MOATLEM 22:1 - NIEMNYAN Naga NT (BSI)

¹ “Ngalemru Jews heh, ngama nenâng ngajunma thôkoh ekapa jetat tanha!”

MOATLEM 22:1 Iomraidhean Croise

LUK MA RAANGWAH NGINKONGSEN 12:11

“Chenthu thinma Sanagog nâng ba Govono tânâng, ba diak akan pênte heh tânâng nginthôngphâ rãng mesiet hûhenko, nema chenroh dânthâng min a, ngale chenli dânthâng min a ngama neksekmah en.

LUK MA RAANGWAH NGINKONGSEN 21:14

Ere sanpoat pa hokmako nema chenroh pêthângmin a ngama lesekmah thangma dângrãng thonghun letma tongen,

MOATLEM 13:26

“Ngapho anaa Isrial mihnyan heh, Abraham chhuchha heh, ngale chentô Jews ledangte Joban nâng soam atôte heh: Are khope nginsen pa nãngkhu nâng thôhok kohwah!

MOATLEM 19:33

Khakama Alexendra ma chenjet a ngama ate khohnâng phewah, ngale Jews hehma nok atang heh mako chepwâng thukwah. Phumma Alexendra ma thinnâng kihchepchep tongen ngama dekma hakkatwah, ngale atema mihnyan hehnâng nginsenma thôkoh wah.

MOATLEM 23:1

Pol ma ngoang awang hehnâng thongsûkat lahma ngatwah, “Ngalemru Isrial mihnyan heh! Thejâ tôko ngahung sâpoangpoang danglekma Joban mathahko nyãn ekang.”

MOATLEM 23:6

Chenthu Pol ma ngoangthun rãng khôanhû eka heh khakapa Saduki ngale khakapa Farasi ngama jetloat phumma, atema ngoang awang hehnâng ngatwah, “Ngalemru Isrial mihnyan heh! Nga a Farasi, ngale ngawa min Farasijô dângwah. Thejâ ngama ritwah ngakhîn min ngama putedâlem junko sekham eha!”

MOATLEM 24:10

Erediko Govono ma Pol nâng jab o, ngama thakkat kolahma Pol ma jabwah, “Ngama ajet nanga are diakko melâng rangpâ nginpatte lâdangtoh, erohwah ngama rinroan lekma nang mathahko ngajunma jabekang.

MOATLEM 25:16

Phumma ngama thinnâng thôkotek, ni Roman jatma atenâng sekhamte heh demnâng chen junko sekham eka ererãngma atedede chohjabmîn lahma ate khope ngin lejabthuk thangma mihhan deknâng kohlihma sekhamthuk niem aho.

MOATLEM 25:8

Phumma Pol ma atedede junma jabwah: “Ngama Jews Niemarang lelatnâng themomek, ngale Rangsoamhum lelatnâng min momek, erediko Roman Chofa lelatnâng min momek.”

MOATLEM 26:24

Pol ma atedede junma aroh thôkoh poatko, Fistus ma atenâng rakkatwah, “Pol, nanga apa reko! Nangma nyap ajah weiheko pumma apa thukre eho!”

MOATLEM 28:17

Jârem diko Pol ma enângwah Jews khhepho phannang heh ngoangthun rãng roowah. Chenthu thin khôanhok phumma, Pol ma thinnâng ngatwah, “Ngalemru Isrial heh, ngama nãng mihnyan hehrãngmin chenjô lechhihmo ngale nãngte nãngwa heh niemarang min lechhihsiet nâng, Nga Jeroselem phâtek nâng khhek lahma Roman mihnyan heh deknâng koh ehang.

MOATLEM 7:2

Stifen ma dânthâng wah, “Pho awa heh, ngangin jetat tanha! Nãngte nãngwa Abraham Haran hahnâng sôngwâng mako, ate tânâng Misopotomia hahko Joban adongthôanpa hôngkatwah

ROMAN HEHNÂNG POLMA RAANGWAH SITI 2:15

Thin moatlem junma Niemarang ma chien ekapa thinhung nâng raanglahma khesok eka. Ngale thinhung memin erepa toangtang ngama khesok eka, chenrãngma ngako poatpoat theko thinhungma achhih moeken ngama ngaeka, ngale poatpoat theko asen ngama ngaeka.

1 KORINT 9:3

Chenthu mihnyan hehma nganâng chhihthôko, ngama aroh rângdanthang ang:

2 KORINT 12:19

Nema eta thonghunthem en sanpoat roakweih nia ne mathahko nidede lolo senthôrii eki ngama. Eroh dangmah! Nia Krista ma chenroh jabthuk hun ehia ererãngrãng jôba Joban mathahko jabeki, ngale lemruchha heh, nima chentô moeki pa nekhu nâng chohsokrãng moeki.

2 KORINT 7:11

Sûtan en, Joban ma huneka junko nehung chhihdi Joban ma chenni moeka: ere junko ne nyahrãng sâthâng huneken, ngale papwah nyahrãng sârit huneken! rinmin khah eken, acheimin re eken, nyahrãng hungkoh letma moathun eken, ngale kaamchhih moatte hehnâng phheksiet nâsiet hôanmin huneken! nema are chento moeken pa achhihmoat dangmih ngama jetthuk ehèn.

FILIPIEN 1:17

Khaka hehma Krista nginkongsen ko senthemthem hungkoh lahma phoangthô dangmah, thinmînsên pa lolo thonghun lahma phoangthô eka; thinma Nga phâtek nâng tôngpoatko ajah chêmthuk e ngama thonghun eka.

FILIPIEN 1:7

Ngama roantangma nekhu ngahung nâng thônghunjû! ngale Ngama nekhu aroh thonghun ekapa thônghunli lemnâng jôba thonghun eka. Chenrãngma ngako nga athângheh phâtek khennâng tôngpoat komin, ngale nginkongsen pa rôngsietrãng phoangthô poat komin Joban ma nganâng kohthang mînchenchaan ko nekhu johroam eha.

2 TIMOTHI 4:16

Khebengko Ngaru henjô rumahthang, Nga dedeba pesietritwah; chentôma Nga phethien lahma chhoanwah. Joban ma erejunko thin khohnâng nekchen chhihchoh eka!

1 PITER 3:15

Rohkomin nehung nerin nâng Krista jôba Teso ngama thienletma atenâng toak asân en. Ngale ne hungkhen wah nema dâlem eken junma henma akomin nenâng methongpha hènko ereheh nâng danthângrãng sanpoat roakweih bemkep tongen,