MOATLEM 24:10 - NIEMNYAN Naga NT (BSI)

¹⁰ Erediko Govono ma Pol nâng jab o, ngama thakkat kolahma Pol ma jabwah, “Ngama ajet nanga are diakko melâng rangpâ nginpatte lâdangtoh, erohwah ngama rinroan lekma nang mathahko ngajunma jabekang.

MOATLEM 24:10 Iomraidhean Croise

LUK MA RAANGWAH NGINKONGSEN 12:11

“Chenthu thinma Sanagog nâng ba Govono tânâng, ba diak akan pênte heh tânâng nginthôngphâ rãng mesiet hûhenko, nema chenroh dânthâng min a, ngale chenli dânthâng min a ngama neksekmah en.

LUK MA RAANGWAH NGINKONGSEN 12:14

Jisu ma atenâng dânthâng wah, “Lemruchha, nangpho nechhe tungko chhahkhem wanlem ngale thin amãn heh phenkohrãng nganâng henma chaankoh ehanga?”

LUK MA RAANGWAH NGINKONGSEN 18:2

“Hahdaang wanthenâng nginpatte wathe dângwah, atea Joban ranmin lechei, ngale mihnyan ranmin lechei dângwah.

MOATLEM 12:17

Piter ma thinnâng nektin en ngama dekma thakkohwah, ngale Teso ma phâtek khenwah ate chhoanroh loatsiettah a ereheh thinnâng thôkoh wah. Atema thinnâng ngatwah, “Arepa Jems le putedâlemte ahan hehnâng thôkoh en,” erediko thintâwah loatchhoan lahma thehan nâng chhoanwah.

MOATLEM 13:16

Phumma Pol toanchep lahma ate dekma hakkat lahma loatjabwah: “Ngapho anaa Isrial heh ngale chentô Jews ledangte arekowah Joban nâng soam atôte heh: Ngangin jetat tanha!

MOATLEM 18:15

Phumma arepa jabkhab ngale mihnyan min ngale ne niemarang junko chhiakmîn dâng phumma nededema phenthômîn en. Ngama arerãngrãng heh phenthô komah!”

MOATLEM 19:33

Khakama Alexendra ma chenjet a ngama ate khohnâng phewah, ngale Jews hehma nok atang heh mako chepwâng thukwah. Phumma Alexendra ma thinnâng kihchepchep tongen ngama dekma hakkatwah, ngale atema mihnyan hehnâng nginsenma thôkoh wah.

MOATLEM 21:40

Phumma sahhabdong pumma jabmîn thukwah, ephumma Pol hihtho khoko cheplahma mihnyan hehnâng kihchepchep tongmêngen ngama dekma thak amak katwah. Chenthu mihnyan heh kihtông phumma Pol ma thinnâng Hibru jabma thôkoh wah:

MOATLEM 23:24

Pol chhângrãngmin Mok wanthe lemkoh en, ngale Govono Filex tânâng senthemthem hûsietkat en.”

MOATLEM 26:1

Agripa ma Pol nâng ngatwah, “Nangma nangdede junma jabthin metong hoko tajab o.” Phumma Pol ma ate deklaang lahma aroh jabwah:

1 PITER 3:15

Rohkomin nehung nerin nâng Krista jôba Teso ngama thienletma atenâng toak asân en. Ngale ne hungkhen wah nema dâlem eken junma henma akomin nenâng methongpha hènko ereheh nâng danthângrãng sanpoat roakweih bemkep tongen,