Biblia Todo Logo
Bìoball air-loidhne

- Sanasan -




MOATLEM 23:1 - NIEMNYAN Naga NT (BSI)

1 Pol ma ngoang awang hehnâng thongsûkat lahma ngatwah, “Ngalemru Isrial mihnyan heh! Thejâ tôko ngahung sâpoangpoang danglekma Joban mathahko nyãn ekang.”

Faic an caibideil Dèan lethbhreac




MOATLEM 23:1
17 Iomraidhean Croise  

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.


“Ngalemru Jews heh, ngama nenâng ngajunma thôkoh ekapa jetat tanha!”


Sahhabdong pumma Pol nâng Jews hehma chenni junko sekham eka ngama senthemthem jethun wah; erohwah adijâko atema Pol dekwah janru pa janphe lahma Soam aroakte adong ngale ngoan awang heh phangtang khôansiet wah. Erediko atema Pol siethû lahma thinmako chepthuk wah.


Arepa soam aroakte adongthôan ngale ngoang awang heh chentôma ajet ngama toangtang thôekãng. Thinma nganâng nãnglemru Damaskas wah Jews hehnâng nyapraang raanglahma kohthang, ephumma ngama Damaskas wah putedâlemte heh lokhhek lekma Jeroselem nâng ngaksietwên lekma chêmsiet rãng Damaskas nâng katwah.


Athângheh ne ngoang awang hehma Roman sipâhi sahhabdong thôanko Pol netânâng chensiet katra ngama ngin matkat en, ngale nima Pol nginpa senthemthem jet huneki ngama diapnga letma matkat en. Phumma ate anâng hokkat mako nima lemnâng tangritphe e.”


Paangmih pumma ngatwah, “Jews thôte jabte hehma Pol ngoang awang heh tânâng sietkatro ngama nang ngewah nènep thâwângrãng jutthômîn eka, ngoang awang hehma Pol junma senthemthem jet huneki ngama ediap jabwak a.


Thinma chenni junko sekham eka erepa jethun lekma, ngama thin ngoang awang heh tânâng sietkatwah.


Chenthu Pol ma ngoangthun rãng khôanhû eka heh khakapa Saduki ngale khakapa Farasi ngama jetloat phumma, atema ngoang awang hehnâng ngatwah, “Ngalemru Isrial mihnyan heh! Nga a Farasi, ngale ngawa min Farasijô dângwah. Thejâ ngama ritwah ngakhîn min ngama putedâlem junko sekham eha!”


Erohwah ngama roantang chenpa Joban ngale mihnyan rãng asen a erepa moatrãng latrii ekang.


Ngoang awang heh chhangwah tôngte chentôma thinmitpa Stifen nâng sokwênwah, ngale thinma Stifen thhenphãng pa rangkhethung wah Joban ngintatte heh thhenphãng rãngrãng khewênwah.


Ngahung ngarin pa sâpoangpoang, rohkomin erejunko nga a linlinjô chenni nângjô themek tangamek. Teso meba nganâng athe ngama tanga hang.


Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.


Nima chentô moatlem chhih ngale rêsê thângli moatlem heh achhih ngama lâphetih; nima mothô khoanglep danglihma momih, ngale nima Joban jabkhab pemin mothôrãng litsiet lihma thômih. Joban demnâng ate wenphiakko toangtangma songtong lihma anga nga hung arin junko asen tuta chenta dange ngama thonghun lihma moeki.


Ngate Ngawa hehma soamtôtah Joban ko Ngamemin hungsâ rinsâma soamtô lekma dangkoh a ngaekang. Ngama nanga rangwo rangnyek Nga rangsoam roakweih thonghun lihma Joban nâng dangkoh a ngaekang.


Nirãng roantang rangsoam kohhi. Nihung nirin linlin danglihma asâ, chenrãngma ngako, nima sanpoat roakweih kaamsen moat tuta huneki.


rohkomin ere thôngphâte hehnâng numnene ngale senthemthem danthangen. Ngale nehung nerin sâpoangpoang thien en, erohkoba nea Krista dijunte dângdi ne jatsen patsen pa thinma mechhihthô hènko, thinma chenni jab ajaeka erethã rêsê erewak a.


Lean sinn:

Sanasan


Sanasan