MOATLEM 1:9 - NIEMNYAN Naga NT (BSI)

⁹ Atema arepa ngatdiko, thin mitkhesok jenjenko rangkhethung nâng tôansietwên wah, ngale phoamma thin mitkhe jenjen kowah mahbuk wênwah.

MOATLEM 1:9 Iomraidhean Croise

MAK MA RAANGWAH NGINKONGSEN 16:19

Teso Jisu thin demnâng jabmîn diko, atea rangkhethung nâng toansietwên lahma Joban dekchahko tôngwãngwah.

LUK MA RAANGWAH NGINKONGSEN 21:27

Erediko Mihnyan Chhapa phoamkhoh nâng chaan ahâng demnâng ehong kara.

JON MA RAANGWAH NGINKONGSEN 6:62

Thatthong hun tan, Mihnyan Chhapa khemako ate chenko tongtah a eretheko ngakwãng lahma khepa?

MOATLEM 1:11

ngale thinma ngatwah, “Galili wah mihnyan heh, rangnâng sûwên letma aretheko chenrãngma chep eken a? Netâwah toansietwên eka are Jisu pa, nema chenroh rangkhethung nâng wãng lahma khe eken a ererãngrãngjô engak kara.”

MOATLEM 1:2

ate rangkhethung nâng tôansietwên tôkotuk chenni motah a ereheh raang ekang. Ate rangkhethung nâng tôansietwên mako, Asâthôanju chaanma atema ate moattat chhoante rãng rentah mihnyan hehnâng hethô thienwah.

1 THISALONIKA 4:17

erediko ere sanpoatko ahînma tônglâte nãngkhu Teso demnâng pongwutnâng chohmînrãng thin demnâng phoamkhoh nâng ekhôansiet hi. Ngale nãngkhu roantang roanjêngma Teso demnâng tôngtumin.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

LOATKHESOK 1:7

Sûtan en, atea phoamkhoh nâng kaera! Anga ngama ate ekhe e, atenâng pahma suhtah hehmemin ekhea. Hahtokkhoh wah mihnyan nyuchha heh phangtang ate junma asep erewak a. Linlinjô eroh pa edanga!

LOATKHESOK 11:12

Erediko mõng wanii pumma rangkhethung wah jabkhab chaanmõangma atenii nâng jabkat lahma tatwah, “Anâng wãngrên!” Phumma thinran hehma sokjenjen ko atenii phoam khohma rangkhethung nâng wângwah.

LOATKHESOK 14:4

Ere mihnyan heh thin dedema dihiaknyu heh demnâng kaamchhih lethatmo sâpoangpoang dângte heh dângwah; thin a dihiak dela ngenâng asâjû dângwah. Thinma Saakchha pa chennge nâng dangeka ere ngeko junchhoante dângwah. Thin a hahtokkhoh wah chentô mihnyan nyuchha jat hehwah khopesietwah, ngale thin jôba Joban ngale Saakchha nâng joapsoapte rãng khebeng thôan dângwah.