MOATLEM 1:8 - NIEMNYAN Naga NT (BSI)

⁸ Rohkomin chenthu Asâthôanju nekhoh nâng meka theko, nema chaan echoh en, ngale nema Jeroselem nâng, Judia phangtang nâng, ngale Samaria, erediko hahtokkhoh phangtang nâng phoangchhoan letma ngangin ephoang thôkoh en.”

MOATLEM 1:8 Iomraidhean Croise

MATHIU 24:14

Ngale are rangkhethung Hahsông Nginkongsen pa hahtokkhoh phangtang nâng chentô mihnyan nyuchha nâng phoangthôkoh mêngmin; erediko athôan sanpoat pa ehûra.

MATHIU 28:19

Erohwah chentô mihnyan nyuchha, ngale chentô thenâng chhoan en, ngale ngadijunte rãng dangthukwak en: Ngale Wa mînko, Chha mînko, erediko Asâthôanju mînko baptijem koh en,

MAK MA RAANGWAH NGINKONGSEN 16:15

Atema thinnâng ngatwah, “Hahtokkhoh phangtang nâng chhoanletma nginkongsen pa chentô mihnyan hehnâng phoangthôkoh en.

LUK MA RAANGWAH NGINKONGSEN 1:35

Rangkhethung wah ngintatte ma dânthâng wah, “Asâthôanju nangkhoh ko ekara, ngale Joban chaanpa nangkhohko etong kara. Erohwah Asâthôan Naachha pa Joban Chha ngama ngatmin.

LUK MA RAANGWAH NGINKONGSEN 10:19

Tat en! Ngama nenâng chaan koheka, erohwah nema pû ngale gusirong khohnângmin takhoam en, ngale chentô Ran heh tâjien Chaanmin koheka, ngale nenâng chenni mejô letâmin.

LUK MA RAANGWAH NGINKONGSEN 24:29

rohkomin thinma atenâng ngatwah, “Nidemnâng johtonghi; chenrãngma ngako sanhêmthah lâdangtah, ngale rang lânyek eka.” Ephumma thin demnâng johtông wângwah.

JON MA RAANGWAH NGINKONGSEN 15:27

Ngale nememin nga nginpa mihnâng ethôkoh en, chenrãngma ngako nea khebengma nga demnângjû.

MOATLEM 1:5

Jon ma joma baptijem kohwah, phumma jâthe jânii diko nenâng Asâthôanju ma baptijem kohmin.”

MOATLEM 13:31

ngale melâng rangwo ate demko Galili wah Jeroselem nâng johwângte heh tânâng hongloattah. Ere mihnyan hehma athângheh ate ngin pa Isrial mihnyan hehnâng phoangthôkoh eka.

MOATLEM 2:32

Joban ma are Jisu pa ritwah ngakhinsiettah, ngale are linlin nginpa nikhu phangtang mitma khelihma thôeki.

MOATLEM 22:15

Nangma chenni khetoh a ngale tattoh a heh chentô mihnyan nâng ate hâkhirãng ephoang thôkoh o.

MOATLEM 3:15

Roandông khope kohtepa nema ritphetet, rohkomin Joban ma ate ritwah ngakhinsiettah - ngale erepa nima mitma khelihma thôeki.

MOATLEM 4:33

Moattat chhoante hehma Teso Jisu ritwah ngakhînwâng nginpa Joban chaan demnâng phoangthôwah, ngale Joban ma thin chentô nâng ajahthem rangkoh wah.

MOATLEM 5:32

Nima areheh mitma khelihma thôeki - ngale Joban ma ate nginkepte hehnâng hînhô rãng koheka Asâthôanju memin jeteka.”

MOATLEM 6:8

Stifen nâng Joban ma nyahrãng rangkoh wah, ngale atenâng Joban chaan mênchong dângwah, atema mihnyan heh tâko nyahrãng patritli le bâritli moatlem heh moatwah.

MOATLEM 8:1

Ngale Sol memin Stifen ritphe pa asen ngama ngatwah. Erejâ phumma Jeroselem wah Asâthem hehma nyahrãng chêmchhih bengchohwah. Putedâlemte heh phangtang Judia ngale Samaria diaktang nâng phoangphân chhoanwah, moattat chhoante heh loloba lephanchhoan thangma tôngwah.

ROMAN HEHNÂNG POLMA RAANGWAH SITI 10:18

Rohkomin Ngama thôngpha eka: Linlinjô thinma Nginkongsen pa chohtat hone? Thinma chohtattah - chenrãngma ngako Joban nyapraangma ngaeka: “Thin jabkhab kahra pa hahtokkhoh phangtangma khêmtattah; ngale thin jabkhab pa rangkhen hahtokma khêmtattah.”

ROMAN HEHNÂNG POLMA RAANGWAH SITI 15:19

patritli ngale bâritli, erediko Joban Juchaan junma moatwah. Ngale Jeroselem wah Ilirikum nâng lanhuroh khoamka lekma Krista Nginkongsen pa senthemthem phoangthôtek.

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.