MOATLEM 26:16 - NIEMNYAN Naga NT (BSI)

¹⁶ Rohkomin satlohma nang dama chep o. Nanga ngahaa dângthukrãng nang demnâng chohmîn eki. Nangma thejâ nga chenroh khethanga erepa thejâ ngale khedi kowah ngama nangnâng khesokmin hehmin mihnâng phoangthô kohmin.

MOATLEM 26:16 Iomraidhean Croise

LUK MA RAANGWAH NGINKONGSEN 1:2

Khebâng thuma areheh khelahma Joban nginkongsen pa phoangthôte hehma ninâng thôkohthi ngin heh jôba thinma raangthien eka.

MOATLEM 1:17

Juda pa nãngkhu demnâng dângwah, ngale nãngkhu demnâng moatlem moatrãng rênwah.”

MOATLEM 1:25

Juda litko moattat chhoante rãngren eko erepa ninâng khesokkat hi. Erepa Juda ma ate theko chhoanrãng thînphe thienwah.”

MOATLEM 20:24

Rohkomin ngama ngadede roandông pa sekho ngama thonghun ekang; Joban mînchenchaan nginkongsen pa phoangthô rãng, Teso Jisu ma nganâng mothuk ehang moatlem pa râmoat loloba hun ekang.

MOATLEM 21:19

Pol ma thinnâng rânjab lahma Joban ma ate moatlem junma Jews ledangte hehnâng chenni motah a ereheh phangtang thôkoh wah.

MOATLEM 22:10

Phumma ngama chhienwah, ‘Teso, ngama chenre min a?’ eko Teso ma nganâng ngatwah, ‘Toanchep lohma Damaskas nâng wãngo, enâng Joban ma nangnâng chenni moatthuk hun eho ereheh phangtang ethôkohho.’

MOATLEM 23:11

Erejâ rangpenko Pol tâko Teso chepka lahma ngatwah, “Nekchei! Nangma nga nginpa are Jeroselem hahko lâthô kotoh, ngale nangma arerãngrãngjô Rom nângmin thôkohmin.”

MOATLEM 26:15

Phumma ngama chhienwah, ‘Teso, nanga hen a?’ Ngale Teso ma dânthâng wah, ‘Nga a Jisu, nangma chêmsiet ehangpa.

MOATLEM 6:4

Ephumma nãngkhu sanpoat phangtang rangsoam ngale Joban ngin phoangthônâng koh e.”

ROMAN HEHNÂNG POLMA RAANGWAH SITI 1:5

Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

ROMAN HEHNÂNG POLMA RAANGWAH SITI 15:16

erepa Jews ledangte heh demnâng moatrãng nga a Jisu Krista haarãng dangthuk ehang. Ngale ngama soam aroakte rãngrãng danglekma Joban wah Nginkongsen pa phoangthô ekang, erepa Jews ledangte hehmin Joban rinmeli joapsoap wah rãngrãng chendanga, ngale Asâthôanju junma Joban moatlem nâng lolo chenkepwak a ngama moekang.

2 KORINT 4:1

Joban ma mînchen junko nãngnâng are moatlempa mothuk ehi, ngale erohwah nãngma hungchha arinchha ledang thangma moe.

2 KORINT 5:18

Are chentôpa Joban ma moeka, nãngkhua ate ran dangtihpa Krista junma ate lemruchha rãng lâlitsietthi, ngale mihhan hehmin ate lemruchha rãng hôanrãng moatlem pa nãngnâng kohehi.

GALATIEN 1:12

Ngama arepa mihnyan nyuchha wah chohthâ wah dangmah, erediko arepa nganâng henmemin hethôho. Arepa Jisu Krista ate dedema nganâng khesokwah.

GALATIEN 2:2

Nganâng Joban ma katmin jôba ngama khesok phumma katwah. Khhepho phannang heh demnâng araangraang chohmîn poatko ngama Jews ledangte hehnâng thôkotek nginkongsen nginpa thinnângmin thôkotek. Ngama ngamoatlem pa lientahwah sanpoat komin, ba athâng hehmin mahto nâng dângthuk hunmek.

IFISIEN 3:3

Joban ma ate hungkhen wah huhtham awa ekapa nganâng khesok lahma jetthuk ehang. (Ere junkowah ngama amãnchha raang ekang,

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

KOLOSIEN 1:25

Ngale Joban ma Nga Asâthem heh haarãng dangthuk ehang, ngale atema are moatlempa nekhurãng chensen a ngama mothuk ehang. Are moatlempa ate nginkongsen pa lolo phoangthô moatlem.

KOLOSIEN 1:7

Nema Joban mînchenchaan pa nãngma nyahrãng ahun nãng lemru Krista haa, ngale nãngrãngma nyahrãng hungkoh lahma Krista moatlem moatte Ipafras ngewah chohhe eken.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

1 TIMOTHI 1:12

Ngama nãng Teso Jisu krista nâng dangkoh a ngaekang, chenrãngma ngako atema nganâng are moatlem heh moatrãng chaankoh ehang. Atema Nganâng asen ngama renlahma atenâng soam atôte dângthukdi dangkoh ngaekang,

1 TIMOTHI 4:6

Nangma are ngin heh putedâlemte mihnyan hehnâng merîn mekhah oko, nanga Jisu Krista rãngma haasen edango, ngale erohkoba nangmin putedâlem jabkhab pa keplohma Ju nâng asen edango, ngale nangnâng hethô eho toangtang jabkhab pa nangma kepeko ngama ekhesok o.

2 TIMOTHI 4:5

Rohkomin nanga chentô sanpoat roakweih jetrii lohma tongo; chêmchei hehmin tadôo, ngale Nginkongsen phoangthô moatlem mo o, ngale nang moatlem chentô nâng Joban haa rãngrãng danglohma mo o.