MOATLEM 6:5 - NIEMNYAN Naga NT (BSI)

⁵ Moattat chhoante heh nginko putedâlemte heh phangtang hungsên wah, ephumma thinma putedâlem asente ngale Asâthôanju mênchong dângte heh rênwah, erepa Stifen, Filip, Prokoras, Nikanor, Timon, Parmena, ngale khemako Judiejem rãng litdangte Antiok wah Jews ledangte Nikolas rênwah.

MOATLEM 6:5 Iomraidhean Croise

MATHIU 23:15

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema jodong ranka danletma ngale chentô diak akan heh dan reletma ne dijunte rãng dangthuk eken; phumma chenthu ne dijunte rãng meta dangthuk tetko, nenoma dûmnii achhih dangthuk letma nerãngrãng pap wendôko khamrii kathuk eken!

MOATLEM 11:19

Stifen ritphe poatwah chêmsiet sanpoatko putedâlemte phoanghuh chhoantah heh Fonika, Sipras, ngale Antiok lanhûroh chhoanwah, phumma thinma Joban nginpa Jews hehnâng lolo thôkoh wah.

MOATLEM 11:20

Rohkomin Sipras ngale Kren wah putedâlemte ahan hehma Antiok nâng kalahma Jews ledangte hehnâng thôkat kohwah ngale, thinnâng Teso Jisu nginkongsen pa thôkoh wah.

MOATLEM 11:22

Are nginpa Jeroselem wah Asâthem heh tânâng hokphumma thinma Barnabas Antiok nâng chienkatwah.

MOATLEM 11:24

Barnabas pa nyahrãng mihnyansen dângwah, atenâng Asâthôanju min mênchong dângwah ngale nyahrãng putedâlem sen dângwah. Ephumma jahmõang mihnyan heh Teso tânâng siethokwah.

MOATLEM 11:26

Atema Sol chohmîn lahma Antiok nâng sietwênwah, ngale rangpâ pâtangma atenii Antiok nâng tôngwah. Roantangma Asâthem heh khôanhû lahma Barnabas le Sol demnâng chohmînwah ngale atenii ma thinnâng hethô wah. Antiok wah putedâlemte hehnâng Kristan ngama bengngatwah.

MOATLEM 11:27

Ere sanpoatko Jeroselem wah Antiok nâng mõng khuthe katwah.

MOATLEM 13:1

Antiok wah Asâthem hehnâng mõng ngale hethôte heh roanche dângwah: Barnabas, Simon (ngale atenâng mangnyekjat ngamemin roowah), Lukius (atea Kren wah), Manan (atea Govono Hirot demnâng aroamma humthewah roamdông aloatwah), ngale Sol.

MOATLEM 15:22

Erediko moattat chhoante ngale khhepho phannang heh, ngale Asâthem heh phangtang roamlahma thinkhuchhang wah Pol le Barnabas nii demnâng Antiok nâng chienkatrãng thômîn wah. Thinma putedâlemte hehma nyahrãng senchoh mihnyan wanii rênwah, erepa Juda atenâng Barsabas ngamemin roowah, erediko Silas nii renwah,

MOATLEM 2:4

Thin anga ngama Asâthôanju chohwah, ngale Juma thinnâng chenroh jabthuk eka eroh thinma mihhanjat jabma jabwah.

MOATLEM 21:8

Eredijâko Polimais hahwah chhoan lihma Kasaria hahnâng hokwah. Phumma nia erehah kowah Ivengelist Filip humko tôngwah, Filip pa Jeroselem nâng chohsokte rãng waengit mihnyan rentah kowah wathe dângwah.

MOATLEM 22:20

Ngale chenthu nang nginthôte Stifen ritphe poatko, ngadede min eretheko Stifen ritphete heh khet heh bemko lekma Stifen ritphe sûlekma dângwah.’

MOATLEM 6:10

Rohkomin Stifen nâng Juma chohsû lahma atema ngin heh chhemlala hôngjabwah, phumma ere Jews heh ate demnâng tachhiakmîn tuho.

MOATLEM 6:3

Erohwah, lemruchha heh, nekhuchhang wah Asâthôanju mênchong dângte ngale hungkhem rinkhem mihnyan hehwah waengit mihnyan ren en, phumma nãngkhuma thinnâng areheh phên asên moatlem mothuk e.

MOATLEM 6:8

Stifen nâng Joban ma nyahrãng rangkoh wah, ngale atenâng Joban chaan mênchong dângwah, atema mihnyan heh tâko nyahrãng patritli le bâritli moatlem heh moatwah.

MOATLEM 7:1

Soam aroakte adongthôan pumma Stifen nâng chhienwah, “Arepa nginlinne?”

LOATKHESOK 2:15

Ererãngrãngjô, nekhu chhangnângmin Nikolaitan hehma hethôeka ngin keptemin etongen.

LOATKHESOK 2:6

Rohkomin nema arepa senchohli moeken: Nema Nikolaitan hehma moeka hehnâng, Ngama chentô chhihchoh ekanga eretô chhihchoh eken.