MOATLEM 3:6 - NIEMNYAN Naga NT (BSI)

⁶ Phumma Piter ma atenâng ngatwah, “Nga ngenâng ngun phathemin aho, rohkomin nganâng chenni tonghanga erepa koh e: Nazarat wah Jisu Krista mînko ngama nangnâng toanchep lohma khoam o ngama chien eki!”

MOATLEM 3:6 Iomraidhean Croise

MATHIU 10:9

Ne tõng akhak nâng ngun akem ngale lihân sêmmak nek hèn chhoan en;

MATHIU 7:22

Chenthu metloatjâ rangwo mehû theko, ajahthem mihnyan ma nganâng aroh enga hang, Teso, Teso, nangmînko nima Joban ngin phoangthôtih, ngale nangmînko nima juchhihmin junlotih, patritli moatlemmin motih!

MAK MA RAANGWAH NGINKONGSEN 14:8

Atema chentô taeka eretô lâmotah; Atema nga phoangko tienma lokkoh ehangpa ngarit mama nga mangbinrãng khoakhem eka.

MAK MA RAANGWAH NGINKONGSEN 16:17

Putedâlemte hehnâng patritli moatlem moatrãng chaan kohmin: thinma ngamînko juchhihmin junloatmin; ngale thinma ajatjat jabmemin ejabwak a;

JON MA RAANGWAH NGINKONGSEN 19:19

Pilat ma nyapraang raanglahma bãngphakko betkohwah. Atema, “Nazarat wah Jisu, Jews heh Lowang,” ngama raanglahma betkohwah.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 16:18

Janchhônya pumma Pol khoan lânpunroh are nginpa melâng rangwo rãng phoangjabwah, Phumma Pol nyahrãng khoanpun lahma litphong lahma ere juko ngatwah, “Jisu Krista mînko ngama nangnâng are janchhônya kowah loatchhoan o ngama chien eki!” Phumma ere sanpoat poatko janchhônya kowah jupa loatchhoan wah.

MOATLEM 2:22

“Lemruchha Jews heh! are nginpa jetat tan en, Nazarat wah Jisu nâng Joban chaanwin ngama nenâng ate junma Joban ma chentô patritli moatlem ngale bâritli heh molahma khesokthen. Erepa nedede maminjet, chenrãngma ngako, ereheh netâko aretheko dângwah.

MOATLEM 2:36

“Isrial wah mihnyan heh chentôma are Jisu nema rittektet pa, Joban ma Teso ngale Misaia rãng hôaneka ngama metkep ejet en!”

MOATLEM 3:16

Arepa atemîn chaanma are dakò wako chaan kohlahma sensiet eka. Ngale nema are mihnyan pa khe eken ngale nema ate ejet en, arepa Jisu mînko putedâlem junko sen eka; arepa nekhu chentôma tasû en, Jisu nâng putedâlem pumma jôba ate senthemthem sensiet eka.

MOATLEM 3:5

Ephumma atema thinwah chenni komin echohthem ang ngama thonghun lahma thinnâng sokwah.

MOATLEM 3:7

Erediko atema dekchah ngeko chohsiet lahma tôansietwah. Ephumma lemlienma ere mihnyan da, ngale dachî arang heh chehjâ lahma sênwah;

MOATLEM 4:10

nekhu phangtangma jet en, ngale Isrial wah mihnyan heh phangtangma jet en, are mihnyan pa nemako senthemthem senlahma chep ekapa Nazarat wah Jisu Krista mînchaanko sen eka - nema ate rittekwah, rohkomin Joban ma ate ngakhînsiet wah.

MOATLEM 4:7

Thinma moattat chhoante heh thinmako chepthuk lahma thinnâng ngin chhienwah, “Nema arepa chenroh motet a? Nenâng chenni chaan tonghèn a ngale nema henmîn keptet a?”

MOATLEM 9:34

Piter ma ngatwah, “Ainia,” “Jisu Krista ma nang lâsen siettho. Toanchep lohma nang jupthin pa toanpe lohma khoakhem o.” Lemlienma Ainia tôanchep wah.

1 KORINT 4:11

Are sanpoat tôkomin nia rêmrit, ngale jolân ritma tongeki; Nia khetchien khunaang demnâng tongeki; buh awat re ehi, ngale thethe kowah thethe nâng hum ahah aho thangma phoangkhoam eki;

2 KORINT 6:10

Ngale nia chentô hung mechhih ekomin, roantangma khuhah nâhah tongeki; ngale nia tangchhih medang ekomin, nima jahmõang mihnyan techhurãng hôan eki; ninâng chenjô aho rãngrãng medang ekomin, nima linlin rongruppa cheiki.

2 KORINT 8:12

Nema hung arin senma mekoh enko, nema chenni cheiletma kohken a erejunko Joban ma echohtha hèn, chenni pa nenâng ahoa erejunko sûmah.

2 KORINT 8:9

Nema nãng Teso Jisu Krista mînchenchaan pa jet en; atea nyahrãng techhu dângwah, rohkomin ate dedema tangchhih rãng hôanritwah, erepa ate tangchhih dângjunko nea techhu dângthuk rãng ngama atea tangchhih rãng litdângwah.

JEMS 2:5

Ngalemruchha heh, tattan en! Joban ma are hahtokkhoh wah tangchhih heh putedâlem ngenâng techhu dângrãng reneka, ngale henhenma atenâng hun achhâeka ereheh nâng kohrãng toamsem tah thepa thinnâng kohrãng reneka.

1 PITER 4:10

Anga ngama, Joban ma mâmâ jatjat hînhô koh ehèn heh senthemthem jienkepte rãngrãng dangletma, nema Joban ngewah chohtet hînhô heh mihhan hehrãng asen dângrãngma kepmin.