MOATLEM 19:9 - NIEMNYAN Naga NT (BSI)

⁹ Rohkomin khuka heh hung pa longrãngrãng chehjâ lahma leputedâlem wah, ngale mihnyan heh phangtang mako thinma Teso nâng putedâlem junma nginchhih hehmin jabwah. Ephumma Pol ma putedâlemte heh ate demko sietlahma thin tâwah chhoanwah, ngale jâroakweih Tarannas ngama ngaeka nyapweih thin humko ate thin demnâng thômîn wah.

MOATLEM 19:9 Iomraidhean Croise

MATHIU 15:14

“Thinrãngma neksekmah en! thin a mitdoak, ngale mitdoak heh lemsênte; ngale chenthu mitdoak wathema ahan mitdoak lem mesen ako waniinii jongnâng ejâriiwak a.”

MATHIU 16:4

Areroan wah mihnyan heh achhih ngale Joban nâng putedâlem wakmah! nema nganâng patritli moatlem khesok rãng chien eha? khesokmah! Nenâng khesokthin pa Jona patritli petah peloloba khesok eka.” Ere diphumma thin tâwah ate loatchhoan rewah

MATHIU 26:55

Erediko Jisu ma mihnyan hehnâng ngatwah, “Nga a mihngoan rãngrãng nema nga loatkhhek rãng dãng apah heh kepletma hûeren a? Rangwo roakweih ngama rangsoam humko tonglekma hethôtek poatko lokhhek mahthani.

JON MA RAANGWAH NGINKONGSEN 12:40

“Joban ma thinmit pa doaksiet eka ngale thinhung pa basiet eka, erohwah thinmitma khe mah, ngale thinhung memin tajet mah, ngale Joban ma ngaeka, ngama thin sênsiet rãngma, thin ngatânâng hûmahra.”

MOATLEM 11:26

Atema Sol chohmîn lahma Antiok nâng sietwênwah, ngale rangpâ pâtangma atenii Antiok nâng tôngwah. Roantangma Asâthem heh khôanhû lahma Barnabas le Sol demnâng chohmînwah ngale atenii ma thinnâng hethô wah. Antiok wah putedâlemte hehnâng Kristan ngama bengngatwah.

MOATLEM 14:4

Erehah kowah mihnyan heh phanjâ wakwah: Khakapa Jews heh demnâng dângwah, ngale khakapa moattat chhoante heh demnâng dângwah.

MOATLEM 17:4

Thin khuwah khaka hehma putedâlem lahma Pol le Silas nii demnâng johdângwah; Erohjô hahdaang niemarang junko adongjat dihiak hehwah ngale Joban nâng soam atôte Griik hehwahmin jahmõang johdângwah.

MOATLEM 19:23

Ere sanpoatko Teso nâng soamtô junko Ifisus nâng nyahrãng chêmlahma dângwah.

MOATLEM 19:30

Pol ate dedema mihnyan hehmako wângrãng hunwah, rohkomin Joban nâng putedâlemte hehma wãngthukho.

MOATLEM 20:31

Erohwah jetletma dangen, ngale ngama nekhu anga nganâng pârem rãng chenni thôkotah a ereheh rangwo rangnyek, mitphi hongletma thonghun letma tongen.

MOATLEM 22:4

Arerãngrãng Jisu dijunte mihnyan hehnâng ngamemin nyahrãng chêmthukwah. Ngama dihiak dela phangtang lokhhek lekma phâtek nâng sekwah.

MOATLEM 24:21

Ngama thinmako cheptek poatko khapthe loloba hongjabtek: ‘Ngama ritte heh ngakhînmin ngama putedâlem junkoba thejâ nema sekham eha.’ ”

MOATLEM 28:22

Rohkomin nangma chenthônghun eko erepa nima chohtat huneki, chenrãngma ngako nima ajet chentô thenâng mihnyan hehma are nang johrôam eko heh lelatnâng chhhihjab eka.”

MOATLEM 7:51

Stifen ma ngatwah, “Nea aretô hungchehne!” “Nehung nerin Joban nângjô kohmet, ngale nenâ memin Joban ngin jetatmet! Nemin nete newa heh rãngrãng jôba: ngale nemin roantangma Asâthôanju lelatnangjû dangeken!

MOATLEM 9:2

ngale atema soam aroakte adong hehnâng Damaskas wah Sanagog hehnâng nyapraang wah raangkohha ngama thâwângwah, erepa atema Teso lemko khoam lahma atenâng putedâlemte heh mechoh ako lokhhek lahma dihiak dela phangtang Jeroselem nâng ngaksiet katrãng thãwah.

ROMAN HEHNÂNG POLMA RAANGWAH SITI 11:7

Eroh medang ako chenroh dângmin a? Isrial mihnyan hehma thatlem tantahpa thinma chohho. Roanchechha mihnyan Joban ma rentah heh meba erepa chohwah; khuka hehma Joban ma rooko lejetat dangwah.

ROMAN HEHNÂNG POLMA RAANGWAH SITI 9:18

Erohwah, Joban ma hennâng huneka ereko mînchen eka, ngale atema henhung chehsiet huneka ere hungpa chehsiet koheka.

1 KORINT 16:9

Nga lelatnâng mihnyan heh ajahjô medang akomin, linlin danglekma ngama Joban moatlempa anâng nyahrãng adong ngale asen moatrãngma sanpoatsen choh ekang.

1 TIMOTHI 6:5

ngale kheri chhih erediko thinnâng toangtang pa aho dâng phumma roantangma achhiakmînli heh lolo hongsiet wakeka. Thinma rangsoam niem keppa techhu dângli ngama thonghun eka.

2 TIMOTHI 1:15

Nangma ajet Asia diakwah chentô mihnyan hehma, ngale Phigelus ngale Hirmogenes hehma Nga thînphe ehang.

2 TIMOTHI 3:5

Thinma rangsoam niem pa mînrãng lolo keplahma, alinlin rangsoam niem chaanpa thinma lekep edanga. Arerãngrãng mihnyan heh demwah ataangreo.

2 TIMOTHI 4:2

Joban nginkongpa phoangthôkoh, ngale lejak thangma phoangthôkoh (Sanpoat achhih medang komin, ba asen medang komin), chhînthô, ritngat, hungdongsiet rewak o, ngale erepa nanghung mongsietrii lohma hethôwak o.

HIBRU 3:13

Erenoma, nekhuwah henmemin papkaam moletma nehung nekchen chehjâ ekenma, rangwo roakweih wathema wathe nâng chohsûmîn en, chenrãngma ngako, Joban nyapraangma “Thejâ” ngaeka pa nãngma moatrãng ngaehi.

2 PITER 2:12

Are nginmõang phoang hethôte mihnyan heh wunngem lolihma rângritphe e rãngrãng, thin hungnâng chenjô lechhem hun thangma thinma lejet dangeka lelatnâng chhih jabwak eka; thin a wunwah ngem heh lolihma rângritphe e rãngrãng ritphemin,

2 PITER 2:2

Erohjô medang akomin thinma kaamchhih moekadi ajahthem mihnyan hehma ejun a; ngale thinma eroh moatjunko, ahan hehmemin toangtang Lemkhôko achhih enga a.

JUD MA RAANGWAH SITI 1:10

Phumma are mihnyan hehma chenpa lejet dangeka ereko jõjêm wakeka; ngale thinma wunngem hehma nêm atek junko rângjet arãngrãng thinma chenni jeteka ereheh mejôba thinchhihsiet eka.