MOATLEM 6:3 - NIEMNYAN Naga NT (BSI)

³ Erohwah, lemruchha heh, nekhuchhang wah Asâthôanju mênchong dângte ngale hungkhem rinkhem mihnyan hehwah waengit mihnyan ren en, phumma nãngkhuma thinnâng areheh phên asên moatlem mothuk e.

MOATLEM 6:3 Iomraidhean Croise

MATHIU 23:8

Phumma nenâng ‘hethôte’ ngama leroomin, chenrãngma ngako, nekhua pho anaa tuta, ‘hethôte’ pa wathe loloba tonga.

JON MA RAANGWAH NGINKONGSEN 21:23

Ephumma Jisu dijunte heh chhangko are dijunte wathepa lerii tumin ngama thôlahma ngin hôngwah. Rohkomin Jisu ma ate leriimin ngama ngaho; Jisu ma, “Ngama atea Nga mangak ngakka ahînma tôngthuk mehun angko, Nangjã tanga chenroh dângmin a?” ngamaba ngatwah.

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 1:21

“Erohwah hen komin wathe Teso Jisu ngakhîn nginkongpa phoangthô rãng nãngdemnâng johchepmin. Ere mihnyan pa Teso Jisu nãngdemnâng phoangkhoamtah sanpoatko nãngdemnâng roantangma johkhôamwah mihnyan dângmin, ngale Jon ma baptijem kep ngin bengphoang thôtah thuma nãngdemnâng dângwah mihnyan dângmin ngale nãngdem kowah Jisu rangkhethung nâng toansietwên tah jâkotuk nãngdemnâng dângwah mihnyan dângmin.”

MOATLEM 10:22

“Kepten, Kornilas ma chienkat ehi,” ngama thinma dânthâng wah. “Atea mihnyansen, ngale Joban nâng rangsoamte mihnyan, ngale chentô Jews heh ate rancheieka. Joban ngintatte ma ate humnâng nangrookat rãng thôkoh wah, ngale, erohkoba nangma atenâng chenni thôkohthin tonga ereheh atema eta chohtat a.”

MOATLEM 15:23

ngale are sitipa raang lahma thinnâng matkatwah: “Ni, moattat chhoante ngale khhepho phannang heh, ngale nekhu pho anaa hehma Antiok nâng, Syria, ngale Kilikia wah Jews ledangte hehnâng salem matkat eka.

MOATLEM 16:2

Listra ngale Ikoniem wah Kristan mihnyan hehma Timothi asen ngama thôwah.

MOATLEM 2:4

Thin anga ngama Asâthôanju chohwah, ngale Juma thinnâng chenroh jabthuk eka eroh thinma mihhanjat jabma jabwah.

MOATLEM 22:12

“Ere hahko mihnyan wathe ate mînpa Anania dângwah, atea Joban nâng hungkoh lahma soam atôte, ngale nãng Niemarang hehmin senthemthem kepte, ngale enângwah sôngte Jews hehmemin atenâng nyahrãng choangpe lahma dângwah.

MOATLEM 28:14

Enâng nima putedâlemte mihnyan roanche chohmin lihma thin demnâng haptathe johtôngrãng rosepthi. Eroh relihma ni Rom nâng hokwah.

MOATLEM 6:2

Ephumma echhi wanii moattat chhoante hehma phangtang aroamma khôanroo lahma ngatwah, “Nãngma Joban ngin phoangthônâng hung lekoh thangma ngun akem nâng sêmpa senmah.

MOATLEM 6:5

Moattat chhoante heh nginko putedâlemte heh phangtang hungsên wah, ephumma thinma putedâlem asente ngale Asâthôanju mênchong dângte heh rênwah, erepa Stifen, Filip, Prokoras, Nikanor, Timon, Parmena, ngale khemako Judiejem rãng litdangte Antiok wah Jews ledangte Nikolas rênwah.

MOATLEM 6:6

Putedâlemte hehma areheh moattat chhoante hehnâng siethok kohwah, phumma moattat chhoante hehma ere mihnyan heh khohko dekma sahlo lahma rangsoam kohwah.

MOATLEM 9:30

Chenthu putedâlemte hehma Sol junma jetphumma, thinma Sol thin demnâng dangthuk lahma Kasaria nâng sietkatwah, ngale enângwah Tarsus nâng chienkatwah.

1 KORINT 12:8

Juma wathe mihnyanko Joban nginpa buthi moangthêm kohlahma thôthuk eka, ngale ahan wathe mihnyanko ere mãnthe Ju pummajô Joban nginpa nyapjet nyapjien dangthuk lahma thôthuk eka

1 KORINT 16:3

Nga netânâng hokdiko, nema ren eken mihnyan hehnâng siti wah raangko lekma, nema khôansetet ngunheh katkohrãng Jeroselem nâng echienkat e.

IFISIEN 5:18

Khemjok letma nekmok en, erepumma ne chhihsiet ba ere hèn; erenoma Joban Ju mênchong dangletma tongen.

1 TIMOTHI 5:10

ngale atea moatlemsen moatte dihiaknyu ngama mînwînte dângmin: ate chhuchha heh senthemthem dôngkhêmte, ngale ate humnâng mihwun heh tãngroo lahma jekthuk hunte, Kristan hehrãngma numnene danglahma chohsokte, chêmcheite mihnyan hehnâng chohsokte, ngale atea roantangma moatlemsen moatte dângmin.

JEMS 1:17

Chentô asenli ngale apunli hînhô heh rangkhethung wah kaera; erepa rangkhethung wah wenphiak Hôante Joban tâwah kaera, atea chenthumin litjâmah, ngale chenthumin rangnyek rãng litjâmah.

3 JON 1:12

Anga ngama Demetrius senthôeka; ngale toangtang pummemin ate senthôeka. Ngale nimemin atea asen ngaeki, ngale nemajet nima chenni thôekia erepa toangtang.