MOATLEM 10:11 - NIEMNYAN Naga NT (BSI)

¹¹ Atema rangkhethung laang lahma khewênwah, ngale chenni komin khadôngmõang sukbeliiko lolahma hahtokkhoh ko waangphe katlahma khewah.

MOATLEM 10:11 Iomraidhean Croise

MATHIU 8:11

Ngama linlin thôkoh eka, jahmõang mihnyan sankat ngewah, sannyup ngewah hûlahma Abraham, Isak, ngale Jakob demnâng rangkhethung wah Joban Hahsông theko aroamma ephhekchhah wak a.

LUK MA RAANGWAH NGINKONGSEN 3:21

Mihnyan heh phangtang baptijem tâkoh diko, Jisu nângmin baptijem kohwah. Atema rangsoam poatko rangkhethung pa laangwah,

JON MA RAANGWAH NGINKONGSEN 1:51

Ngale atema thinnâng ngatwah, “Ngama nenâng toangtang ngin thôkoh eka: Nema rangkhethung pa laang lahma ekhe en, ngale Mihnyan Chha khohko rangwah Joban ngintatte heh awângte akatte ditkhoam lahma ekhe en.”

JON MA RAANGWAH NGINKONGSEN 11:52

ngale atelolo rãng ledang, Joban nâng putedâlemte mihnyan phoangphan chhoan eka heh wathe mihnyan rãngrãng roamsiet hokrãngma jabwah.

JON MA RAANGWAH NGINKONGSEN 12:32

Chenthu nga are hahtokkhoh kowah metoansietwên thangko, Ngama chentôpa ngatânâng sietwêmin.”

MOATLEM 10:12

Ereko rongrup ngem heh dângwah, pû anyah, ngale wunwo hehmin dângwah.

MOATLEM 11:5

“Chenthu ngama Jopa hahnâng rangsoam poatko, ngama thânkhewah. Ngama chenni komin khadôngmõang rangkho wah sukbeliiko lolahma waangphekat lahma thânkhewah, ngale erepa nga tâko tângjek katwah.

MOATLEM 7:56

Atema ngatwah, “Sûtan en!” “Ngama rangkhethung pa laanglahma khewên ekang, ngale Mihnyan Chhapa Joban dekchahko cheplahma khewên ekang!”

ROMAN HEHNÂNG POLMA RAANGWAH SITI 1:16

Ngama Nginkongsen ko nyahrãng dâlem ekang; arepa chentô putedâlemte heh pepâng thin Joban chaan, khebengko Jews heh ngale Jews ledangte hehmin.

ROMAN HEHNÂNG POLMA RAANGWAH SITI 9:4

Thin a Joban mihnyan; ngale Joban ma ate Chharãng hôan eka, erediko ate mîndông pa thinnâng khesok eka; Joban ma thin demnâng kahkhetmin lahma thinnâng Niemarang pa koheka; erediko toangtangma soam aroak thuk eka; ngale Joban ma toamsem tahpa thinma choh eka;

GALATIEN 2:15

Linlinjô, nia achhat mejû Jews jat, thinma ngaeka rãngrãng, “Jews ledangte papi jat dangmih.”

GALATIEN 3:28

Erohwah Jews le Jews ledangte hehnâng mâmâ jatjat ahotu, haa le haa ledangte heh tungnângmin mâmâ jatjat ahotu, dihiak dela tungnângmin ahotu; nekhu phangtang Jisu Krista demnâng roamletma wathe lâdangtet.

IFISIEN 1:10

Ere themawa ekapa Joban ma sanpoat methang tahko emoa, erepa rangkhethung ngale hahtokkhoh wah atema tem atiak tahheh Krista khhepho khenko phangtang aroamma eroapsiet hûa.

IFISIEN 3:6

Apatritli nginpa dangeka, nginkongsen junma Jews ledangte hehmin Jews heh demnâng roamlahma Joban wah rang johkepmin; thinmin phoangthe kowah tuta jôba, ngale Jisu Krista junma Joban ma toamsem tahko thinmin johroam eka.

KOLOSIEN 3:11

Erohwah, Jews ngale Jews ledangte heh tungko chenjô mâmâ aho, ngale khoankhen niem hôante le lehôante heh tungkomin chenjô mâmâ aho, jet ajien le nokba tungkomin, haa le haa ledangte tungkomin chenjô mâmâ aho, rohkomin Krista jôba anga nga rãng, ngale ate jôba chentôpa.

LOATKHESOK 11:19

Rangkhethung wah Joban rangsoam humpa laangwah, ngale Toamsem bâkot pa eretheko khewênwah. Erediko rangmok rangphak, ngale rangdãng khiapda liap dângwah, ngale hahtii erediko miendong jâlahma dângwah.

LOATKHESOK 19:11

Erediko Ngama rangkhethung pa laang lahma khewênwah, ngale ereko Mok po dângwah. Mok po khohko chhangte pa Putedâlemsen ngale Toangtang dângwah; atema toangtangko ren eka ngale toangtangko ranloatmîn eka.

LOATKHESOK 4:1

Erediko Ngama ahan wîenthânkhe wah, ereko rangkhethung nâng kâsekpa laanglaang thienlahma khewah. Ngale poakpopo rahmetwah rãngrãng roattatwah, ere roatpa amako Nganâng aroh ngalahma tatwah, “Ngatânâng anâng wãngro, ngale arediko chenni dângmin a erepa Ngama nangnâng khesok e.”