MOATLEM 13:1 - NIEMNYAN Naga NT (BSI)

¹ Antiok wah Asâthem hehnâng mõng ngale hethôte heh roanche dângwah: Barnabas, Simon (ngale atenâng mangnyekjat ngamemin roowah), Lukius (atea Kren wah), Manan (atea Govono Hirot demnâng aroamma humthewah roamdông aloatwah), ngale Sol.

MOATLEM 13:1 Iomraidhean Croise

MATHIU 27:32

Thin loatchhoan poatko, Kren hahwah mihnyan wathe ate mînpa Simon ngama lemko chohmîn wah, phumma sipâhi hehma atenâng Jisu ma peka bãngphakpa pêthukwah.

LUK MA RAANGWAH NGINKONGSEN 3:1

Ere sanpoat pa Tiberias Chofa ma echhi pâbangâ pên sanpoat dângwah; Pontas Pilat pa Judia Govono dângwah, Hirot pa Galili pênte dângwah, ngale ate naa Filip pa Ituria ngale Trakonitas nii pên lahma dângwah,

MOATLEM 11:30

Thinma khôanse lahma ere ngunpa Asâthem hehnâng Barnabas le Sol nii deknâng matkatwah.

MOATLEM 12:25

Barnabas le Sol niima thin moatlem heh tamo lahma Jeroselem wah Jon Mak thin demnâng sietlahma ngakwâng wah.

MOATLEM 13:9

Erediko Sol - ngale atenâng Pol ngamemin rooeka - atenâng Asâthôanju mênchong dângwah; atema jâdu jetteko thongsû lahma

MOATLEM 15:32

Juda le Silas niimin mõng dângwah, phumma thin demnâng nyahrãng lekjabmîn lahma rîn akhah wah.

MOATLEM 15:35

Pol le Barnabas nii melâng rangwo Antiok nâng tôngthienwah ngale mihhan ajahthem heh demnâng roamlahma thinma Teso nginpa phoangthô lahma hethô wah.

MOATLEM 19:6

Pol ma thinkhoko ate dekma sahloatkoh phumma thin khohnâng Asâthôanju katwah; erediko thinma ajatjat jabma jienjab wah ngale Joban nginkongpa phoangthô wah.

MOATLEM 21:9

Ate chha janchhô wabelii dela nâng lewãng thangma Joban ngin phoangthô lahma dângwah.

MOATLEM 4:36

Ngale Sipras diaknâng chhatwah Livi wathe, ate mînpa Josep dângwah, phumma moattat chhoante hehma atenâng Barnabas ngama roowah (Are ngaeka pa, “Hungdông thukte ngaeka”),

MOATLEM 9:1

Ere sanpoatko Sol ma Teso nâng putedâlemte heh phoangritphe lahma dângwah. Ngale Soam aroakte adongthôan tânâng wângwah

ROMAN HEHNÂNG POLMA RAANGWAH SITI 16:21

Nga demnâng moatlem johmoatte Timothi memin ate salem matkat ehèn; ngale ngalemru Jews Lukius, Jason, ngale Sosipater hehmemin thin salem matkat ehèn.

1 KORINT 11:4

Erohwah delawa ma nok atang heh chhangnâng ate kho buklahma rangmesoam ako, ngale nok atang rangsoam thintheko Joban ngin khobuk lahma methôako, atema Krista rêsêthuk eka.

1 KORINT 13:2

Ngama Joban nginpa mihhung lanlitroh mejienthô angkomin; ngale roangrup metajet angkomin, erediko Joban junma chentô mejet angkomin; ngale hahkong pa lanta moatsietroh putedâlem metong hangkomin - nganâng hun achet pa aho medang hangko, nga a chenni rãngjô senmek.

1 KORINT 13:8

Hun achet pa roantang roanjêng rãngma dângmin. Joban nginpa mihhung lânlitjâroh ethôthem a, rohkomin erepa amahjâ erea; ajatjat jabma patritli jienjab lahma tonga, rohkomin erehehmin thôan erea; ngale jet ajien tadangthem a, rohkomin erepemin thôan erea.

1 KORINT 14:29

Wanii ba warem tôma Joban nginpa chenthôa, ngale ahan hehma thinma chenni thôeka erepa chenjetat a.

1 KORINT 14:32

Joban ngin jienthôte pumma ate dedema them athak lahma jekmin,

1 KORINT 9:6

Roh akole Barnabas chenii lolone chenii dede rãngma phhekchhah lêmbi tepa?

GALATIEN 2:13

Piter demko Jews jatwah putedâlemte rãng litdangtah hehmin johcheiwah; ngale thinchei junko Barnabas tumin thin demnâng johchei sietwah.

GALATIEN 2:9

Khhepho phannang ngaeka, Jems, Piter, ngale Jon, hehmemin Joban ma nganâng are moatlemdong koh ehangpa jeteka; erohwah thinma Barnabas chenii nâng nãngkhu phangtang lemru tuta ngama jetmînrãng thinma dek sitpekmîn thi. Barnabas chenii a Jews ledangte heh demnâng moatmin, erediko thin a Jews heh demnâng moatmin ngama nikhu pûnthô mînwah.

IFISIEN 4:11

Ngale “mihnyan nyuchha hehnâng hînhô pa atema koheka”; atema wawathe pa moattat chhoante dangthuk eka, wawathe pa mõng dangthuk eka, wawathe pa Ivangilist dangthuk eka, ngale wawathe pa Pastor erediko ahethôte rãng dangthuk eka.

FILIPIEN 4:22

Joban nâng putedâlemte mihnyan anângwah chentôma salem matkat ehèn, ajahthem pejô Chofa hum kowah tôngte hehma matkat ehèn.

1 THISALONIKA 5:20

Profisi hôan ekapa lekep nekdangen.