MOATLEM 3:16 - NIEMNYAN Naga NT (BSI)

¹⁶ Arepa atemîn chaanma are dakò wako chaan kohlahma sensiet eka. Ngale nema are mihnyan pa khe eken ngale nema ate ejet en, arepa Jisu mînko putedâlem junko sen eka; arepa nekhu chentôma tasû en, Jisu nâng putedâlem pumma jôba ate senthemthem sensiet eka.

MOATLEM 3:16 Iomraidhean Croise

MATHIU 14:29

Jisu ma dânthâng wah, “Karoo!” Ephumma Piter khôankho kowah jâkhoam lahma jokhohma Jisu tânâng khoamkat wah.

MATHIU 9:22

Jisu litphong lahma dihiaknyu pa chohkhe wah, eko Atenâng ngatwah, “Ngachha, hungdongsiet o! nang dâlem pumma nang khoanchet pa lâmetho.” Ere sanpoat poatko dihiaknyu khoanchet pa mewah.

JON MA RAANGWAH NGINKONGSEN 14:12

Ngama toangtang thôkoh eka: henhenma nganâng putedâlem ehanga erehehma ngama chenni moatlem moekanga ereheh emowak a, ngale erenoma moatlem dongmin eta mowak a, chenrãngma ngako Nga a Wa tânâng wãngekang.

JON MA RAANGWAH NGINKONGSEN 7:23

Delachha pa nema Joban Pientông jâko khoankhen niem hôanletma nema Mosa Niemarang pa lechhihsiet medang enko, Ngama khoanchette mihnyan pa Pientông jâko senthemthem mêsietrãngma nga demnâng chenrãngma rinkhah eha?

MOATLEM 14:9

Atemin eretheko tonglahma Pol nginpa jettat lahma dângwah. Ngale Pol ma ere mihwa pumma Joban ma tasensiet hang ngama putedâlem pa khelahma, atenâng thongthong sokkatwah

MOATLEM 16:18

Janchhônya pumma Pol khoan lânpunroh are nginpa melâng rangwo rãng phoangjabwah, Phumma Pol nyahrãng khoanpun lahma litphong lahma ere juko ngatwah, “Jisu Krista mînko ngama nangnâng are janchhônya kowah loatchhoan o ngama chien eki!” Phumma ere sanpoat poatko janchhônya kowah jupa loatchhoan wah.

MOATLEM 3:6

Phumma Piter ma atenâng ngatwah, “Nga ngenâng ngun phathemin aho, rohkomin nganâng chenni tonghanga erepa koh e: Nazarat wah Jisu Krista mînko ngama nangnâng toanchep lohma khoam o ngama chien eki!”

MOATLEM 3:8

Ate atoak rewah, ngale atedede dama cheplahma tumlit phoangkhoam wah. Erediko Joban nang rôlahma phoangtoak lahma thin demnâng Rangsoamhum nâng johwângwah.

MOATLEM 4:10

nekhu phangtangma jet en, ngale Isrial wah mihnyan heh phangtangma jet en, are mihnyan pa nemako senthemthem senlahma chep ekapa Nazarat wah Jisu Krista mînchaanko sen eka - nema ate rittekwah, rohkomin Joban ma ate ngakhînsiet wah.

MOATLEM 4:30

Nang dekma sahlokat lohma khoanchet heh mesiet katro, ngale nang Asâthôan Haa Jisu mînko patritli le bâritli hehwah mokatro.”

MOATLEM 4:7

Thinma moattat chhoante heh thinmako chepthuk lahma thinnâng ngin chhienwah, “Nema arepa chenroh motet a? Nenâng chenni chaan tonghèn a ngale nema henmîn keptet a?”

ROMAN HEHNÂNG POLMA RAANGWAH SITI 3:22

Mihnyan hehma Jisu Krista nâng putedâlem junko Joban ma ate demnâng toangtang dangthuk eka. Joban ma arepa henhenma Krista nâng putedâlem eka ereheh toangtang dangthuk eka, chenrãngma ngako chentô mihnyan nyuchha pa khoakthe tuta:

1 KORINT 13:2

Ngama Joban nginpa mihhung lanlitroh mejienthô angkomin; ngale roangrup metajet angkomin, erediko Joban junma chentô mejet angkomin; ngale hahkong pa lanta moatsietroh putedâlem metong hangkomin - nganâng hun achet pa aho medang hangko, nga a chenni rãngjô senmek.