MOATLEM 2:9 - NIEMNYAN Naga NT (BSI)

⁹ Nãngkhua Partha, Media, Ilam; Misopotomia, Judia, Kapadokia’; Pontas ngale Asia wah,

MOATLEM 2:9 Iomraidhean Croise

MOATLEM 16:6

Asâthôanju ma Asia diak ngenâng Joban nginkongsen pa lethôthuk dâng phumma thin Phergia le Galatia ngenâng katwah.

MOATLEM 18:2

Enâng Akuila ngama wathe Jews mihnyan chohmînwah, ere mihnyan pa Pontas hahnâng chhatwah, ngale ate dihiak Prisila enii Itali wah bengka dângwah, chenrãngma ngako Chofa Kladius ma chentô Jews jat heh Rom wah chhoan en ngama chienwah. Phumma Pol thin demnâng chohmînrâng katwah,

MOATLEM 19:10

Pol ma aroh pânii moatwah, ephumma Asia diakwah sôngte chentô Jews ngale Jews ledangte hehma phangtang Teso jabkhab chohtat wah.

MOATLEM 19:27

Are nãngma ngunbî moatlem moeki pemin chhihjâ lâthangtah, ngale erepa lolo ledang Artimis joban rangsoamhum ngale Artimis joban nâng lesoamtu emahjâa, are joban ko Asia diaktang ngale hahtokkhoh wah phangtangma soamtô eka!”

MOATLEM 19:31

Ngale erediak kowah khhepho Pol lemruchha hehma ngoangthun thinnâng nekloat khoamhûro ngama ngin matkatwah.

MOATLEM 2:8

Phumma nãngkhuma nãng jabma jablahma chenroh jientat ekia?

MOATLEM 20:16

Phumma Pol ma Asia diaknâng lektôngthien lehuntû thangma Ifisus nângmin lejek tongthien thangma liangliang chhoanrãng thônghun wah. Atema metahû angko Pentikos rangwo mako Jeroselem nâng hokrãng thônghun wah.

MOATLEM 20:18

Chenthu Ifisus wah khhepho phannang heh Pol tânâng hokphumma atema thinnâng ngatwah, “Nga Asia diakko benghok jâma nga sanpoat heh nedemnâng chenroh chhoanthuktek a erepa nemajet.

MOATLEM 20:4

Biria wah Sopater chha Pirhus ate demnâng johwângwah; ngale Thisalonika wah Aristekas ngale Sikundus min johwângwah; erediko Dirbi wah Gaius min johwângwah; Tikikas ngale Trofimus nii Asia diakwah johwângwah; ngale Timothi min johwângwah.

MOATLEM 21:27

Phumma jâengit jâpa thôanrãng ngatko, Asia diakwah Jews hehma Rangsoamhum nâng Pol lepkhewah. Phumma thinma mihnyan heh phangtang chepsiet lahma Pol loatkhhekwah.

MOATLEM 24:18

Ngama arepa moatthuko thinma Rangsoamhum ko lepkhe wakthang erepa ngama seksâsiet niem pa tâhôan diko lepkhewah. Ngale ereko mihnyan min ajah dangho erediko hahjam tijammin dangho.

MOATLEM 27:2

Nia Adramitiem wah jogari ko chhangwah, erepa Asia diakwah jogari chepthin thenâng katrãng cheplahma dângwah, ngale erepumma ni chhoanwah. Thisalonika wah Mesidonia mihnyan Aristakus, pa nidemko dângwah.

MOATLEM 6:9

Rohkomin Mihhaa dângwah jeklahma Sanagog nâng johdângte mihnyan hehma atenâng jektângwah (ereheh nâng eroh ngatwah), Areko Kren wah Jews heh ngale Alexandra wah heh dângwah. Thin demko Kilikia ngale Asia diakwah Jews ahan hehmin johroam lahma Stifen demnâng chhiakmîn wah.

MOATLEM 7:2

Stifen ma dânthâng wah, “Pho awa heh, ngangin jetat tanha! Nãngte nãngwa Abraham Haran hahnâng sôngwâng mako, ate tânâng Misopotomia hahko Joban adongthôanpa hôngkatwah

ROMAN HEHNÂNG POLMA RAANGWAH SITI 16:5

Thin hum kowah khôante Asâthem hehnângmin salem matkat erâng. Ngalemruchha Ipanitus nângmin salem matkat erâng, atea Asia diakko Jisu Krista nâng khebeng thôan putedâlemte.

1 KORINT 16:19

Asia diakwah Asâthem hehma nenâng thin salem matkat ehèn; Akuila ngale Prisila, ngale thinhum wah khôante Asâthem hehmemin ahun Kristan salem nenâng matkat ehèn.

2 KORINT 1:8

Lemruchha heh, nima Asia diaknâng chêmtih heh nenâng jetthuk huneka. Nima chêmchohtih pa atôdông ngale atôlih dângwah nia ahînma edangtue ngamejô lekhatu wah.

2 TIMOTHI 1:15

Nangma ajet Asia diakwah chentô mihnyan hehma, ngale Phigelus ngale Hirmogenes hehma Nga thînphe ehang.

1 PITER 1:1

Jisu Krista moattat chhoante Piter ngewah- Joban ma arên mihnyan heh Pontas diak ngale Galatien, Kapadokia, Asia, ngale Bithinia, diak hehnâng phoangphan chhoan lahma hum ahah ahote heh rãngrãng phoangsông chhoante hehnâng raangeka.

LOATKHESOK 1:11

Ere pumma aroh ngatwah, “Nangma chenni khe eko erepa raangthien o, ngale titab pa hahdaang wanengit wah Asâthem khuengit hehnâng matchhoan o: Ifisus, Samma, Pergamum, Thitira, Sardis, Filadelfia, ngale Laodika.”

LOATKHESOK 1:4

Asia diakwah Asâthem khuengit hehnâng Jon ngewah raangeka: Henpa athuhehmin Joban, khema komin Joban, ngale ahokmin sanpoat komin Joban, ngale ate Tôngthin mathah kowah waengit Jusen pumma mînchenchaan ngale mêmo chenkohhèn