MOATLEM 16:1 - NIEMNYAN Naga NT (BSI)

¹ Pol Dirbi le Listra ngenâng katwah, phumma ere ngenâng Kristan mihnyan wathe Timothi ngama songlahma dângwah. Ate nyong min Kristan dângwah, rohkomin atea Jews dângwah, phumma ate wapa Griik dângwah.

MOATLEM 16:1 Iomraidhean Croise

MOATLEM 14:1

Ererãngrãngjô Ikoniem nângmin dângwah: Pol le Barnabas nii Sanagog nâng hûlahma thinnâng thôko lahma Jews ngale Jews ledangte heh phangtang putedâlemte rãng litjâ wah.

MOATLEM 14:21

Pol le Barnabas niima Dirbi nâng Nginkongsen pa phoangthô kolahma melâng mihnyan heh dijunte rãng dângthukwah. Erediko thin Lastra, Ikoniem, ngale Pisida wah Antiok nâng ngakwâng wah.

MOATLEM 14:6

Chenthu moattat chhoante hehma erengin pa leptat phumma erehah kowah huhchhoan lahma Likonia wah Listra le Dirbi erediko erehah kêanâ hahnâng katwakwah.

MOATLEM 17:14

Phumma enângwah putedâlemte hehma Pol lemlienma josi kahnâng chienkatwah; rohkomin Silas le Timothi nii Biria nâng tôngwah.

MOATLEM 18:5

Chenthu Silas le Timothi nii Mesidonia wah hokphumma, Pol ma ate sanpoat chentôpa Joban Nginkongsen phoangthô lahma lolo chhoanthuk wah, ngale Jews hehnâng Jisu pa Misaia ngama thôkoh wah.

MOATLEM 19:22

Ephumma atenâng chohsokte Timothi ngale Irastas nii Mesidonia nâng chienkatwah, ngale ate ajahpa Asia diaknâng tôngwah.

ROMAN HEHNÂNG POLMA RAANGWAH SITI 16:21

Nga demnâng moatlem johmoatte Timothi memin ate salem matkat ehèn; ngale ngalemru Jews Lukius, Jason, ngale Sosipater hehmemin thin salem matkat ehèn.

1 KORINT 16:10

Timothi netânâng mehûrako, nedemko senthemthem tãngroo en, chenrãngma ngako ate memin nga rãngrãngjô Teso rãngma moeka.

1 KORINT 4:17

Erohwah, ngama nekhu tânâng Kristan roandôngko ngachha linlin rãngrãng hôan lekma nyahrãng putedâlem ekang Timothi chienkat erang. Ngama Jisu Krista demnâng roam lekma nga roandông anyan dang lekma chenroh moekanga, ngale chentô thewah Asâthem hehnâng phoang hethô ekang niemarang heh atema nenâng ethôkohhèn.

1 KORINT 7:14

Chenrãngma ngako Joban nâng lepute dâlemte delawa pa ate tangnyu demko aroamma dângdi Joban ma kepeka, ngale Joban nâng lepute dâlemte tangnyu pa ate tangwa Kristan demko aroamma dângdi Joban ma kepeka. Aroh lekep medang ako, thin chhuchha pa Joban lejette heh chhuchha rãngrãng dângmin; rohkomin, thin a Joban ma kepeka.

2 KORINT 1:1

Joban hungsi junko Jisu Krista moattat chhoante Pol, ngale nãngnaa Timothi ma ngewah- Joban nâng putedâlemte Korint wah Asâthem, ngale Akaia diakwah chentô Joban nâng putedâlemte mihnyan hehnâng raangeka:

2 KORINT 1:19

Chenrãngma ngako Silas, Timothi, ngale ngadedema nenâng thôkohtah Jisu Krista Joban Chhapa “Danga” ngale “Dangmah” ngama ngatte dangmah. Erenoma atea, “Danga” ngama ngatte Joban;

FILIPIEN 1:1

Pol ngale Timothi Jisu Krista haa ngewah — Filipien wah Jisu Krista demnâng roamlahma chentô Joban nâng putedâlemte mihnyan heh, ngale Asâthem heh khhepho phannang erediko Asâthem hehnâng chohsokte hehnâng raangeka:

FILIPIEN 2:19

Arepa Teso hungsi medang ako, Ngama netânâng Timothi sitsiak eta chiekkatrâng ngama thonghun ekang, erohkoba nekhu nginkong heh chohtat lekma Ngahung edongang.

