MOATLEM 2:4 - NIEMNYAN Naga NT (BSI)

⁴ Thin anga ngama Asâthôanju chohwah, ngale Juma thinnâng chenroh jabthuk eka eroh thinma mihhanjat jabma jabwah.

MOATLEM 2:4 Iomraidhean Croise

MATHIU 10:19

Chenthu thinma metloat ko, chenroh dânthâng min a, ngale chenli dânthâng min a ngama neksekmah en; nema dânthâng thinpa ere sanpoatko Joban ma ethôkoh hèn.

MAK MA RAANGWAH NGINKONGSEN 16:17

Putedâlemte hehnâng patritli moatlem moatrãng chaan kohmin: thinma ngamînko juchhihmin junloatmin; ngale thinma ajatjat jabmemin ejabwak a;

LUK MA RAANGWAH NGINKONGSEN 1:15

Jon pa Teso mitsokko adong edanga. Atema khem ngale lihân amok aleklimin lejok phhekchhah min. Ate achhat mejû Asâthôanju demnâng echha a,

LUK MA RAANGWAH NGINKONGSEN 1:41

Chenthu Mariam ma rânjabpa Ilijabet ma tatko, ate wokkhen wah naachha pa phôangwah. Ngale Ilijabet nâng Asâthôanju mênchong dângwah

LUK MA RAANGWAH NGINKONGSEN 1:67

Jon wa Zakaria pa Asâthôanju mênchong danglahma atema Joban ngin loatthôwah:

LUK MA RAANGWAH NGINKONGSEN 12:12

Chenrãngma ngako, Asâthôanju ma ere sanpoatko nema chenni dânthâng min a erepa ethôkoh hèn.”

LUK MA RAANGWAH NGINKONGSEN 21:15

chenrãngma ngako neran hehma ne nginko lejien dakli ngale lejien dânthangtuli nema jiendânthâng rãng ngama nenâng jabkhab ngale buthi mongthem ekoh a.

LUK MA RAANGWAH NGINKONGSEN 4:1

Jisu Jordan wah Asâthôanju menchoang ngakwâng wah, ngale Juma sehahkho nâng sietchhoan wah,

JON MA RAANGWAH NGINKONGSEN 14:26

Wama ngamînko nenâng chohsokrãng Asâthôanju echien katra, ngale atema nenâng chentôpa ehethô hèn, ngale ngama nenâng chentô thôkotah a, ereheh phangtang ethonghun thuk hèn.

JON MA RAANGWAH NGINKONGSEN 20:22

Erediko atema thinnâng rekma metlahma ngatwah, “Asâthôanju tangchohtha en.

MOATLEM 1:5

Jon ma joma baptijem kohwah, phumma jâthe jânii diko nenâng Asâthôanju ma baptijem kohmin.”

MOATLEM 1:8

Rohkomin chenthu Asâthôanju nekhoh nâng meka theko, nema chaan echoh en, ngale nema Jeroselem nâng, Judia phangtang nâng, ngale Samaria, erediko hahtokkhoh phangtang nâng phoangchhoan letma ngangin ephoang thôkoh en.”

MOATLEM 10:46

Chenrãngma ngako thinma jatjat jabma jablahma Joban nâng rôlahma tatwah. Phumma Piter ma loatjabwah:

MOATLEM 10:47

“Are mihnyan hehmemin nima chohtih rãngrãng Asâthôanju chohwak eka. Henma thinnâng baptijem nekkepen ngama tâjek tângmin a?”

MOATLEM 11:15

Ngale chenthu ngama thôkoh thuko, khema nâng chenroh nãngkhoh nâng kathia ererãngrãng thinkhoh nângmin Asâthôanju katwah.

MOATLEM 11:24

Barnabas pa nyahrãng mihnyansen dângwah, atenâng Asâthôanju min mênchong dângwah ngale nyahrãng putedâlem sen dângwah. Ephumma jahmõang mihnyan heh Teso tânâng siethokwah.

MOATLEM 13:52

Antiok wah putedâlemte heh nyahrãng khuhah nâhah dângwah, ngale thinnâng Asâthôanju mênchong dângwah.

MOATLEM 13:9

Erediko Sol - ngale atenâng Pol ngamemin rooeka - atenâng Asâthôanju mênchong dângwah; atema jâdu jetteko thongsû lahma

MOATLEM 15:8

Ngale anga nga hung arin lepjette Joban pumma nãngnâng kohthi rãngrãng atema Jews ledangte hehnângmin Asâthôanju kohlahma kepeka.

MOATLEM 19:6

Pol ma thinkhoko ate dekma sahloatkoh phumma thin khohnâng Asâthôanju katwah; erediko thinma ajatjat jabma jienjab wah ngale Joban nginkongpa phoangthô wah.

MOATLEM 2:11

Jews ngale Jews ledangjat wah Juda jetrãng litdângte heh, ngale nangkhu khaka heh Kret ngale Arabia - eroh akomin Joban ma nyahrãng moatlem dong moekapa nãngkhu chentôma nãngjabma jablahma tateki!”

MOATLEM 2:3

Erediko thinma wentheli rãngrãng khewah, ngale erepa phoangpu lahma thin chentô nâng khemsahtiet wah.

MOATLEM 4:31

Chenthu thin rangsoam diko, thin tongtah thepa aphông rewah. Thin phangtangma Asâthôanju chohlahma chenranjô lechei thangma Joban ngin phoangthôwah.

