MOATLEM 16:5 - NIEMNYAN Naga NT (BSI)

⁵ Erohwah Asâthem heh putedâlem nâng jêngdong dongwãng ngale jêngsen senwãng dângwah ngale putedâlemte hehmin jêngjah jêngjah rewah.

MOATLEM 16:5 Iomraidhean Croise

MOATLEM 11:21

Teso chaanpa thin demnâng dângwah, ngale jahmõang mihnyan hehma putedâlem lahma Teso tânâng ngakhok wah.

MOATLEM 12:24

Phumma ere sanpoat komin Joban jabkhab pa jêngjah jahchhoan ngale jêngdong dongwãng rewah.

MOATLEM 15:41

Atea Siria ngale Kilikia ngenâng katwah, ngale enângwah Asâthem hehnâng chohsok katwah.

MOATLEM 2:47

Joban nâng rô rewakwah, erediko chentô mihnyan hehma thinnâng senchoh lahma dângwah. Ngale rangwo roakweih khopete mihnyan heh Teso ma thin demnâng chîjoh roamsiet hokwah.

MOATLEM 4:4

Rohkomin Piter le Jon wah ngin chohtatte heh jahmõang ma putedâlem wah; ngale putedâlemte heh hahjat bangâ rãng dângwah.

MOATLEM 5:14

Rohkomin mihnyan heh thin demnâng ajahjah johdâng wah - Teso nâng putedâlemte heh dihiak dela anga nga johrû hokwah.

MOATLEM 6:7

Ngale ephumma Joban nginpa lejektû thangma jêngjah jahphoangthô rewakwah. Erediko Jeroselem nâng putedâlemte hehmin jêngjah jahhong rewah, ngale soam aroakte hehmemin ajahthem ma putedâlem wah.

MOATLEM 9:31

Ngale ere sanpoatko Judia, Galili ngale Samaria wah Asâthem heh mêmoma dângwah. Ngale Asâthôan Juma chohsû lahma thin a putedâlem nâng rongtêngtêng dângwah, ngale Joban ranchei nungma sôngtôngdi putedâlemte heh jêngjah jêngjah rewah.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

1 KORINT 15:58

Erohwah, ngalemruchha heh, rongtêngtêng dangen, ngale nehung pa chenni mejô nekchen phongsiet ehèn. Roantangma Teso moatlem nâng hungkoh letma mo en, chenrãngma ngako nemajet, nema Teso moatlem moeken pa chenthumin mahto nâng dangmah.

GALATIEN 5:1

Nãnga mihhaa dângwah jek ekipa - Krista ma loatsiet ehi! Erohwah, mihhu mihaa ledangte rãngrãng dangen, ngale nededema mihhaa rãng nekhôanrii en.

KOLOSIEN 2:6

Nekhuma Jisu Krista pa nekhu Teso ngama lâkeptet, eroh ate demnâng roamletma songtongen.

1 THISALONIKA 3:13

Atema nehung aroh chendongsiet hèn, ngale chenthu nãng Teso Jisu Krista atenâng putedâlemte heh demnâng ngakkat jâko, nemin nãng Wa Joban tâko senthemthem ngale Sâpoangpoang chendangen.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

2 THISALONIKA 2:16

Nãng Teso Jisu Krista ate dedema, ngale nãngnâng hun achete, ngale mînchenchaan kohte, erediko nãnghung dongsiet lahma chenthumin leta chhihjâ thin putedâlem kohte nãng Wa Joban ma,

HIBRU 13:9

Jatrup ledangli ngin ariet heh tatletma toangtang lemkhô kowah nekke khoam en. Jokphhek chhah niemarang heh keplihma tôngnoma Joban ngewah mînchenchaan chohlihma tôngpeba asen; henhenma phhekchhah niemarang heh keplahma tongeka ereheh nângmin ere niemarang pumma chenjô chohsûmah.

1 PITER 5:10

Rohkomin nema poatthe chharãng chêmchoh diko, chentô mînchenchaan kohte Joban, ngale Jisu Krista demko roamletma ate mîndongko johroam thukrãng neroote Joban pumma ate dedema nekhu sâsiet lahma rongtêngtêng edangthuk hèn, ngale chaankoh lahma putedâlem senthemthem edangthuk hèn.