

MOATLEM 20:21

Jews le Jews ledangte hehnâng khoakthema nepap moatlem wah jekletma Joban tânâng ngakhûren ngale Teso Jisu nâng putedâlem en ngama thôkotah.

MOATLEM 20:25

“Ngama Joban Hahsông Nginkongsen pa phoangthô lekma nekhu demnâng dângwah. Ngale ade phumma ngama jet ekang nekhu henmemin nga lechoh khetumin.

MOATLEM 28:31

Atema Joban Hahsông ngin ngale Teso Jisu Krista nginpa, lechei thangma ngale lesoang thangma phoang hethô wah.

MOATLEM 5:14

Rohkomin mihnyan heh thin demnâng ajahjah johdâng wah - Teso nâng putedâlemte heh dihiak dela anga nga johrû hokwah.

MOATLEM 8:4

Putedâlemte phanchhoantah hehma chentô thenâng Joban nginkongsen pa thôchhoan wah.

ROMAN HEHNÂNG POLMA RAANGWAH SITI 10:10

Chenrãngma ngako, nãngma putedâlem junma Joban demnâng toangtang dangthuk ehi; ngale nãng thunma hôngjab junma khope eki.

1 KORINT 11:11

Nãng roandôngko Teso jetlihma sôngtôngko, dihiak pemin dela rãngma alem, ngale dela pemin dihiak rãngma alem.

GALATIEN 3:28

Erohwah Jews le Jews ledangte hehnâng mâmâ jatjat ahotu, haa le haa ledangte heh tungnângmin mâmâ jatjat ahotu, dihiak dela tungnângmin ahotu; nekhu phangtang Jisu Krista demnâng roamletma wathe lâdangtet.

1 PITER 3:21

Erepa dangeka, athâng hehwah ne pesietrãng baptijem kep eken thiakpa dângwah. Ngale erepa phoangwah ngek atek heh sâsôan dangmah, rohkomin hungsen rinsen danglihma Joban demnâng toamsem eki. Erepa Jisu Krista ritwah ngakhîn junma nekhu pepâng ehèn,