MOATLEM 23:6 - NIEMNYAN Naga NT (BSI)

⁶ Chenthu Pol ma ngoangthun rãng khôanhû eka heh khakapa Saduki ngale khakapa Farasi ngama jetloat phumma, atema ngoang awang hehnâng ngatwah, “Ngalemru Isrial mihnyan heh! Nga a Farasi, ngale ngawa min Farasijô dângwah. Thejâ ngama ritwah ngakhîn min ngama putedâlem junko sekham eha!”

MOATLEM 23:6 Iomraidhean Croise

MATHIU 10:16

“Tat en! Ngama nekhu soan chhangnâng saak rãngrãng chienchhoan eka. Erohwah, pû rãngrãng nyahhîn dangen, ngale phâriwo rãngrãng mihnum dangen.

MATHIU 22:23

Erejâjâ ko, Saduki khuthe Jisu tânâng hûlahma mihnyan pa riichoanwah ngakhinmah ngama ngathok wah.

MATHIU 3:7

Jon baptisma ate tânâng Farasi le Saduki heh jahmõang baptijem keprãng hok khelahma, thinnâng ngatwah, “Pû heh - Joban ma chêmchei hokthukrãng ngaeka kowah etape en ngama henma thôkoh ehèn a?

MOATLEM 22:3

“Nga a Jews, Kilika wah Tarsus hahnâng chhatwah, phumma are Jeroselem hah kowah Gamaliel khenko nyapweihte danglekma dông aloatwah. Ngale ngama nãngte nãngwa heh Niemarang heh nyahrãng chaankoh lekma hewah, erediko thejâ arekowah nekhu rãngrãngjô ngamin Joban nâng nyahrãng hungkoh lekma soam atôte dângwah.

MOATLEM 22:30

Sahhabdong pumma Pol nâng Jews hehma chenni junko sekham eka ngama senthemthem jethun wah; erohwah adijâko atema Pol dekwah janru pa janphe lahma Soam aroakte adong ngale ngoan awang heh phangtang khôansiet wah. Erediko atema Pol siethû lahma thinmako chepthuk wah.

MOATLEM 22:5

Arepa soam aroakte adongthôan ngale ngoang awang heh chentôma ajet ngama toangtang thôekãng. Thinma nganâng nãnglemru Damaskas wah Jews hehnâng nyapraang raanglahma kohthang, ephumma ngama Damaskas wah putedâlemte heh lokhhek lekma Jeroselem nâng ngaksietwên lekma chêmsiet rãng Damaskas nâng katwah.

MOATLEM 23:1

Pol ma ngoang awang hehnâng thongsûkat lahma ngatwah, “Ngalemru Isrial mihnyan heh! Thejâ tôko ngahung sâpoangpoang danglekma Joban mathahko nyãn ekang.”

MOATLEM 23:15

Athângheh ne ngoang awang hehma Roman sipâhi sahhabdong thôanko Pol netânâng chensiet katra ngama ngin matkat en, ngale nima Pol nginpa senthemthem jet huneki ngama diapnga letma matkat en. Phumma ate anâng hokkat mako nima lemnâng tangritphe e.”

MOATLEM 23:20

Paangmih pumma ngatwah, “Jews thôte jabte hehma Pol ngoang awang heh tânâng sietkatro ngama nang ngewah nènep thâwângrãng jutthômîn eka, ngoang awang hehma Pol junma senthemthem jet huneki ngama ediap jabwak a.

MOATLEM 23:7

Atema arepa ngat rienrien, Farasi le Saduki heh mênmîn wah, ngale mâmâ khukhu dangjâwah.

MOATLEM 24:15

Ngamemin Joban nâng are mihnyan hehma putedâlem eka rãngrãngjô putedâlem ekang, achhih asen, phangtang ritwah ngakhînmin, ngama putedâlem ekang.

MOATLEM 24:21

Ngama thinmako cheptek poatko khapthe loloba hongjabtek: ‘Ngama ritte heh ngakhînmin ngama putedâlem junkoba thejâ nema sekham eha.’ ”

MOATLEM 28:20

Erohwah Ngama nang demnâng chohmîn lekma jabmîn hunwah. Rohkomin linlinko, nga are janruko khhekrii ekangpa Isrial hehma putedâlem eka mihnyan rãng khhekrii ekang.”

FILIPIEN 3:5

Nga jâeset jâko khoankhen niem pa hôanwah. Ngale Nga achhat mejû Isrial mihnyan, Benjamin jatwah chhatwah, ngale Hibru hei linlin wah chhatwah. Jews heh Niemarang jun komin Nga Farasi,

KOLOSIEN 1:5

Chenthu toangtang nginkong, Nginkongsen pa netânâng khebengrãng benghûtha poatko, ere Nginkongsen pumma koheka dâlem nginpa nema chohtattet. Erohwah, nema erengin khohko dâlem eken, ngale hun achhâmîn eken, erepa nekhurãng rangkhethung nâng senthemthem thienkoh ehèn.

HIBRU 6:19

Nãng roandôngko ere dâlem pa tângbenthin phak rãngrãng kepeki. Ere putedâlem junma nãngkhu khope eki, ngale erepumma rangkhethung wah rangsoamhum kowah khet tângtin eka lienwah rangsoam thin asâthôan theko tãngbenwên eka.