MOATLEM 1:2 - NIEMNYAN Naga NT (BSI)

² ate rangkhethung nâng tôansietwên tôkotuk chenni motah a ereheh raang ekang. Ate rangkhethung nâng tôansietwên mako, Asâthôanju chaanma atema ate moattat chhoante rãng rentah mihnyan hehnâng hethô thienwah.

MOATLEM 1:2 Iomraidhean Croise

MATHIU 12:28

Dangmah, arepa bilzibul ma kohdangmah, Joban Juma nganâng juchhih heh junloat rãng chaankoh ehang, erejunko Joban Hahsông pa nekhu khohnâng râkatha ngama khesok eka.

MATHIU 3:16

Jisu baptijem kepdiko jokowah loatkhôam wângwah. Erediko rangkhethung pa Atenâng laangkohwah, ngale atema Joban Jupa wochha rãngrãng kalahma ate khoko tôngkat khewah.

MAK MA RAANGWAH NGINKONGSEN 6:30

Moattat chhoante heh ngakhû lahma Jisu demnâng chohmînwah, ngale thinma motah le hethôtah heh phangtang thôkoh wah.

LUK MA RAANGWAH NGINKONGSEN 24:51

Atema thinnâng rangkoh jenjenko, thin tâwah rangkhethung nâng toansietwên wah.

LUK MA RAANGWAH NGINKONGSEN 9:51

Jisu rangkhethung nâng toansietwên sanpoat namhok phumma, atema Jeroselem nâng wângrãng thonghun lahma wângwah.

JON MA RAANGWAH NGINKONGSEN 1:16

Atenâng ajahthem mînchenchaan tôngjunko atema nãngnâng rongrup lemma rangkoh ehi.

JON MA RAANGWAH NGINKONGSEN 13:1

Arepa Adankhoam lokuh majâko dângwah. Jisu ma hahtokkhoh pa phethien lahma Wa tânâng wâng sanpoat pa lâhûtha ngama jetritwah. Atema hahtokkhoh wah ate mihnyan hehnâng roantang hun achetjû dângwah, ngale atema thinnâng athôan sanpoatko kiat hunwah.

JON MA RAANGWAH NGINKONGSEN 13:18

“Ngama nekhu anga nga nginthô dangmek; Ngama henhen ren ekanga ereheh jet ang. Rohkomin Joban nyapraangma are ngaeka pa toangtang dângmin, ‘Ngadem kowah ngama chhah ekang phhekchhah kowah johchhahte pa nga lelatnâng dangeka.’

JON MA RAANGWAH NGINKONGSEN 13:3

Wama nganâng chaan kohlahma chentôpa ngakhennâng lâdang thuktah ngama Jisu ma jetwah; ngale atea Joban tâwah katwah ngale Joban tânâng ngakwângmin ngamemin jetwah.

JON MA RAANGWAH NGINKONGSEN 16:28

Nga a hahtokkhoh ko Wa tâwah kaerâng; ngale ade phumma Ngama hahtokkhoh pa phethien lekma Wa tânâng wãngekang.”

JON MA RAANGWAH NGINKONGSEN 17:13

Ngale athângheh nga nang tânâng wãngerâng, Ngale Nga a hahtokkhoh ko dângpoatko are ngawah khuhah pa thinhungnâng mênchong chentonga ngama jabekang.

JON MA RAANGWAH NGINKONGSEN 20:17

Jisu ma atenâng ngatwah, “Nganâng neksahlo hang,” “Chenrãngma ngako, Nga a Ewa tânâng mangak wãngekang. Rohkomin wãnglohma nganaa hehnâng thôkoh, nga a Ewa, ngale thin Wa min danga, erediko nga Joban, ngale thin Joban min danga, ate tânâng ngakwãng ekang.”

JON MA RAANGWAH NGINKONGSEN 20:21

Jisu ma thinnâng eredikomin ngatwah “Nekhu mêmo dangen. Ewa ma nga chienkatthang rãngrãng ngamemin nekhu chienchhoan eka.”

JON MA RAANGWAH NGINKONGSEN 3:34

Henpa Joban ma chienkat era erepumma Joban ngin thôeka, chenrãngma ngako atenâng Joban ma ate Jupa mênchong koheka.

JON MA RAANGWAH NGINKONGSEN 6:62

Thatthong hun tan, Mihnyan Chhapa khemako ate chenko tongtah a eretheko ngakwãng lahma khepa?

JON MA RAANGWAH NGINKONGSEN 6:70

Jisu ma dânthâng wah, “Ngama nekhu echhi wanii ren eka, rohkomin nekhuwah wathe nâng juchhih etonghèn!”

