MATHIU 9:6 - NIEMNYAN Naga NT (BSI)

⁶ Nenâng ngama are hahtokkhoh ko, Mihnyan Chha nâng pap mapkoh rãng chaanwin, ngama ekhesok a.” Ephumma atema kôasôte mihnyanko ngatwah, “toanchep o, ngale nang jupthin pa toanpe lohma humnâng wãngo!”

MATHIU 9:6 Iomraidhean Croise

MATHIU 4:24

Ate nginpa Siria diak phangtangma chohtat wah, ephumma mihnyan hehma jatrup khoanchette, khunte: juchhih lupte mihnyan heh, wobuh, kôasôte heh - ate tânâng siethû kolahma atema mesietwah.

MATHIU 8:20

Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MATHIU 9:2

Chuthe diko mihnyan khuthema Atenâng kôasôte mihnyan wathe jupthin ko jupthuk lahma pêhok kohwah. Jisu ma thinnâng dâlem pa ajah chohkhe lahma, kôasôte mihnyan ko ngatwah, “Hung dongsiet o, ngachha! nangpap heh map lâkohtih.”

MATHIU 9:5

Chenroh ngat pa ala a, ‘nangpap heh map lâkohtih’ ngama ngatpa ala ale, ‘toanchep lohma khoam o’ ngama ngatpa ala a?

MATHIU 9:7

Mihnyan pa toanchep lahma humnâng wãngwah.

MAK MA RAANGWAH NGINKONGSEN 2:10

Ngama Mihnyan Chha nâng are hahtokkhoh ko pap mapkoh rãng chaanwin, ngama nenâng ekhesok a.” Ephumma atema kôasôte mihnyanko ngatwah,

MAK MA RAANGWAH NGINKONGSEN 2:7

“Aroh atema chenroh chinjab eka? Arepa Joban thãse eka! Joban loloba pap map tâkoh tepa!”

LUK MA RAANGWAH NGINKONGSEN 5:21

Niemarang hethôte ngale Farasi hehma thindede thonghunwah, “Joban thãsê jabkhab jabte are mihnyan pa hen a! Joban ma loloba pap heh map tâkohmin!”

JON MA RAANGWAH NGINKONGSEN 10:28

Ngama thinnâng roantang roanjêng roandông koh ekang, ngale thin chenthumin leriimin. Henmemin thin a ngadek wah leta nyenchhoanmin.

JON MA RAANGWAH NGINKONGSEN 17:2

Chenrãngma ngako, nangma atenâng chentô mihnyan nyuchha khohko chaankoh eko, ngale nangma atenâng kohtoh hehnâng atema roantang roanjêng lethôan roandông koh eka.

JON MA RAANGWAH NGINKONGSEN 5:27

Ngale atema Chha nâng achhih asen rênrãng chaankoh eka, chenrãngma ngako atea Mihnyan Chha.

JON MA RAANGWAH NGINKONGSEN 5:8

Jisu ma atenâng ngatwah, “Toanchep o, nang hempa toanpe lohma khoam o.”

MOATLEM 5:31

Joban ma ritwah ngakhinsiet lahma, Isrial mihnyan hehnâng hunglit sanpoat kohlahma thinpap heh map kohrãng ngama ate dekchahko lemsênte ngale Pângte rãng dangthuk lahma tongthuk eka.

MOATLEM 9:34

Piter ma ngatwah, “Ainia,” “Jisu Krista ma nang lâsen siettho. Toanchep lohma nang jupthin pa toanpe lohma khoakhem o.” Lemlienma Ainia tôanchep wah.

2 KORINT 2:10

Chenthu nema kaamchhih moatte hehnâng map mekoh tetko, ngamemin thinnâng map koh ekang. Phumma chenthu ngama map mekoh tâkko - linlinjô, ngama chentô map kohthin heh phangtang koh ekang - Ngama arepa Krista mathahko nekhu rãngma moekang.

2 KORINT 5:20

Erohwah nima Krista rãngma jabeki, ngale Joban ma ate dedema roatsep wah rãngrãng nikhu junma rosep ehèn. Nima Krista mînko rosep eki: Joban ma ate ran dangtet pa ate lemruchha rãng chenlitsiet hèn!

IFISIEN 4:32

Erenoma, Krista junma Joban ma nenâng map kohthen rãngrãng wathema wathe nâng mînchenmîn, hunmîn, ngale map kohmîn en.

KOLOSIEN 3:13

Wathema wathe nâng lietmîn re en, ngale hentung nângjô mechhihmîn en komin map kohmîn en. Chenroh Teso ma nenâng mapkoh ehèn a ererãngrãng wathema wathe nâng map kohmîn en.