MOATLEM 16:9 - NIEMNYAN Naga NT (BSI)

⁹ Erejâ rangpenko Mesidonia wah mihnyan toanchep lahma atenâng rosep kalahma Pol ma thânkhewah, “Mesidonia nâng wãnglohma ninângmin mamchohsû wãng mênghi!”

MOATLEM 16:9 Iomraidhean Croise

MOATLEM 10:3

Atema jâthe sanhêmthah wanrem sanpoatko thânkhewah, atema rangkhethung wah Joban ngintatte chaang paangpaang kalahma atenâng, “Kornilas!” ngama roolahma thânkhewah.

MOATLEM 10:30

Kornilas ma ngatwah, “Aretô thang sanpoatko jârem mako nga rangsoam lekma dângwah erepa nga humko sanhêmthah wanrem sanpoatko dângwah. Phumma nga mathahko khet phiakjaja keplahma mihnyan wathe chephokwah

MOATLEM 16:10

Pol ma erepa thânkhe rienrien ni Mesidonia nâng wângrâng cheplihma loatchhoan wah, chenrãngma ngako nima enângwah mihnyan hehnâng Joban Nginkongsen thôkohrâng Joban maroo ehi ngama jetwah.

MOATLEM 16:12

Erekowah ni Filipien nâng katwah, Filipien pa Mesidonia diak kowah khebeng thôan Distik ngale alemthôan hah dângwah; ngale are hah pa Roman mihnyan heh sôngthin hah dângwah. Phumma eretheko ni melâng rangwo tôngthienwah.

MOATLEM 18:5

Chenthu Silas le Timothi nii Mesidonia wah hokphumma, Pol ma ate sanpoat chentôpa Joban Nginkongsen phoangthô lahma lolo chhoanthuk wah, ngale Jews hehnâng Jisu pa Misaia ngama thôkoh wah.

MOATLEM 19:21

Are ngin heh eroh dângdiko, Pol ma thonghun lahma Mesidonia le Akaia heh danlahma Jeroselem nâng katwah. Ngale atema ngatwah, “Nga enâng katdiko, Rom nângmin katmin.”

MOATLEM 19:22

Ephumma atenâng chohsokte Timothi ngale Irastas nii Mesidonia nâng chienkatwah, ngale ate ajahpa Asia diaknâng tôngwah.

MOATLEM 19:29

Erepa hahdaang phangtang nâng phoangjamwah. Thinma Mesidonia wah mihnyan wanii Pol demnâng johkhôamte Gais le Aristekas nii lolahma thin demnâng ngoangthun thinnâng sietwênwah.

MOATLEM 20:1

Hahjâm jekdiko, Pol ma putedâlemte heh aroamma khôanroo lahma thinnâng hungdôngrãng rîn akhah thien lahma chhoan ekangjô ngama thôthien kohwah. Erediko ate chhoan lahma Mesidonia nâng katwah.

MOATLEM 20:3

Ngale enâng jengrem tôngkatwah. Ate Siria nâng katrãng phûng poatko enângwah Jews heh ate lelatnâng chep eka ngama chohjetwah; ephumma atema Mesidonia ngema Siria nâng ngakwâng wah.

MOATLEM 27:2

Nia Adramitiem wah jogari ko chhangwah, erepa Asia diakwah jogari chepthin thenâng katrãng cheplahma dângwah, ngale erepumma ni chhoanwah. Thisalonika wah Mesidonia mihnyan Aristakus, pa nidemko dângwah.

MOATLEM 9:38

Jopa hahpa Lida hah kowah chentô letaang dângwah, phumma chenthu Jopa wah putedâlemte hehma Piter Lida hahnâng tonga ngama tatphumma, thinma ate tânâng wanii mihnyan chienwênwah. Thinma, “Sitsiak nitânâng kamêngro,” ngama roowângwah.

ROMAN HEHNÂNG POLMA RAANGWAH SITI 15:26

Chenrãngma ngako Misidonia ngale Akaia wah Asâthem hehma Jeroselem wah Joban mihnyan hehwah tangchhih hehnâng thin hungsima chohsokrãng thonghun eka.

2 KORINT 11:9

Ngale Nga netânâng dângpoatko chenthu ngama ngun akem lempoat komin nekhu sekmah thuk ho; Ngama chenni lem ekanga ereheh phangtang Mesidonia wah putedâlemte katha heh meba kephû kohthang. Khema wah rãngrãngjô, khedi nângmin: Ngama nekhu nâng chenthumin sekmah thukmah!

2 KORINT 12:7

Rohkomin ngama chentô athakthôli chohhkhetek a ereheh junko nga lengamrii thangma dângrãngma, ngaphoang nâng nyahrãng chet akhup achhih hokwah, erepa joak ngintatte hehma nganâng watwah, ngale erejunko lerângthôrii dângwah.

2 KORINT 7:5

Nia Mesidonia nâng hokdikomin bôantông sanpoat lechoh dângwah. Ngale chentô thenâng chêmchei, mihdemnâng mênmîn lolo dângwah, ngale nihungnâng cheipa dang rewah.

2 KORINT 8:1

Ni lemruchha heh, Joban ma ate mînchenchaan pa Mesidonia wah Asâthem hehnâng chenroh kohtah a erengin pa nima nenâng jetthuk huneka.

2 KORINT 9:2

Ngama ajet nenâng achohsok hungpa etonghèn, ngale ngama nea Mesidonia wah mihnyan hehnâng nyahrãng rângthôtah. Ngale, “Akaia wah putedâlemte hehma menpa mejû chohsokhun lahma dângwah,” ngama thôkotek. Phumma nehung arinwah chohsok hun ekenpa khelahma thinmin melâng mihnyan hehma chohsokrãng chepwah.

1 THISALONIKA 4:10

Ngale linlinjô nekhua Misidonia wah chentô Joban nâng putedâlemte mihnyan heh demnâng erohjô hun achhâmîn letmatong eken. Lemruchha heh erohwah, nima nenâng ere nomemin ajahjah hun achhâmîn en ngama rosep eka.