MOATLEM 1:11

ngale thinma ngatwah, “Galili wah mihnyan heh, rangnâng sûwên letma aretheko chenrãngma chep eken a? Netâwah toansietwên eka are Jisu pa, nema chenroh rangkhethung nâng wãng lahma khe eken a ererãngrãngjô engak kara.”

MOATLEM 1:13

Thin Jeroselem nâng wãng lahma rangkho dângwah thin tongtah humko tôngwângwah: Piter, Jon, Jems, ngale Andru, Filip, Thomas, Bartholomi, Mathiu, Alphaus chha Jems, Diak akan rãngma latte Simon, ngale Jems chha Juda dângwah.

MOATLEM 1:9

Atema arepa ngatdiko, thin mitkhesok jenjenko rangkhethung nâng tôansietwên wah, ngale phoamma thin mitkhe jenjen kowah mahbuk wênwah.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

GALATIEN 1:1

Arepa moattat chhoante Pol ngewah raangeka, Nga moattat chhoante rãng mihnyan nyuchha ma roowah dangmah, ngale mihnyan nyuchha hung junmemin dangmah, erepa Jisu Krista ngale Joban Wa, Jisu Krista ritwah ngakhînsiette pumma roowah.

IFISIEN 2:20

Nemin moattat chhoante ngale mõng hehma hôanrang phungtah humthinko hôanwah hum rãngrãng lâdangtet, ngale Jisu Krista pa ere humthin kowah alemthôan long.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

HIBRU 9:24

Chenrãngma ngako Krista a mihnyan nyuchha dekma hôanwah Asâthôan The nâng wâng dangmah, ere Asâthôan The pa rangkhethung wah alinlin The peba hehôan eka. Atea rangkhethung linlin nâng wãngeka, ngale enâng athângheh atea nãngrãngma Joban tâko tongeka.

1 PITER 3:22

Atea rangkhethung nâng wãngtah, ngale Joban dekchah ngeko tonglahma chentô rangkhethung wah Joban ngintatte heh pêneka, ngale rangkhethung wah thôte jabte, erediko chaan ahang demnâng tôngte heh pêneka.

2 PITER 3:2

Chenthu thuma Asâthôan mõng hehma jabtah ngin heh nema chenthonghun en ngama huneka, ngale nãng Teso ngale Pângte ma nãngnâng chienthi ngin ate moattat chhoante ma nenâng thôkohthen heh thonghun en ngama huneka.

LOATKHESOK 1:1

Are titab ko Jisu Krista ma loatkhesok wah heh raangthien eka. Joban ma atenâng are loatkhesok ekapa atema ate haa hehnâng sitsiak chenni dângmin a ereheh khesokrãng loatkhesok wah. Krista ma areheh rangkhethung wah ate ngintatte wathe Jon tânâng chienkat lahma Jon nâng loatkhesok wah,

LOATKHESOK 2:11

“Erohwah, nenâng nâ metong hènko, Ju pumma Asâthem hehnâng chenni ngaeka erepa jetat en! “Henhenma tajien eka ereheh khohnâng jânthong arit pa lehumin.

LOATKHESOK 2:17

“Erohwah, nenâng nâ metong hènko, Juma Asâthem hehnâng chenni ngaeka erepa jetat en! “Henhenma tajien eka ereheh nâng ahuhriam wah mana echhahthuk a. Ngale Ngama thin anga nganâng longpo ekoh ang, ere longpo ko henmejô lejetli mînnyan raanglahma tonga, ere mînpa henma choh eka erepumma loloba jetmin.

LOATKHESOK 2:29

“Nenâng nâ metong hènko, Juma, Asâthem hehnâng chenni ngaeka erepa jetat en!”

LOATKHESOK 2:7

“Nenâng nâ metong hènko, Juma, Asâthem hehnâng chenni ngaeka ereheh jetat en! “Henhenma tajien eken a ereheh nâng Ngama Joban penri thong kowah roandông chohthin bãngko penri rieka kowah echhahthuk ang.”

LOATKHESOK 21:14

Hahdaang panpa echhi wannii longphang khohnâng hôanwah, ereheh khohko Saakchha moattat chhoante echhi wanii hehmîn raanglahma dângwah.

LOATKHESOK 3:13

“Erohwah, Nenâng nâ metong hènko, Juma Asâthem hehnâng chenni ngaeka erepa jetat en!

LOATKHESOK 3:16

Rohkomin nea lemtubu, akhammin dangmet, ngale akihmin dangmet, erohwah nea Ngama Ngathunkâ wah athoakphe erea!

LOATKHESOK 3:22

“Erohwah, nenâng nâ metong hènko Juma Asâthem hehnâng chenni ngaeka erepa jetat en!”