MOATLEM 1:15 - NIEMNYAN Naga NT (BSI)

¹⁵ Jâthe jânii diko putedâlemte heh ngoangthun rãng khôanwah, eko chentô tungko châthe roaknii dângwah, ngale Piter nginthôrãng tôanchepwah.

MOATLEM 1:15 Iomraidhean Croise

MATHIU 13:31

Jisu ma thinnâng eredikomin ahan nginthakthô thôkoh wah: “Rangkhethung Hahsông pa arerãngrãng. Mihnyan wathema jokangken keplahma ate pitnâng wênkat eka.

LUK MA RAANGWAH NGINKONGSEN 22:32

Simon, rohkomin ne putedâlem pa nekchen chhihjâ eken ngama rangsoam koh eka. Ngale chenthu nanga ngatânâng mengak huthoko nangpho anaa heh hung dongsiet o.”

JON MA RAANGWAH NGINKONGSEN 14:12

Ngama toangtang thôkoh eka: henhenma nganâng putedâlem ehanga erehehma ngama chenni moatlem moekanga ereheh emowak a, ngale erenoma moatlem dongmin eta mowak a, chenrãngma ngako Nga a Wa tânâng wãngekang.

JON MA RAANGWAH NGINKONGSEN 21:23

Ephumma Jisu dijunte heh chhangko are dijunte wathepa lerii tumin ngama thôlahma ngin hôngwah. Rohkomin Jisu ma ate leriimin ngama ngaho; Jisu ma, “Ngama atea Nga mangak ngakka ahînma tôngthuk mehun angko, Nangjã tanga chenroh dângmin a?” ngamaba ngatwah.

MOATLEM 10:23

Piter ma ere mihnyan heh humkhen nâng roowên lahma erejâ rangpen pa jemthukwah. Eredijâko thin demnâng johwângwah; ngale Jopa hahwah putedâlemte heh wahmin ate demnâng khuthe johwângwah.

MOATLEM 11:1

Moattat chhoante ngale chentô Judia diakwah putedâlemte hehma ngale Jews ledangte hehmemin Joban jabkhab pa kep eka ngama chohtatwah.

MOATLEM 11:12

Juma nganâng letûngmaang thangma thin demnâng johwângrãng ngatwah. Jopa wah putedâlemte waerok pemin nga demnâng Kasaria nâng johwângwah, ngale nikhu phangtang Kornilas humnâng wãngtih.

MOATLEM 11:26

Atema Sol chohmîn lahma Antiok nâng sietwênwah, ngale rangpâ pâtangma atenii Antiok nâng tôngwah. Roantangma Asâthem heh khôanhû lahma Barnabas le Sol demnâng chohmînwah ngale atenii ma thinnâng hethô wah. Antiok wah putedâlemte hehnâng Kristan ngama bengngatwah.

MOATLEM 11:29

Phumma dijunte hehma henma chentô taeka eretô thinlemru Judia wah putedâlemte hehnâng matkat e ngama nginpat wah.

MOATLEM 12:17

Piter ma thinnâng nektin en ngama dekma thakkohwah, ngale Teso ma phâtek khenwah ate chhoanroh loatsiettah a ereheh thinnâng thôkoh wah. Atema thinnâng ngatwah, “Arepa Jems le putedâlemte ahan hehnâng thôkoh en,” erediko thintâwah loatchhoan lahma thehan nâng chhoanwah.

MOATLEM 14:2

Rohkomin lepute dâlemte Jews hehma Jews ledangte heh chepsiet lahma putedâlemte heh lelatnâng dângwah.

MOATLEM 15:1

Judia wah Antiok nâng mihnyan heh khuthe hûlahma putedâlemte hehnâng, “Mosa Niemarang junko nema khoankhen niempa lehôan kenko kho lepemin,” ngama hethô wah.

MOATLEM 15:3

Thin lemko Asâthem hehma sênkatwah; ngale thin Fonika ngale Samaria ma danka lahma Jews ledangte chenroh Joban nâng putedâlemte rãng dangeka erengin heh thinnâng thôthien kohwah; Are ngin pa tatlahma chentô putedâlemte heh nyahrãng khuhah nâhah dângwah.

