MOATLEM 16:2 - NIEMNYAN Naga NT (BSI)

² Listra ngale Ikoniem wah Kristan mihnyan hehma Timothi asen ngama thôwah.

MOATLEM 16:2 Iomraidhean Croise

MOATLEM 1:15

Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 13:51

Moattat chhoante hehma thin dawah bumheh enângwah mihnyan heh lelatnâng finekthien lahma Ikoniem nâng katwah.

MOATLEM 14:1

Ererãngrãngjô Ikoniem nângmin dângwah: Pol le Barnabas nii Sanagog nâng hûlahma thinnâng thôko lahma Jews ngale Jews ledangte heh phangtang putedâlemte rãng litjâ wah.

MOATLEM 14:21

Pol le Barnabas niima Dirbi nâng Nginkongsen pa phoangthô kolahma melâng mihnyan heh dijunte rãng dângthukwah. Erediko thin Lastra, Ikoniem, ngale Pisida wah Antiok nâng ngakwâng wah.

MOATLEM 14:6

Chenthu moattat chhoante hehma erengin pa leptat phumma erehah kowah huhchhoan lahma Likonia wah Listra le Dirbi erediko erehah kêanâ hahnâng katwakwah.

MOATLEM 16:40

Pol le Silas nii phâtek wah loatchhoan lahma Lidia humnâng katwah. Enâng thinma putedâlemte heh demnâng chohmîn lahma thinnâng hungdông ngin heh thôthien kolahma erehah kowah loatchoanwah.

MOATLEM 6:3

Erohwah, lemruchha heh, nekhuchhang wah Asâthôanju mênchong dângte ngale hungkhem rinkhem mihnyan hehwah waengit mihnyan ren en, phumma nãngkhuma thinnâng areheh phên asên moatlem mothuk e.

FILIPIEN 2:22

Rohkomin Timothi pa chen rãngrãng mihnyan a erepa nededema senthemthem jet en, ngale nginkongsen phoangthôko Timothi chenii wa achha rãngrãng danglihma aroam roamma moeki.

1 TIMOTHI 3:7

Atenâng Asâthem heh chhangwah ledangte mihnyan hehmemin nginkepkep chendanga, erohkoba atema rêsê lechohmin ngale juchhih benâng leta mãnrii edanga.

1 TIMOTHI 5:10

ngale atea moatlemsen moatte dihiaknyu ngama mînwînte dângmin: ate chhuchha heh senthemthem dôngkhêmte, ngale ate humnâng mihwun heh tãngroo lahma jekthuk hunte, Kristan hehrãngma numnene danglahma chohsokte, chêmcheite mihnyan hehnâng chohsokte, ngale atea roantangma moatlemsen moatte dângmin.

1 TIMOTHI 5:25

Ererãngrãngjô kaamsen pemin senthemthem khe eki, ngale chenchen pa senthemthem lechohkhe dangeka erehehmin tahuh tongmah.

2 TIMOTHI 3:11

Nganâng chêmchei thukthang heh, ngale Ngama chêmchei chohtek hehmin nangma ajet. Ngale Ngama Antiok, Ikoniem, ngale Listra nâng nyahrãng cheili chêmchei hûlahma tadôtek hehmin nangma phangtang jet! Rohkomin ere chentô hehwah Teso ma pesietthang.

2 TIMOTHI 3:15

ngale nangma thonghuntan nang letachha thuma, nangma Asâthôan Joban nyapraangpa ajet, erepumma nangnâng Jisu Krista nâng putedâlem junma khope chohthin buthi mongthemsen heh ekohho.

HIBRU 11:2

Tewa rôanpã wah mihnyan hehnâng thinwah putedâlem junko Joban ma sênchohwah.