MOATLEM 1:11 - NIEMNYAN Naga NT (BSI)

¹¹ ngale thinma ngatwah, “Galili wah mihnyan heh, rangnâng sûwên letma aretheko chenrãngma chep eken a? Netâwah toansietwên eka are Jisu pa, nema chenroh rangkhethung nâng wãng lahma khe eken a ererãngrãngjô engak kara.”

MOATLEM 1:11 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 24:30

Erediko Mihnyan Chha ngakkat sanpoat pa jetrãng rangkho nâng ajatjat hong lahma ekhe e; ngale Mihnyan Chhapa rangkho wah phoam khohko tonglahma chaan ahâng ngale phiakto phiakja katpa khelahma hah khohwah mihnyan heh phangtang esepwak a.

MATHIU 25:31

“Chenthu Mihnyan Chhapa rangkhethung wah ngintatte heh phangtang demnâng Lowang danglahma katko, atea Lowang tôngthinko etonga,

MAK MA RAANGWAH NGINKONGSEN 13:26

Erediko Mihnyan Chhapa phoamkhohko tonglahma chaan ahang ngale phiakto phiakja ehongkara.

MAK MA RAANGWAH NGINKONGSEN 14:70

Phumma erekomin Piter ma dangmek ngama dakwah. Ere chuthe diko ate kêkowah chepte hehma piter nâng sekhâmwah, “Nanga Jisu demwah dangmek ngama tasâmoh, chenrãngma ngako, nangmin Galili wah mihnyan.”

MAK MA RAANGWAH NGINKONGSEN 16:19

Teso Jisu thin demnâng jabmîn diko, atea rangkhethung nâng toansietwên lahma Joban dekchahko tôngwãngwah.

LUK MA RAANGWAH NGINKONGSEN 21:27

Erediko Mihnyan Chhapa phoamkhoh nâng chaan ahâng demnâng ehong kara.

LUK MA RAANGWAH NGINKONGSEN 24:5

Nyahrãng chei lahma dihiaknyu hehma hahko khupjup wah, phumma mihnyan wanii pumma thinnâng ngatwah, “Nema ahînte pa riichoan heh chhangnâng chenrãngma lemeken a?

JON MA RAANGWAH NGINKONGSEN 14:3

Ngale nga wãnglekma nerãng the khoakhêm kohdiko, Nga ngakka lekma nga demnâng esietwên a, ephumma nga chenko dangekanga eretheko nemin eta wãngrên.

MOATLEM 1:2

ate rangkhethung nâng tôansietwên tôkotuk chenni motah a ereheh raang ekang. Ate rangkhethung nâng tôansietwên mako, Asâthôanju chaanma atema ate moattat chhoante rãng rentah mihnyan hehnâng hethô thienwah.

MOATLEM 1:9

Atema arepa ngatdiko, thin mitkhesok jenjenko rangkhethung nâng tôansietwên wah, ngale phoamma thin mitkhe jenjen kowah mahbuk wênwah.

MOATLEM 13:31

ngale melâng rangwo ate demko Galili wah Jeroselem nâng johwângte heh tânâng hongloattah. Ere mihnyan hehma athângheh ate ngin pa Isrial mihnyan hehnâng phoangthôkoh eka.

MOATLEM 2:7

Nyahrãng patrit ngale bârit rewak lahma thinma ngatwah, “Are jabte mihnyan heh a Galili wah mihnyan!

MOATLEM 3:12

Chenthu Piter ma mihnyan heh khephumma, thinnâng ngatwah, “Isrial mihnyan heh, nema arepa kheletma chenrãng barii eken a, ngale ni nângmin chenrãngma thongsû ehia? Nema are mihnyan pa nichaanma ba nima Joban nâng senthemthem soamdi chaan chohlihma sensiet lihma khoamthuk eki ngama thonghun ehia?

MOATLEM 3:21

Joban ma khema thuma ate mõng asâ heh junma loatjabtah rãngrãng, chentôpa anyan litdâng sanpoat pa mahû hûko ate rangkhethung nâng etonga.

1 THISALONIKA 1:10

ngale nema ate Chha rangkhethung wah ngakkat bemla eken heh thô rewak eka - ate Chhapa Jisu, Joban ma ritwah ngakhînsiet wah, ngale Jisu ma nãngkhu ahokmin Joban rinkhah kowah pesiet ehi.

1 THISALONIKA 4:16

Joban ngintatte adongthôan pumma ehongrak a, ngale Joban ngewah poakpopo pa rahmet erea, ngale rangkhethung wah Teso atedede ekara. Henhenma Krista nâng putedâlem lahma riitah a ereheh khebeng engakhin a;

HIBRU 9:28

Ererãngrãng ajahthem mihnyan heh pap sâsiet kohrãng Krista ma atedede roandôngpa kohlahma ritwah. Phumma ate ademin rekthe engak kara, rohkomin erepa pap sâsietrãng dangmah, rohkomin ate bemlâte mihnyan heh papwah pêsietrãng engak kara.

LOATKHESOK 1:7

Sûtan en, atea phoamkhoh nâng kaera! Anga ngama ate ekhe e, atenâng pahma suhtah hehmemin ekhea. Hahtokkhoh wah mihnyan nyuchha heh phangtang ate junma asep erewak a. Linlinjô eroh pa edanga!