MOATLEM 6:1 - NIEMNYAN Naga NT (BSI)

¹ Khediko lele, dijunte heh jahwâng rienrien, Griik jabma jabte Jews heh Hibru jabma jabte ahan Jews heh demnâng chhihchohmîn wah. Griik jabma jabte Jews hehma thin janthoinyu heh rangwo roakweih phhekchhah phenko chohmah ngama ngatwah.

MOATLEM 6:1 Iomraidhean Croise

MATHIU 23:13

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mihnyan hehrãngma rangkhethung Hahsông lempa tangsekkoh eken, ngale nededemin ereko wãngmet, erediko eretheko wânghunte hehmin nema wãngthukmet!

MOATLEM 11:20

Rohkomin Sipras ngale Kren wah putedâlemte ahan hehma Antiok nâng kalahma Jews ledangte hehnâng thôkat kohwah ngale, thinnâng Teso Jisu nginkongsen pa thôkoh wah.

MOATLEM 11:26

Atema Sol chohmîn lahma Antiok nâng sietwênwah, ngale rangpâ pâtangma atenii Antiok nâng tôngwah. Roantangma Asâthem heh khôanhû lahma Barnabas le Sol demnâng chohmînwah ngale atenii ma thinnâng hethô wah. Antiok wah putedâlemte hehnâng Kristan ngama bengngatwah.

MOATLEM 11:29

Phumma dijunte hehma henma chentô taeka eretô thinlemru Judia wah putedâlemte hehnâng matkat e ngama nginpat wah.

MOATLEM 2:41

Jahmõang mihnyan hehma ate nginko putedâlem lahma baptijem kepwah, ngale ere jâko hahjatrem mihnyan ma baptijem keplahma thin demnâng johdângwah

MOATLEM 2:45

Thinma thin pitthin jolem ngale chhahkhem heh sãng lahma ngunpa thintungko henma chentôlem eka eroh chîphenkep wah.

MOATLEM 2:47

Joban nâng rô rewakwah, erediko chentô mihnyan hehma thinnâng senchoh lahma dângwah. Ngale rangwo roakweih khopete mihnyan heh Teso ma thin demnâng chîjoh roamsiet hokwah.

MOATLEM 4:35

ngale erepa moattat chhoante heh deknâng chîkohhok wah; ngale ere ngunpa henma chentô lemeka erejunko chîphenkep wah.

MOATLEM 4:4

Rohkomin Piter le Jon wah ngin chohtatte heh jahmõang ma putedâlem wah; ngale putedâlemte heh hahjat bangâ rãng dângwah.

MOATLEM 5:14

Rohkomin mihnyan heh thin demnâng ajahjah johdâng wah - Teso nâng putedâlemte heh dihiak dela anga nga johrû hokwah.

MOATLEM 5:28

Atema ngatwah, “Nima nenâng are mihnyan mînpa kepletma mihnyan hehnâng nekphoang hethôtu en ngama jektengtah dangmahne,” “Phumma sûtan en nema chenni moeken a! Nema Jeroselem phangtang nâng lâphoang hethôtet, ngale nema are mihnyan riitahpa nikhonâng phehun ehia!”

MOATLEM 6:2

Ephumma echhi wanii moattat chhoante hehma phangtang aroamma khôanroo lahma ngatwah, “Nãngma Joban ngin phoangthônâng hung lekoh thangma ngun akem nâng sêmpa senmah.

MOATLEM 6:7

Ngale ephumma Joban nginpa lejektû thangma jêngjah jahphoangthô rewakwah. Erediko Jeroselem nâng putedâlemte hehmin jêngjah jahhong rewah, ngale soam aroakte hehmemin ajahthem ma putedâlem wah.

MOATLEM 9:29

Griik jabma jabte Jews heh demnâng min Sol roantangma phoangchiakmîn wah, phumma thinma ate ritphe rãng themawa wah.

MOATLEM 9:39

Ephumma Piter thin demnâng johkatwah. Chenthu ate enâng hokkhoam phumma atok dângwah humko sietwênwah, ngale eko chentô janthoinyu heh ate tumlit khôanhok wah, ngale asep nungma Dorkas ma hînpoatko tektah khet heh phangtang atenâng khesokwah.

MOATLEM 9:41

Piter ma ate tânâng hehka lahma chohsatsiet wah. Erediko atema putedâlemte phangtang roowah, ereko janthoinyu hehmin johdângwah. Ephumma atema thinnâng Tabitha ahin khesokwah.

ROMAN HEHNÂNG POLMA RAANGWAH SITI 12:7

ngale nãngnâng khoakhêmk rãng mekohhiko, nãngma eroh khoakhêm min; ngale hethô rãng mekohhiko, eroh hethômin;

1 KORINT 10:10

Thinkhu joangalintah rãngrãng nãngkhu lejoangmin - eroh jôangte heh rangkhethung wah Joban Ngintatte hehma ritphetah.

2 KORINT 11:22

Thin a Hibru jat ne? Ngamin Hibru jat jôba. Thin a Isrial jat ne? Ngamin Isrial jat jôba. Thin a Abraham chhuchha ne? Ngamin Abraham chhuchha jôba.

FILIPIEN 3:5

Nga jâeset jâko khoankhen niem pa hôanwah. Ngale Nga achhat mejû Isrial mihnyan, Benjamin jatwah chhatwah, ngale Hibru hei linlin wah chhatwah. Jews heh Niemarang jun komin Nga Farasi,

1 TIMOTHI 5:3

Linlinjô atelolo dângte janthoinyu hehnângmin mînchen o.

1 TIMOTHI 5:9

Janthoinyu henjô rangpâ roak erok noma ajah ledang kako, atea ahan janthoinyu heh demnâng khoroak nekjohweih. Ere lekojô, atea ditthe loloba dela nâng wângte dângmin

HIBRU 13:1

Kristan pho anaa rãngrãng wathema wathe nâng hun achhâmîn letma tongen.

JEMS 1:27

Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.

JEMS 4:5

Nekthonghun en Joban nyapraangma ngaeka pa toangtang dangmah ngama, Joban nyapraangma aroh ngaeka, “Joban ma nãng khennâng thienkoh ehi Ju pumma nãngnâng nyahrãng hun ehi.”

JEMS 5:9

Ngalemruchha heh, wathema wathemîn nekchhih thômîn en, eroh medang enkoba Joban ma nenâng achhih ngama lenga edanghèn. Aren rangwopa lânam hutha, ngale lâhong eka.