MOATLEM 16:6 - NIEMNYAN Naga NT (BSI)

⁶ Asâthôanju ma Asia diak ngenâng Joban nginkongsen pa lethôthuk dâng phumma thin Phergia le Galatia ngenâng katwah.

MOATLEM 16:6 Iomraidhean Croise

LUK MA RAANGWAH NGINKONGSEN 1:2

Khebâng thuma areheh khelahma Joban nginkongsen pa phoangthôte hehma ninâng thôkohthi ngin heh jôba thinma raangthien eka.

MOATLEM 10:19

Ere thukomin Piter ma chenni junko thânkhetek a ngama thonghun lahma dângwah, phumma Juma atenâng ngatwah, “Tattan! Warem mihnyan ma nang lemsû eho.

MOATLEM 11:12

Juma nganâng letûngmaang thangma thin demnâng johwângrãng ngatwah. Jopa wah putedâlemte waerok pemin nga demnâng Kasaria nâng johwângwah, ngale nikhu phangtang Kornilas humnâng wãngtih.

MOATLEM 16:7

Chenthu thin Mysia jatrii nâng hokphumma, thinma Bithania diak ngenâng wângrãng phungwah, rohkomin Jisu Juma thin enâng wãngthuk ho.

MOATLEM 18:23

Enâng poatthe tôngthien diko chhoan lahma Galatien le Phergia ngenâng kalahma enângwah putedâlemte hehnâng rîn akhah kalahma thinhung dôngsiet wah.

MOATLEM 19:10

Pol ma aroh pânii moatwah, ephumma Asia diakwah sôngte chentô Jews ngale Jews ledangte hehma phangtang Teso jabkhab chohtat wah.

MOATLEM 20:16

Phumma Pol ma Asia diaknâng lektôngthien lehuntû thangma Ifisus nângmin lejek tongthien thangma liangliang chhoanrãng thônghun wah. Atema metahû angko Pentikos rangwo mako Jeroselem nâng hokrãng thônghun wah.

MOATLEM 20:28

Erohwah nedede min jetletma tongen, ngale Asâthôanju ma nenâng sûare thuk ehèn hehmin senthemthem sûare letma tongen. Saaksokte rãngrãng Joban nâng putedâlemte Asâthem heh sûare en, Atema ate chha hei junma aterãng hôanwak eka.

MOATLEM 20:4

Biria wah Sopater chha Pirhus ate demnâng johwângwah; ngale Thisalonika wah Aristekas ngale Sikundus min johwângwah; erediko Dirbi wah Gaius min johwângwah; Tikikas ngale Trofimus nii Asia diakwah johwângwah; ngale Timothi min johwângwah.

MOATLEM 21:27

Phumma jâengit jâpa thôanrãng ngatko, Asia diakwah Jews hehma Rangsoamhum nâng Pol lepkhewah. Phumma thinma mihnyan heh phangtang chepsiet lahma Pol loatkhhekwah.

MOATLEM 6:9

Rohkomin Mihhaa dângwah jeklahma Sanagog nâng johdângte mihnyan hehma atenâng jektângwah (ereheh nâng eroh ngatwah), Areko Kren wah Jews heh ngale Alexandra wah heh dângwah. Thin demko Kilikia ngale Asia diakwah Jews ahan hehmin johroam lahma Stifen demnâng chhiakmîn wah.

MOATLEM 8:29

Asâthôanju ma Filip nâng ngatwah, “Wãng lohma mokgari ko chhang wãngo, ngale ate kêko tongwãngo.”

ROMAN HEHNÂNG POLMA RAANGWAH SITI 16:5

Thin hum kowah khôante Asâthem hehnângmin salem matkat erâng. Ngalemruchha Ipanitus nângmin salem matkat erâng, atea Asia diakko Jisu Krista nâng khebeng thôan putedâlemte.

1 KORINT 12:11

Rohkomin are chentô moatte pa wanthe ngale mãnthe Juma tuta jôba moeka; atema chenroh huneka, eroh atema anga nganâng mâmâ jatjat hînhô koheka.

1 KORINT 16:1

Ade dangeka, Judia wah Joban nâng putedâlemte hehrãngma ngunse junma siti nâng raangletma thôngphâ pa dangeka. Ngama Galatien wah Asâthem hehnâng chenroh thôkotek a ererãngrãng nememin metkep mo en.

1 KORINT 16:19

Asia diakwah Asâthem hehma nenâng thin salem matkat ehèn; Akuila ngale Prisila, ngale thinhum wah khôante Asâthem hehmemin ahun Kristan salem nenâng matkat ehèn.

2 KORINT 1:8

Lemruchha heh, nima Asia diaknâng chêmtih heh nenâng jetthuk huneka. Nima chêmchohtih pa atôdông ngale atôlih dângwah nia ahînma edangtue ngamejô lekhatu wah.

GALATIEN 1:2

Anângwah chentô putedâlemte hehmemin nga demnâng roamlahma Galatien wah Asâthem hehnâng salem matkat ehèn:

GALATIEN 3:1

Aba Galatien heh! Nea henma moksiet ehèn a? Nedede mitma Jisu Krista bãngphak khoko rittek pa senthemthem khetet!

2 TIMOTHI 1:15

Nangma ajet Asia diakwah chentô mihnyan hehma, ngale Phigelus ngale Hirmogenes hehma Nga thînphe ehang.

2 TIMOTHI 4:10

Dimas ma are hahtokkhoh roandông kowah hehnâng nyahrãng hunlahma Nga thînphethien lahma Thisalonika nâng kaeka. Krisen a Galatien nâng lâkatah, ngale Titas dangeka Dalmatia nâng lâkatah.

HIBRU 11:8

Putedâlem junma Abraham ma Joban ngin keplahma Joban ma atenâng kohrãng toamsem tah Diak ko wângrãng Joban ma rooko Abraham chhoanwah. Atema chennge nâng chhoan ekanga ere pejô lejetthangma ate Diak pa phethien lahma chhoanwah.

1 PITER 1:1

Jisu Krista moattat chhoante Piter ngewah- Joban ma arên mihnyan heh Pontas diak ngale Galatien, Kapadokia, Asia, ngale Bithinia, diak hehnâng phoangphan chhoan lahma hum ahah ahote heh rãngrãng phoangsông chhoante hehnâng raangeka.

LOATKHESOK 1:11

Ere pumma aroh ngatwah, “Nangma chenni khe eko erepa raangthien o, ngale titab pa hahdaang wanengit wah Asâthem khuengit hehnâng matchhoan o: Ifisus, Samma, Pergamum, Thitira, Sardis, Filadelfia, ngale Laodika.”

LOATKHESOK 1:4

Asia diakwah Asâthem khuengit hehnâng Jon ngewah raangeka: Henpa athuhehmin Joban, khema komin Joban, ngale ahokmin sanpoat komin Joban, ngale ate Tôngthin mathah kowah waengit Jusen pumma mînchenchaan ngale mêmo chenkohhèn