MATHIU 9:15 - NIEMNYAN Naga NT (BSI)

¹⁵ Jisu ma dânthâng wah, “Nemnyan wapa thin demnâng dângpoatko nemnyansiet thinnâng hokte heh hungchhih rekmah etonga ngama thonghun eken a? eroh tongmah! rohkomin nemnyan wapa thintâwah sietchhoan rangwo ehûra, ere diphumma ba thinma lephhek lechhah thangma etonga.

MATHIU 9:15 Iomraidhean Croise

MATHIU 9:14

Erediko Jon baptis dijunte heh Jisu tâko hûlahma chhienwah, “Chenrãngma ni ngale Farasi hehma roantang lephhek lechhah thangma rangsoam ekia, nang dijunte hehma lephhek lechhah thangma soamwak mah?”

MATHIU 9:16

“Henmejô khetpã khohko khetnyan chhuppa petphin mah, chenrãngma ngako khetnyan pumma khasiet lahma khetpã pa lodong elojâa.

MAK MA RAANGWAH NGINKONGSEN 2:19

Jisu ma dânthâng wah, “Nemnyansiet kuhhôan thinnâng hûera heh lephhek lechhah thangma engakchhoan a ngama thonghun eken a? eroh chenthujô ngakchhoan mah! Nemnyanwa pa thin demnâng tôngpoatko, thin eroh letongmin.

MAK MA RAANGWAH NGINKONGSEN 2:20

Phumma thintâwah nemnyanwa pa sietchhoan rangwô ehûra, eredikoba thinma lephhek lechhah thangma etonga.

LUK MA RAANGWAH NGINKONGSEN 17:22

Erediko atema dijunte hehnâng ngatwah, “Nema Mihnyan Chha sanpoat kowah rangwo hehwah wothe komin chohkhe lihmele ngama hun rangkuh ehûra, rohkomin nema ere rangwopa leta chohkhemin.

LUK MA RAANGWAH NGINKONGSEN 5:34

Jisu ma dânthâng wah, “Nemnyan wapa thin demnâng tôngpoatko nemnyansiet thinnâng jokphhek chhahrãng hûeka mihnyan heh chenjô lephhekchhah thangma etonga ngama thonghun eken a? Eroh tongmah!

LUK MA RAANGWAH NGINKONGSEN 5:35

Rohkomin nemnyan wapa thin demwah sietchhoan rangwo ehûra, erediko ba thinma lejok lechhah thangma etonga.”

JON MA RAANGWAH NGINKONGSEN 16:6

Ngale athângheh ngama nenâng thôkoh eka, phumma nea nyahrãng hungchhih rekmah dangeken.

JON MA RAANGWAH NGINKONGSEN 3:29

Nemnyanwa pa nemnyannyu rãng; rohkomin nemnyanwa tâwah cheplahma atenâng jetat eka ate lemruchha pa, nemnyanwa kahra tatko khuhah eka. Ererãngrãng ngamin khuhah ekang.

MOATLEM 14:23

Thinma chentô Asâthem hehnâng khhepho phannang heh renthien rewah, ngale lephhek lechhah thangma rangsoam lahma ere mihnyan heh, thinma tok anaa eka Teso deknâng chohkoh wah.

1 KORINT 7:5

Nechhe dedema rangsoam sanpoat keprãng sanpoatthe leroamjup thangma taangru tongmênge ngama punthômîn letma ledang kenko, wathema wathe nâng nechhe phoangpa nekkhehmîn en; rohkomin erediko jengrewah tangnyu tangwa roamjup roamtông rãngrãngjô ngakroam jup atong en. Eroh medang enkoba nema hun poatko joaknâng leta jâsietrii etadangen.

2 KORINT 11:27

Ngama moatlem katlem hehmin nyahrãng laâhat chêmrii motek; ngale ajupjô lechohjup memin melâng lâthat dangtek; Rêmritma, ngale jolanrit memin lâthat chêmtek, hum aho thangmemin lâchêmtek, erediko khet akhu aho memin lâthat chêmriitek.

LOATKHESOK 19:9

Erediko ngintatte ma Nganâng ngatwah, “Arepa raango: Henhen pa Saakchha nemnyansiet kuhhôan phhekchhah nget ekako rooeka mihnyan heh rangkepte dângmin.” Ngale eredikomin ngintatte pumma ngatwah, “Are jabkhab heh a Joban ma jabwah toangtang jabkhab.”

LOATKHESOK 21:2

Ngale Ngama Asâthôan Hahdaang pemin khewah, erepa nemnyannyu pa ate tangwa demnâng chohmînrãng rângsôa arãngrãng sôa lahma Jeroselem nyan pa rangkhethung wah Joban tâwah jâka lahma khewah.