MOATLEM 19:8 - NIEMNYAN Naga NT (BSI)

⁸ Pol ma Sanagog nâng hûlahma mihnyan heh demnâng jengrem lechei thangma thômîn wah, ngale thin demnâng thômînko atema Joban Hahsông ngin thôkoh eka hehnâng putedâlem en ngama ngatwah.

MOATLEM 19:8 Iomraidhean Croise

MOATLEM 1:3

Ate ritdi jâroak belii khenko thin demnâng depdep chohmînwah, ngale atea ahîn ngama jien putedâlem rãng thinnâng rongrup moatlem heh molahma khesokwah. Thinma ate khetah, ngale thinnâng atema Joban Hahsông ngin hehmin thôkotah.

MOATLEM 13:14

Thin Perga diaknâng hokwah ngale Pisida wah Antiok hahnâng hokwah, ngale Pientông jâko Sanagog nâng wãngwak lahma johtông wângwah.

MOATLEM 13:46

Rohkomin Pol le Barnabas niima lechei thangma jêngjah jâhthô thôkoh wah: “Khebeng thôanko Joban jabkhab pa nenâng bengthôkoh pa alemthôan dângwah. Rohkomin nema erepa lekep dâng phumma, ngale roantang roanjêng roandông lehun dâng phumma, nima nenâng lethôkoh thangma Jews ledangte hehnâng thôhûkoh eki.

MOATLEM 14:1

Ererãngrãngjô Ikoniem nângmin dângwah: Pol le Barnabas nii Sanagog nâng hûlahma thinnâng thôko lahma Jews ngale Jews ledangte heh phangtang putedâlemte rãng litjâ wah.

MOATLEM 17:17

Ephumma Pol ma Sanagog nâng kalahma Jews le Jews ledangte ma Joban nâng soamte heh demnâng thômîn katwah, ngale rangwo roakweih phîn athã sengthinthe hehnâng hokte mihnyan heh demnâng ereheh junma thômîn wah.

MOATLEM 18:19

Thin Ifisus nâng hokdiko, Pol ma Prisila le Akuila nii Ifisus nâng phethien lahma chhoanwah. Phumma ate Sanagog nâng kalahma Jews heh demnâng thômîn katwah.

MOATLEM 18:26

Atema Sanagog nâng lechei thangma thôkoh wah. Phumma chenthu Prisila le Akuila niima ate ngin pa tatlahma thinhumnâng sietwên lahma atenâng Joban nginpa senthemthem thôkoh wah.

MOATLEM 18:4

Pientôngjâ roakweih atema Sanagog nâng chîthômîn hokwah, ngale Jews le Griik heh phangtang Joban putedâlemte rãng dângthuk hunwah.

MOATLEM 19:10

Pol ma aroh pânii moatwah, ephumma Asia diakwah sôngte chentô Jews ngale Jews ledangte hehma phangtang Teso jabkhab chohtat wah.

MOATLEM 19:7

Thin phangtang tungko echhi wanii dângwah.

MOATLEM 19:9

Rohkomin khuka heh hung pa longrãngrãng chehjâ lahma leputedâlem wah, ngale mihnyan heh phangtang mako thinma Teso nâng putedâlem junma nginchhih hehmin jabwah. Ephumma Pol ma putedâlemte heh ate demko sietlahma thin tâwah chhoanwah, ngale jâroakweih Tarannas ngama ngaeka nyapweih thin humko ate thin demnâng thômîn wah.

MOATLEM 20:31

Erohwah jetletma dangen, ngale ngama nekhu anga nganâng pârem rãng chenni thôkotah a ereheh rangwo rangnyek, mitphi hongletma thonghun letma tongen.

MOATLEM 28:23

Ephumma thinma Pol demnâng rangwo kahtok hôanwah, ngale ere rangwo jâko Pol tongeka theko jahmõang mihnyan hokwah. Rangkhah khowah rangnyek kotuk Pol ma thinnâng Joban Hahsông nginkongpa thôkoh wah, ngale atema Mosa Niemarang ngale Mõng hehma raangwah Joban ngin hehwah thakthô lahma mihnyan hehnâng Jisu junma thôkoh wah.

JUD MA RAANGWAH SITI 1:3

Ngama nyahrãng ahun lemruchha heh, nãngkhu anga ngama mãnthema choheki khope junma nekhu nâng raang huneka, ngama nekhu nâng raanghun pa Joban ma roantang roangjêng rãng ate mihnyan hehnâng kohtah putedâlem ko hungkoh letma latrii mo en ngama nekhu hungdông sietrãng raang huneka.