MOATLEM 4:8

Piter nâng Asâthôanju mênchong danglahma thinnâng dânthâng wah, “Mihnyan nyuchha heh lemsênte ngale khhepho phannang heh:

MOATLEM 6:3

Erohwah, lemruchha heh, nekhuchhang wah Asâthôanju mênchong dângte ngale hungkhem rinkhem mihnyan hehwah waengit mihnyan ren en, phumma nãngkhuma thinnâng areheh phên asên moatlem mothuk e.

MOATLEM 6:5

Moattat chhoante heh nginko putedâlemte heh phangtang hungsên wah, ephumma thinma putedâlem asente ngale Asâthôanju mênchong dângte heh rênwah, erepa Stifen, Filip, Prokoras, Nikanor, Timon, Parmena, ngale khemako Judiejem rãng litdangte Antiok wah Jews ledangte Nikolas rênwah.

MOATLEM 6:8

Stifen nâng Joban ma nyahrãng rangkoh wah, ngale atenâng Joban chaan mênchong dângwah, atema mihnyan heh tâko nyahrãng patritli le bâritli moatlem heh moatwah.

MOATLEM 7:55

Rohkomin Stifen ma Asâthôanju mênchong danglahma rangkhethung nâng sokwênwah, ngale atema Joban mîndong lahma khewênwah erediko Jisu Joban dekchah - ngeko cheplahma khewênwah.

MOATLEM 8:17

Erediko Piter le Jon niima thin khohko dekma sahloatwah, ngale erediko thinma Asâthôanju chohwah.

MOATLEM 9:17

Ephumma Anania kalahma Sol tongeka humko luphokwah, ngale dekma atenâng sahloatwah. Atema ngatwah, “Enaa, Sol,” “Teso ma nga chienkat ehang - erepa Jisu ate dedema chienkat ehang, nang anâng katko lemko nangdemnâng ate chohmîntho. Nangmit pumma ngakjienkhe ngale nangma Asâthôanju chohrãng nga chienkat ehang.”

ROMAN HEHNÂNG POLMA RAANGWAH SITI 15:13

Dâlem kohte Joban pumma khuhah nâhah chendangthuk hen ngale nema atenâng putedâlem junko mêmo chendangthuk hèn, erohkoba nema thonghun letma dâlem ekenpa Asâthôanju chaanma jêngdong dongwãng erea.

1 KORINT 12:10

Ju pumma ahan watheko patritli moatlem moat chaan koheka; ahan watheko, Joban ngin phoangthô hînhô koheka; ngale han wathe komin, chenre hînhô pa Joban ngewah kaera, ngale chenrepa Joban ngewah dangmah a erepa jetloatchaan koheka. Ngale han watheko patritli jabkhab nyan jienjab chaan koheka, ngale han watheko erepa chenni nâng ngaeka erepa jienlit thôkoh chaan koheka.

1 KORINT 13:1

Ngama chentô mihnyan nyuchha jabkhab heh mejienjab angkomin, ngale rangkhethung wah Joban ngintatte jabkhabjô mejienjab angkomin, nganâng hun achet pa aho medang hangko, nga jabkhab pa tamtin rahwat wah rãngrãng, ba chaangsi rahdohwah rãngrãng dângmin.

1 KORINT 13:8

Hun achet pa roantang roanjêng rãngma dângmin. Joban nginpa mihhung lânlitjâroh ethôthem a, rohkomin erepa amahjâ erea; ajatjat jabma patritli jienjab lahma tonga, rohkomin erehehmin thôan erea; ngale jet ajien tadangthem a, rohkomin erepemin thôan erea.

1 KORINT 14:18

Ngama Joban nâng dangkoh a ngaekang, chenrãngma ngako, Ngama nekhu noma ajatjat jabma ajah jienjab ekang.

1 KORINT 14:5

Ngama nekhu phangtang ajatjat jabma jienjab letmele ngama thonghun eka; rohkomin ere nomemin nekhuma Joban ngin phoangthô Hînhô chohlet mele ngamaba thonghun ekang. Chenrãngma ngako, Joban ngin jienphoang thôte mihnyan pa ajatjat jabma jienjab eka nomemin ajahthem alemli, chenrãngma ngako ajatjat jab jianjabte pumma chenni jabeka erepa jienlitthôte metong akoba ere jabkhab pumma Asâthem phangtang asen edanga.

IFISIEN 3:19

Linlinjô, nema Krista ma hun achet pa phangtangjô leta thôanjet kenkomin - nema Krista ma hun achet pa etajet en - ngale erohkoba ne roandông komin Joban rãngrãng etadangen.

IFISIEN 5:18

Khemjok letma nekmok en, erepumma ne chhihsiet ba ere hèn; erenoma Joban Ju mênchong dangletma tongen.

IFISIEN 6:18

Are chentôpa rangsoam nungma mo en, ngale Joban wah chohsokrãng tha en. Juma chenroh chien ehèn a eroh sanpoat roakweih rangsoam en. Erejunko jetlet mejû dangen ngale rangsoam letmejû tongen; roantangma chentô Joban nâng putedâlemte mihnyan hehrãng rangsoam koh en.

1 PITER 1:12

Joban ma ere mõng hehnâng thin moatlem pa thindede wokphoatrãng dangmah ngama loatjetthuk eka, rohkomin thinma nekhurãng moatwah, ngale rangkhethung wah chienkat era Asâthôanju chaan junma Nginkongsen phoangthôte mihnyan hehwah nema athângheh chohtat eken ngin heh thinma nekhurãng jabeka. Are heh rangkhethung wah Joban ngintatte hehmemin jet huneka.

2 PITER 1:21

Chenrãngma ngako, henmemin profisi pa mihnyan nyuchha hungsima hongjabmah, rohkomin mihnyan pumma Asâthôanju chaan junma Joban ngewah kaera jabkhab pa hongjab eka.