MOATLEM 16:2

Listra ngale Ikoniem wah Kristan mihnyan hehma Timothi asen ngama thôwah.

MOATLEM 16:40

Pol le Silas nii phâtek wah loatchhoan lahma Lidia humnâng katwah. Enâng thinma putedâlemte heh demnâng chohmîn lahma thinnâng hungdông ngin heh thôthien kolahma erehah kowah loatchoanwah.

MOATLEM 17:10

Rangnyek rienrien putedâlemte hehma Pol le Silas nii Biria nâng chienkatwah. Chenthu thin Biria nâng hokphumma Sanagog nâng wângwah.

MOATLEM 17:14

Phumma enângwah putedâlemte hehma Pol lemlienma josi kahnâng chienkatwah; rohkomin Silas le Timothi nii Biria nâng tôngwah.

MOATLEM 17:6

Phumma thinma Pol le Silas nii lechoh dâng phumma Jason ngale ahan putedâlemte heh lolahma hahdaang wah thôte jabte heh tânâng siethû lahma rakwah, “Are mihnyan hehma chentô thenâng phoangjamsiet eka! Athângheh nãng hahnâng hûwak era,

MOATLEM 18:18

Korint wah putedâlemte heh demnâng Pol melâng rangwo johtongthien lahma Prisila le Akuila demnâng jogari ma Siria nâng katwah. Sencheria wah jogari ma chhoan mako atema toamsem tah junko ate kho lokchhunwah.

MOATLEM 18:27

Ephumma Apolo Akaia nâng katrãngma chepwah, erohwah Ifisus wah putedâlemte hehma Akaia wah putedâlemte nâng Apolo senthemthem tãngroo en ngama sitiraang lahma atenâng kohwah. Chenthu ate Akaia nâng hokphumma enângwah Joban mînchenchaan junko putedâlemte dangtah hehrang nyahrãng toatchoh dângwah.

MOATLEM 21:17

Chenthu ni Jeroselem nâng hokphumma, enângwah putedâlemte hehma khuhah nâhah tângroo wah.

MOATLEM 21:20

Thinma Pol ngin chohtat diko, chentôma Joban nâng rôwah. Erediko thinma ngatwah, “Pol, nangma akhe chentô hahjat Jews hehma Joban nâng putedâlem eka, ngale thinma Mosa Niemarang hehmin nyahrãng kepeka.

MOATLEM 21:7

Ni Tair hahwah chhoan lihma Polimais hahnâng chhangkat wah, phumma erehah wah putedâlemte heh demnâng rânjabmîn lihma thin demnâng jâthe johtông thienwah.

MOATLEM 22:5

Arepa soam aroakte adongthôan ngale ngoang awang heh chentôma ajet ngama toangtang thôekãng. Thinma nganâng nãnglemru Damaskas wah Jews hehnâng nyapraang raanglahma kohthang, ephumma ngama Damaskas wah putedâlemte heh lokhhek lekma Jeroselem nâng ngaksietwên lekma chêmsiet rãng Damaskas nâng katwah.

MOATLEM 28:14

Enâng nima putedâlemte mihnyan roanche chohmin lihma thin demnâng haptathe johtôngrãng rosepthi. Eroh relihma ni Rom nâng hokwah.

1 KORINT 15:6

Erediko rekthelem ma ate dijunte châbangâ nomemin ajah demnâng chohmînwah, phumma ere hehwah khakajô merii akomin khakapa athângheh ahînthu tonga.

LOATKHESOK 11:13

Ere sanpoat poatko hah dôngmõang tiiwah; phumma thiak echhi rãng hahdaang heh chhihsiet wah, ngale hahjat engit mihnyan heh ritwah. Ngale mihnyan ahan hehma chei nungma rangkhethung wah Joban dongnâng rôwakwah.

LOATKHESOK 3:4

Rohkomin Sardis wah nekhu roanchechha hehma ne khet pa sâpoangpoang thien eken. Nea Nga demnâng khetpo kepletma ejoh khoamha, chenrãngma ngako, nea Nga demnâng eroh tâjoh khôamrãng kaamsen moeken.