MOATLEM 15:4 - NIEMNYAN Naga NT (BSI)

⁴ Chenthu thin Jeroselem nâng hokphumma, Asâthem hehma, moattat chhoante, erediko khhepho phannang hehma khuhah nâhah tângroo wah, ngale thinjunma Joban ma chentô moatlem motah a ereheh thinnâng thôkoh wah.

MOATLEM 15:4 Iomraidhean Croise

MATHIU 10:40

“Henma komin ne metãngroo hènko, erepa nganâng tãngroo ehang; ngale henma nga tãngroo ehanga, arepa nga chienkatte pa tãngroo eka.

MOATLEM 11:30

Thinma khôanse lahma ere ngunpa Asâthem hehnâng Barnabas le Sol nii deknâng matkatwah.

MOATLEM 14:27

Chenthu thin Antiok nâng hokko, thinma Asâthem heh khôansiet lahma Joban ma thin demnâng chentô motah a erengin heh phangtang thôkoh wah, ngale Jews ledangte hehma putedâlem rãng Joban ma chenroh lemlaang kotah a erengin hehmin thôkoh wah.

MOATLEM 15:12

Barnabas ngale Pol niima Jews ledangte heh tânâng Joban ma patritli ngale bâritli moatlem chentô motah heh thôkoh phumma mihnyan heh phangtang kihchepchep tôngwah.

MOATLEM 15:2

Pol ngale Barnabas nii are junko ereheh demnâng nyahrãng chaanchhiakmîn wah, ephumma Pol le Barnabas ngale Antiok wah mihnyan khuthe Jeroselem nâng wãng lahma moattat chhoante heh demnâng erejunko thômîn wah.

MOATLEM 15:22

Erediko moattat chhoante ngale khhepho phannang heh, ngale Asâthem heh phangtang roamlahma thinkhuchhang wah Pol le Barnabas nii demnâng Antiok nâng chienkatrãng thômîn wah. Thinma putedâlemte hehma nyahrãng senchoh mihnyan wanii rênwah, erepa Juda atenâng Barsabas ngamemin roowah, erediko Silas nii renwah,

MOATLEM 15:3

Thin lemko Asâthem hehma sênkatwah; ngale thin Fonika ngale Samaria ma danka lahma Jews ledangte chenroh Joban nâng putedâlemte rãng dangeka erengin heh thinnâng thôthien kohwah; Are ngin pa tatlahma chentô putedâlemte heh nyahrãng khuhah nâhah dângwah.

MOATLEM 15:6

Moattat chhoante ngale khhepho phannang heh are nginpa phênthômîn rãng khôanwakwah.

MOATLEM 16:4

Thinma sumhah heh dânkhôamko moattat chhoante le khhepho phannang hehma Jeroselem nâng pattah niemarang heh chentô Asâthem hehnâng phoang hethô wah, ngale ere niemarang heh kepletma tongen ngama phoangthô kohwah.

MOATLEM 18:27

Ephumma Apolo Akaia nâng katrãngma chepwah, erohwah Ifisus wah putedâlemte hehma Akaia wah putedâlemte nâng Apolo senthemthem tãngroo en ngama sitiraang lahma atenâng kohwah. Chenthu ate Akaia nâng hokphumma enângwah Joban mînchenchaan junko putedâlemte dangtah hehrang nyahrãng toatchoh dângwah.

MOATLEM 21:17

Chenthu ni Jeroselem nâng hokphumma, enângwah putedâlemte hehma khuhah nâhah tângroo wah.

MOATLEM 21:19

Pol ma thinnâng rânjab lahma Joban ma ate moatlem junma Jews ledangte hehnâng chenni motah a ereheh phangtang thôkoh wah.

ROMAN HEHNÂNG POLMA RAANGWAH SITI 15:18

Nga junma Jisu Krista ma Jews ledangte hehma Joban ngin jienkeprãng chenni motah a ereheh lolo lechei thangma ethô ang. Arepa atema Jabkhab ngale moatlem junma moatwah,

ROMAN HEHNÂNG POLMA RAANGWAH SITI 15:7

Jisu Krista ma nenâng chenroh hun ehèn a ererãngrãng, nekhumin Joban mîndông rãngma, wathema wathe nâng hun achhâmin en.

1 KORINT 15:10

Rohkomin nga a athângheh chenroh dangekanga erepa Joban mînchenchaan junma tadang ekang, ngale atema nganâng mînchenchaan kohthangpa mahto nâng dangmah. Erohwah, ngama moattat chhoante ahanheh noma ajah bâmchaan moekang, rohkomin erepa ngadede chaanma lolomoat dangmek, Joban mînchenchaan pa nganâng tonglahma johmo ehang.

2 KORINT 5:19

Nima thôki nginkongpa dangeka, Joban ma chentô mihnyan nyuchha heh Krista junma ate lemruchha rãng hôanehi. Joban ma mihnyan hehnâng thin papthã sekham tumah, ngale atema thin a ate lemruchha rãng chenroh hôanehia ere nginkong peba thôkoh ehi.

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

KOLOSIEN 4:10

Ngademko phâtek nâng tôngte Aristekas memin nenâng salem matkat ehèn, ngale Barnabas pho anaa Mak memin salem matkat ehèn. (Mak netânâng mewãng rako ate senthemthem tãngroo en ngama nenâng thôkotah.)

2 JON 1:10

Erohwah, hen akomin netânâng are ngin heh lekep thangma mehûreko, ere mihnyan heh ne humnâng nekhûthuk en; ngale, “arânjô nekrânjab en.”