MOATLEM 8:1 - NIEMNYAN Naga NT (BSI)

¹ Ngale Sol memin Stifen ritphe pa asen ngama ngatwah. Erejâ phumma Jeroselem wah Asâthem hehma nyahrãng chêmchhih bengchohwah. Putedâlemte heh phangtang Judia ngale Samaria diaktang nâng phoangphân chhoanwah, moattat chhoante heh loloba lephanchhoan thangma tôngwah.

MOATLEM 8:1 Iomraidhean Croise

MATHIU 22:6

Ahan hehma bisun hokte haaheh lolahma buh awat relahma ritphewah.

MATHIU 23:34

Ngama nenâng thôkoh eka, ngama netânâng mõng ngale mihnyansen, erediko hethôte mihnyan heh echien hûrâng; phumma nema khuthepa ritphe, khuthepa bãngphakko rittek, ngale khuthepa Sanagog nâng siethû letma buh awat letma chentô hahdaang rupwah ephoang junlo waken.

MATHIU 5:13

“Nea mihnyan nyuchha rãngma sum rãngrãng. Phumma sumko wah sumtupa mesejâ tahko, erepa ngaktû sietrãng lihân lemkhô ahotu. Erepa mahto lâdangtah, petphe lahma mihnyan dakhen nângba ewoatnek tûa.

JON MA RAANGWAH NGINKONGSEN 15:20

Ngama nenâng chenni thôkotah a ereheh thonghuntan en: ‘Haaheh thin tângtewa noma adong dangmah.’ Mihnyan hehma nganâng mechêmsiet hangko, thinma nemin echêmsiet hèn; ngale ngama hethô ekangpa thinma mekep ako, thinma ne nginmin ekephèn.

JON MA RAANGWAH NGINKONGSEN 16:2

Nea Sanagog wahmin ejunlo hèn, ngale mihnyan hehma ne ritphe lahma thinma Joban nâng soamtô eki ngama thônghûn sanpoat pa ehûra.

MOATLEM 1:8

Rohkomin chenthu Asâthôanju nekhoh nâng meka theko, nema chaan echoh en, ngale nema Jeroselem nâng, Judia phangtang nâng, ngale Samaria, erediko hahtokkhoh phangtang nâng phoangchhoan letma ngangin ephoang thôkoh en.”

MOATLEM 13:1

Antiok wah Asâthem hehnâng mõng ngale hethôte heh roanche dângwah: Barnabas, Simon (ngale atenâng mangnyekjat ngamemin roowah), Lukius (atea Kren wah), Manan (atea Govono Hirot demnâng aroamma humthewah roamdông aloatwah), ngale Sol.

MOATLEM 13:36

Chenrãngma ngako Devit ma Joban moatlem heh ate roandông poatko motah, ngale erediko riilahma, ate te awa heh demnâng johbîn katwah, ngale ate mangpa mangrukko sânjâwah.

MOATLEM 2:47

Joban nâng rô rewakwah, erediko chentô mihnyan hehma thinnâng senchoh lahma dângwah. Ngale rangwo roakweih khopete mihnyan heh Teso ma thin demnâng chîjoh roamsiet hokwah.

MOATLEM 22:20

Ngale chenthu nang nginthôte Stifen ritphe poatko, ngadede min eretheko Stifen ritphete heh khet heh bemko lekma Stifen ritphe sûlekma dângwah.’

MOATLEM 26:10

Ngale ngama Jeroselem nâng eroh motek. Ngale Soam aroakte adong hehma chaan kohlahma ngama Joban mihnyan heh jahmõang phâtek nâng sektek; ngale chenthu thin ritphe rãng nginpatko, ngamin thin lelatnâng jabtek.

MOATLEM 5:18

Thinma moattat chhoante heh lokhhek lahma phâtek nâng sekwah.

MOATLEM 5:20

“Rangsoamhum nâng wãngletma, mihnyan chentô nâng are roandông nyan nginpa thôkoh en.”

MOATLEM 5:33

Chenthu ngoang awang hehma erengin heh tatphumma, thin nyahrãng rinkhah wah, ngale moattat chhoante hehmin ritphe rãng hunwah.

MOATLEM 5:40

Thinma moattat chhoante heh humkhen nâng ngakroo lahma watlahma Jisu mînko chenthumin nekthe phoangthôtu en ngama ngalahma thînphêwah.

MOATLEM 7:38

Ate sehahkho nâng Isrial mihnyan heh khôan komin johkhôanwah; atea nãngte nãngwa heh demnâng min johdângwah, ngale Sinai Hahkong khonâng rangwah Joban ngintatte ma atenâng thôkoh poatkomin dângwah; ngale atema nãngnâng dienthôkoh rãng Joban wah ahîn nginkongpa chohthâwah.

MOATLEM 7:54

Ngoang awang hehma Stifen ngin jetat lahma, Stifen nâng thin pâchupkek lahma rinkhah wah.

MOATLEM 7:58

erediko hahdaang wah sietphechhoan lahma longma ritpetwah. Hâkhi hôante hehma thin khet heh paangmihpho ate mînpa Sol nâng phethien kohwah.

MOATLEM 8:14

Jeroselem wah moattat chhoante hehma Samaria wah mihnyan hehmemin Joban jabkhab pa keptah ngama chohtat phumma thinma Piter le Jon nii thin tânâng chienkatwah.

MOATLEM 8:2

Joban nâng senthemthem soamte khuthema nyahrãng raksep nungma Stifen mangpa bînchhoanwah.

MOATLEM 8:4

Putedâlemte phanchhoantah hehma chentô thenâng Joban nginkongsen pa thôchhoan wah.

MOATLEM 8:5

Filip Samaria nâng katwah ngale Samaria nâng kalahma enângwah mihnyan hehnâng Misaia nginkongpa thôkoh wah.

MOATLEM 9:31

Ngale ere sanpoatko Judia, Galili ngale Samaria wah Asâthem heh mêmoma dângwah. Ngale Asâthôan Juma chohsû lahma thin a putedâlem nâng rongtêngtêng dângwah, ngale Joban ranchei nungma sôngtôngdi putedâlemte heh jêngjah jêngjah rewah.

ROMAN HEHNÂNG POLMA RAANGWAH SITI 1:32

Joban niemarang ma aroh sôngte mihnyan heh arit rêmin ngaeka ngamemin thinma ajet. Rohkomin, thinma eroh moatlolo ledang, ererãngrãng mihma memo akomin thinma asen ngaeka.

FILIPIEN 1:12

Ngalemruchha heh, Ngama nekhu nâng jetthuk huneka, nganâng chenni dangthanga erepumma linlinjô nginkongsen pa jahsiet eka.

HIBRU 11:27

Putedâlem junma Lowang rinkhahran lechei thangma Mosa Igip wah loatchhoan wah. Atema mitma lekhe Joban pa khe eka lele danglahma Igip nâng ngakwâng rãng lenyoak dângwah.