MOATLEM 10:2 - NIEMNYAN Naga NT (BSI)

² Atea Joban rancheite mihnyan dângwah; ngale thinhumte tangkâ phangtang Joban nâng rangsoamte dângwah. Ate memin Jews tangchhih hehnâng nyahrãng chîchohsok wah, ngale roantang Joban nâng rangsoam lahma dângwah.

MOATLEM 10:2 Iomraidhean Croise

MATHIU 25:17

Ererãngrãngjô hahjatnii kohtah haa pummemin ahan hahjatnii ngun chohbi wah.

LUK MA RAANGWAH NGINKONGSEN 18:1

Erediko Jisu ma ate dijunte hehnâng roantang hung lechha thangma rangsoam nungmejû tôngrãng nginthakthô thôkoh wah.

LUK MA RAANGWAH NGINKONGSEN 2:25

Ere sanpoatko mihwa wathe ate mînpa Simon ngama Jeroselem nâng songlahma dângwah. Atea mihnyansen ngale Joban rancheite mihnyan dângwah. Ngale Joban ma Isrial mihnyan heh pepângrãng katpa bemla lahma dângwah. Asâthôanju pa ate demko dângwah

MOATLEM 10:22

“Kepten, Kornilas ma chienkat ehi,” ngama thinma dânthâng wah. “Atea mihnyansen, ngale Joban nâng rangsoamte mihnyan, ngale chentô Jews heh ate rancheieka. Joban ngintatte ma ate humnâng nangrookat rãng thôkoh wah, ngale, erohkoba nangma atenâng chenni thôkohthin tonga ereheh atema eta chohtat a.”

MOATLEM 10:31

ngale atema ngatwah, ‘Kornilas! Joban ma nang rangsoam lâchohtattho ngale nangma mihnâng chohsok moatlem moeko pemin lâkhetho.

MOATLEM 10:35

Henhenma ate ranchei lahma toangtang moatlem moeka ereheh chenrãngrãng jatjô medang akomin atema kepeka.

MOATLEM 10:4

Atema chei nungma ngintatte ko thongsû lahma ngatwah, “Hethôte, arepa chennia?” Ngintatte pumma dânthâng wah, “Nang rangsoam ngale nangma mihnyan hehnâng chohsû eko demko Joban rinme eka, ngale atema nang rangsoam pa edânthangho.

MOATLEM 10:7

Erediko ngintatte pa ngakchhoan wah, phumma Kornilas ma ate humwah haa wanii ngale sipâhi wathe roowah, ere sipâhi pa Joban rancheite ngale atenâng chohsokte dângwah.

MOATLEM 11:14

Atema nangnâng ngin ethôkohho, ngale erejunko ne humte tangkâ heh kho epe en.’

MOATLEM 13:16

Phumma Pol toanchep lahma ate dekma hakkat lahma loatjabwah: “Ngapho anaa Isrial heh ngale chentô Jews ledangte arekowah Joban nâng soam atôte heh: Ngangin jetat tanha!

MOATLEM 13:26

“Ngapho anaa Isrial mihnyan heh, Abraham chhuchha heh, ngale chentô Jews ledangte Joban nâng soam atôte heh: Are khope nginsen pa nãngkhu nâng thôhok kohwah!

MOATLEM 13:50

Phumma erehah wah Jews hehma khhepho phannang heh erediko jews ledangte jat dihiaknyu hahdaang niemarang junko adongjat heh Jews hehma chepsietwah. Phumma thinma Pol le Barnabas nii nâng chêmsiet lahma erehah kowah sietphe chhoanwah.

MOATLEM 18:8

Sanagog wah khhepho wathe ate mînpa Krispas ngale ate humte tangkâ hehma Teso nâng putedâlem wah; ngale Korint wah ajahthem mihnyan hehma Joban ngin tatlahma putedâlem lahma baptijem kepwah.

MOATLEM 2:5

Ere sanpoatko Jeroselem nâng Jews mihnyan songlahma dângwah, ereheh a rangkhen kowah chentô diak akan wah Joban nâng rangsoamte Jews heh khôanhok wah.

MOATLEM 22:12

“Ere hahko mihnyan wathe ate mînpa Anania dângwah, atea Joban nâng hungkoh lahma soam atôte, ngale nãng Niemarang hehmin senthemthem kepte, ngale enângwah sôngte Jews hehmemin atenâng nyahrãng choangpe lahma dângwah.

MOATLEM 8:2

Joban nâng senthemthem soamte khuthema nyahrãng raksep nungma Stifen mangpa bînchhoanwah.

MOATLEM 9:11

Teso ma atenâng ngatwah, “Cheplohma lemtinla kao, ngale Tarsus wah mihnyan wathe ate mînpa Sol ngama tonga, erepa lemsûkao. Atema rangsoam lahma tonga,

MOATLEM 9:31

Ngale ere sanpoatko Judia, Galili ngale Samaria wah Asâthem heh mêmoma dângwah. Ngale Asâthôan Juma chohsû lahma thin a putedâlem nâng rongtêngtêng dângwah, ngale Joban ranchei nungma sôngtôngdi putedâlemte heh jêngjah jêngjah rewah.

MOATLEM 9:36

Jopa nâng dihiaknyu wathe ate mînpa Tabitha ngama dângwah, ngale atemin putedâlemte dângwah. (Griik jabma ate mînpa Dorkas dângwah, are ngaeka pa “khehhe ngaeka.”) Atema roantangma moatlemsen moatwah ngale tangchhih hehnâng chîchohsok wah.

KOLOSIEN 4:2

Roantang rangsoam letma tongen, ngale rangsoam poatko jetletma soam en, ngale Joban nâng dangkoh a nga en.

1 THISALONIKA 5:17

Sanpoat roakweih rangsoam en,

JEMS 1:5

Phumma nekhuwah hen komin buthi mongthem aho medang enko, nema Joban nâng rangsoam en, eko Joban ma nenâng ekohhèn; chenrãngma ngako, Joban ma anga nganâng mînchen lahma chhahme ma koheka.

LOATKHESOK 15:4

Nangran hen lechei dângmin a, Teso? ngale henma nangmîn adongthôan pa lerângthô tâdângmin a? Nanglolo jôba Asâthôan. Chentô diak akan heh hûlahma nangnâng esoam etô hûho, chenrãngma ngako, nangma toangtang moatlem moeko pa anga ngama lâkhetah.”