3 ngale thin demnâng johtong lahma johmoatwah, chenrãngma ngako, atenii rãngrãng Pol memin tembu hum hôanlahma bîchhahwah.
Ngale Nidede dekma latrii lihma moatchhahwah. Chenthu ninâng têm athoakko, nima thinnâng rangkoh eki; Chenthu ninâng chêmsietko, nima chêmpa tathaeki;
Ererãngrãngjô, Teso ma ngaeka, henhenma Nginkongsen pa phoangthô eka erehehma thin phhekchhah pa erekowah chohmin.
Rohkomin ngama aroh henwahmin mathattha eka, ngale athâng hehmin ngama nenâng ereheh thârãng raang dangmah. Ngama eroh thânoma ritba ereang! ngale ngama toangtangko jabekang jabkhab pa henmemin sekhota jabkhab rãngrãng nekchen kepeka!
Eroh medang ako, ngama chenthã chohmin a? Nginkongsen pa thãletha thangma phoangthôkoh, ngale ngama ere nginkongsen pa phoangthôkoh poatko henwahmin chenjô letha thangma phoangthôkoh pejôba nga moatlem.
Chenthu ngama nenâng Joban Nginkongsen pa thôko tahko ne ngewah chenjô letha thangma thôkotah; Nekhu dôngthuk rãngma Ngadede numsietrii lekmeba thôkotah. Erepa ngama achhih lemotek a?
Ngale Nga netânâng dângpoatko chenthu ngama ngun akem lempoat komin nekhu sekmah thuk ho; Ngama chenni lem ekanga ereheh phangtang Mesidonia wah putedâlemte katha heh meba kephû kohthang. Khema wah rãngrãngjô, khedi nângmin: Ngama nekhu nâng chenthumin sekmah thukmah!
Ngama nenâng ahan Asâthem heh noma achhih lehoan lejoantah a, ngama nenâng ngun akem letha thangma loloba methientah a? Erepa chhihmoatthã nganâng map mamkohha!
Lemruchha heh, nima chenroh chêmrii lihma motih a ereheh linlinjô nema thonghun thêm en, nima nenâng Joban Nginkongsen pa thôhok kohko nenâng chenni ngemajô nekchen chêmsiet eka ngama thonghun lihma rangwo rangnyek moatwah.
Ngale nima amako nenâng chenroh thôkotah a ererãngrãng, mêmo dangletma mâmâ moat akat, ngale mâmâ wok apuk biphhek chhah reletma songtongen.