MATHIU 8:4 - NIEMNYAN Naga NT (BSI)

⁴ Erediko Jisu ma Atenâng ngatwah, “Tattan! hennângjô nekthôkoh, tintin wãnglohma soam aroakte nâng khesok wãngo, atema chenthatsû tanho; ngale nanga sentoh ngama anga ngama jetrãngma, Mosa ma chienwah soam aroak thinpa kohwen o.”

MATHIU 8:4 Iomraidhean Croise

MATHIU 10:18

Diak pênte ngale lowang heh, erediko Jews ledangte hehnâng ngawah Nginkongsen pa jienthôkoh rãng thin tânâng met elohû hèn.

MATHIU 16:20

Erediko Jisu ma ate dijunte hehnâng atea Krista ngama hennâng min nekthôkoh en ngama ngatwah.

MATHIU 17:9

Thin hahkongkho wah ngakkatko, Jisu ma thinnâng ngatwah, “Mihnyan Chha ritwah mangak ngakhinko, are nema chohkhe tetpa hennâng min nekthôkoh en.”

MATHIU 3:15

Phumma Jisu ma Atenâng dânthâng wah, “Athângheh rãngma arohjô chendanga, Joban ma huneka moatlem pa nãngma arohjôba moatmin.” Erediko Jon ma Jisu nâng baptijem kohwah.

MATHIU 5:17

“Ngama Mosa Niemarang ngale Mõng hehma hethôthen heh chhihsiet rãng kaera ngama nekthonghun en. Ngama ereheh chhihsiet rãng kat dangmek, thinma hethôthen heh toangtang dângthukrãng kaerâng.

MATHIU 6:1

“Nema mihnâng chohsok moatlem memo enko mihhehma chenkhehi ngama thonghun letma nok atang chhangko nekmo en. Nema ere moatlempa mihmathah ko memo enko, nema rangkhethung wah newa Joban wah chenjô lechohmin.

MATHIU 9:30

Ephumma thinmit pa kanlahma jienkhe wah. Ngale Jisu ma thinnâng ngatwah, “Arepa hennâng min nekthôkoh en!”

MAK MA RAANGWAH NGINKONGSEN 13:9

“Nededema jetletma dangen. Nea Sanagog hehnâng siethû lahma ewat hèn; ngale nema hahpênte ngale Lowang hehmako ngamînko chepletma thinnâng Nginkongsen pa ethôkoh en.

MAK MA RAANGWAH NGINKONGSEN 3:12

Jisu ma juchhih hehnâng atea hen a erepa hennâng min nekthôkoh en ngama senthemthem ngatwah.

MAK MA RAANGWAH NGINKONGSEN 5:43

Phumma Jisu ma thinnâng arepa hennâng min nekthôkoh en ngama jektângwah. Erediko, “Atenâng chenni akomin phhekchhah thuk en” ngama chienwah.

MAK MA RAANGWAH NGINKONGSEN 6:11

Ne letangroote ba ne ngin lekepte heh hahdaang nâng mehûkhoam enko, erethe kowah loatchhoan re en, ngale neda wah bum khep eka pemin finekthien re en. Erepa thinnâng achhih ngama ngat ranchâ thiakpa edanga!”

MAK MA RAANGWAH NGINKONGSEN 7:36

Erediko Jisu ma are nginpa hennâng min nekphoang thôkoh en ngama mihheh nâng ngatwah; rohkomin, mihnâng nekthôkoh en jêngnga, thinma erengin pa jêngphoang phoangthôkoh rewah.

MAK MA RAANGWAH NGINKONGSEN 8:30

Erediko Jisu ma, “Nga junma mihnâng hennâng min nekthôkoh en” ngama ngatwah.

MAK MA RAANGWAH NGINKONGSEN 9:9

Thin hahkong kowah jâkhoam katko, Jisu ma ngatwah, “Mihnyan Chhapa ritwah mangak ngakhinko, nema chenni khetat a erepa hennâng min nekthôkoh en.”

LUK MA RAANGWAH NGINKONGSEN 17:14

Jisu ma thin khelahma thinnâng ngatwah, “Wãngen soam aroakte hehma chenthatsû tanhèn.” Thin lemnâng wângpoatko angêm khoanchet pa sênwah.

LUK MA RAANGWAH NGINKONGSEN 21:13

Are sanpoatko nema Nginkongsen pa eta thôkoh en.

LUK MA RAANGWAH NGINKONGSEN 4:41

“Nanga Joban Chha!,” ngama raklahma melâng mihnyan wah juchhih loatchhoan wah. Jisu ma juchhih hehnâng chennimin jab aja thuk ho, chenrãngma ngako thinma atea Misaia ngama jetwah.

LUK MA RAANGWAH NGINKONGSEN 5:14

Jisu ma atenâng ngatwah, “Mihnâng hennâng min nekthôkoh, soam aroakte tânâng tintin wângo ngale nangdede atenâng kherii wãngo; erediko anga ngama nanga angêm khoanchet wah lâsâtoh ngama jetrãng Mosa Niem junkowah soam aroak thinpa kohwên o.”

LUK MA RAANGWAH NGINKONGSEN 8:56

Dihiaknya nyong awa heh patrit rewah, phumma chenni dangtah a erepa hennâng min nekthôkoh en ngama Jisu ma thinnâng ngatwah.

LUK MA RAANGWAH NGINKONGSEN 9:21

Erediko Jisu ma are ngin pa hennâng min nekthôkoh en ngama thinnâng ngatwah.

JON MA RAANGWAH NGINKONGSEN 5:41

“Ngama mihnyan ma rô hunmek.

JON MA RAANGWAH NGINKONGSEN 7:18

Henhenma thindede chaanko jabeka erepumma atedede mîndôngpa ehun a. Rohkomin henma ate chienkatte mîndôngrãng huneka erepa toangtang, ngale atenâng chenni athejô aho.

JON MA RAANGWAH NGINKONGSEN 8:50

Ngama ngadede mîndôngpa hunmek. Rohkomin nga mîndôngthuk hunte wathe tonga, ngale atema ngarãngma ejab a.