KOLOSIEN 1:1

Joban hungsi junko Jisu Krista moattat chhoante Pol, ngale nãngnaa Timothi ngewah-

1 THISALONIKA 1:1

Pol, Silas, ngale Timothi ngewah- Thisalonika wah Joban Wa ngale nãng Teso Jisu Krista nâng putedâlemte mihnyan ngale Asâthem hehnâng raangeka: Joban mînchenchaan ngale mêmo nekhu demnâng chentonghèn.

1 THISALONIKA 3:2

ngale nidemnâng Joban rãngma Jisu Krista Nginkongsen pa phoangthô moatlem johmoatte nãngnaa Timothi netânâng chienwênwah. Atema nekhu nâng chaan johkoh lahma nekhu putedâlem chendong siethèn ngama chienwên erii,

1 THISALONIKA 3:6

Phumma Timothi athângheh lângak katha, ngale atema nekhu putedâlemsen ngale hun achhâmîn letma tongeken ngin heh lâthô kohthi. Ngale nema ninâng roantang asen ngema thonghun ehi ngin heh, erediko chenroh nima nekhu khehun eka ererãngrãng nekhu memin nikhe hunehi ngama thôkohthi.

2 THISALONIKA 1:1

Pol, Silas, ngale Timothi ngewah - Thisalonika wah Joban Wa ngale nãng Teso Jisu Krista nâng putedâlemte mihnyan ngale Asâthem hehnâng raangeka:

1 TIMOTHI 1:18

Ngachha Timothi, Ngama are nginpa nangnâng thôkoh eki, ngale nang rãngma are nginpa khema thuma profisi thunnâng hôngjab katwah. Putedâlem rãngma senthemthem ran tâcheprãng are jabkhab heh ranloatmin chhahkhem heh rãngrãng kep o,

1 TIMOTHI 1:2

Timothi, nanga putedâlem junko Ngachha linlin rãngrãng keplihma raangeki: Nãng Wa Joban ngale nãng Teso Jisu Krista ma nangnâng ate mînchenchaan, hun achet, ngale mêmo chenkohho.

2 TIMOTHI 1:2

Ngama nyahrãng ahun chha Timothi nâng raangeki: Nãng Wa Joban ngale nãng Teso Jisu Krista ma nangnâng mînchenchaan, ahun, ngale mêmo chenkohho.

2 TIMOTHI 1:5

Ngama nang putedâlem sen pa thonghun ekang, nangwi Lois ngale nang nyong Inuic nimemin erohjô senthemthem putedâlem wah. Nang memin erohjô putedâlem eko ngama thonghun ekang.

2 TIMOTHI 3:11

Nganâng chêmchei thukthang heh, ngale Ngama chêmchei chohtek hehmin nangma ajet. Ngale Ngama Antiok, Ikoniem, ngale Listra nâng nyahrãng cheili chêmchei hûlahma tadôtek hehmin nangma phangtang jet! Rohkomin ere chentô hehwah Teso ma pesietthang.

FILIMON 1:1

Jisu Krista rãng phâtek nâng tôngte Pol ngale nãngnaa Timothi ngewah- Nilemruchha ngale nidemnâng aroamma moatte Filimon,

HIBRU 13:23

Ngama nenâng nãngnaa Timothi phâtek wah lâlaangtah ngama thôkoh huneka. Ngale ate sitsiak meka rako, Nga nedemnâng chohmîn katko atemin Nga demnâng ejohsiet katrâng.