MOATLEM 1:25 - NIEMNYAN Naga NT (BSI)

²⁵ Juda litko moattat chhoante rãngren eko erepa ninâng khesokkat hi. Erepa Juda ma ate theko chhoanrãng thînphe thienwah.”

MOATLEM 1:25 Iomraidhean Croise

MATHIU 25:41

“Erediko atema ate dekhit wah hehnâng enga a, ‘nga tâwah taangen, nea Joban wah achhih chohte! Joak le ate ngintatte hehrãng khoakhem kotah roantang roanjêng khâmthin wendôko ka en!

MATHIU 25:46

Ereheh roantang roanjêng chêmchoh thinnâng chienkatmin, phumma toangtang heh roantang roanjêng roandông chohthin nâng wângthukmin.”

MATHIU 26:24

Joban nyapraang nâng chenroh raangeka eroh Mihnyan Chhapa eriia, rohkomin henma Mihnyan Chhapa chensãng eka ererãngma chentô chhih dângmin a! Ere mihnyan rãngma ate lechêm hongchha peba asen dângmin wah!”

JON MA RAANGWAH NGINKONGSEN 13:27

Juda ma bankên pa thârienrien ate hungnâng juchhih lupwah. Jisu ma atenâng ngatwah, “Nangma chenni moatthin tonga erepa sitsiak mo o!”

JON MA RAANGWAH NGINKONGSEN 17:12

Nga thin demnâng dângpoatko, nangmîn chaan pumma ngama pepâng lekma thienwah, nangma nganâng kohthangmîn pumma. Ngama pâng ahâng lekma thien ekang, ngale wathemin mahphemek, henpa amah rangjû hongtah a ere peba mahwah - erohwah Joban nyapraangpa toangtang dangeka.

ROMAN HEHNÂNG POLMA RAANGWAH SITI 1:5

Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

1 KORINT 9:2

Ahan heh mejô nganâng moattat chhoante ngama lekep hangkomin nekhuma moattat chhoante ngama kepha! Chenrãngma ngako nekhu roandôngpa Teso demnâng aroamma dangletma khe junko linlinjô nga moattat chhoante ngama jet ekang.

GALATIEN 2:8

Chenroh Piter Jews hehrãngma moattat chhoante rãng hôantah a, ererãngrãng ngamin Joban chaanma Jews ledangte hehrãngma moattat choante rãng hôan ehang.