MATHIU 8:20 - NIEMNYAN Naga NT (BSI)

²⁰ Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MATHIU 8:20 Iomraidhean Croise

MATHIU 12:32

Henma komin Mihnyan Chharãng mechhihjab ako map tâkohmin; rohkomin henma Asâthôanju lelatnâng chhihjab eka erehehnâng map lekohmin, athângheh min, ngale roantang roanjêng komin lekohmin.

MATHIU 12:40

Chenroh Mõng Jona ngahdong wokkhen nâng ngihrem penrem tongtah a, ererãngrãng jôba, Mihnyan Chha pemin ngihrem penrem hahken khennâng etonga.

MATHIU 12:8

Chenrãngma ngako Mihnyan Chhapa Pientông rangwo rãng memin Teso.”

MATHIU 13:37

Jisu ma dânthâng wah, “Chhahli lisen wênte pa Mihnyan Chhapa;

MATHIU 16:13

Jisu Kasaria Filipi kêwah hahnâng hûlahma ate dijunte hehnâng ngatwah, “Mihnyan Chha ko mihnyan hehma hen edanga ngama ngaeka?”

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 17:9

Thin hahkongkho wah ngakkatko, Jisu ma thinnâng ngatwah, “Mihnyan Chha ritwah mangak ngakhinko, are nema chohkhe tetpa hennâng min nekthôkoh en.”

MATHIU 19:28

Jisu ma thinnâng ngatwah, “Ngama nenâng nginlinlin thôkoh eka, chenthu roannyan pa mehong tahko, Mihnyan Chhapa ate tôngthin phiakko etonga, ngale ngadijunte nekhu echhi wanii pa, ngademko johtong letma echhi jatnii Isrial mihnyan heh pênmin.

MAK MA RAANGWAH NGINKONGSEN 8:38

Are Joban lejetrôan ngale papi rôanko mihnyan heh nganâng rêsê, erediko ngama hethô ekang nginkong rãngma rêsê mere ako, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.”

LUK MA RAANGWAH NGINKONGSEN 12:8

“Ngama nenâng linlin thôkoh eka, henma komin nok atang mathahko atea ngarãng ngama meloatjab ako, Mihnyan Chha memin Joban ngintatte heh mathahko thinrãngma erohjô eloatjab a.

LUK MA RAANGWAH NGINKONGSEN 18:8

Ngama nenâng thôkoh eka, atema thinrãng emoa ngale sitsiak echohsûa. Phumma chenthu Mihnyan Chhapa ngakkat jâko atema hahtokkhoh ko putedâlemte echohkhe karã?”

LUK MA RAANGWAH NGINKONGSEN 2:12

Ngale nema are junko jet en: Nema naachha pa khetnâng doaplahma mânhoko jupthuk lahma ekhe en.”

LUK MA RAANGWAH NGINKONGSEN 2:16

Phumma thin sitsiak wãng lahma Mariam le Josepnii chohkhe wah, ngale naachha pa mânhoko jupthuk lahma khêwah.

LUK MA RAANGWAH NGINKONGSEN 2:7

Mariam ma ate khhepho chha pa chhatwah. Ngale atema khetko doaplahma mânhoko jupthukwah - chenrãngma ngako thin tôngrãng humkhen nâng the aho dângwah.

LUK MA RAANGWAH NGINKONGSEN 21:36

Eroh-wah jetletma dangen, ngale are chentô dângwângthin hehwah tapeletma Mihnyan Chha mathahko tâhokwâng rãng chaan chenchoh en ngama roantang rangsoam letma tongen.”

LUK MA RAANGWAH NGINKONGSEN 8:3

ngale Joana ate tangwa mînpa Chuza atea Hirot nginpatthin humnâng sahhab dângwah; ngale Susana, eredikomin ajahthem dihiaknyu hehma thindede ngun akem met lahma Jisu le ate dijunte hehnâng chohsû lahma johchhoan wah.

LUK MA RAANGWAH NGINKONGSEN 9:58

Jisu ma atenâng ngatwah, “Hien hehnâng thin tôngrãng ken tonga, ngale phoangpukte wo hehnângmin thinrãng arup tonga, rohkomin Mihnyan Chharãng chenkojô ate boantông rãng the aho.”

JON MA RAANGWAH NGINKONGSEN 1:51

Ngale atema thinnâng ngatwah, “Ngama nenâng toangtang ngin thôkoh eka: Nema rangkhethung pa laang lahma ekhe en, ngale Mihnyan Chha khohko rangwah Joban ngintatte heh awângte akatte ditkhoam lahma ekhe en.”

JON MA RAANGWAH NGINKONGSEN 12:34

Mihnyan hehma dânthâng wah, “Ni Niemma Misaia pa roantang roangjêng rãng hînmin ngama thôkoh ehi. Nangma Mihnyan Chhapa tôansietwên min ngama chenroh jiennga eko? Mihnyan Chhapa hen a?”

JON MA RAANGWAH NGINKONGSEN 13:31

Juda loatchhoan diko, Jisu ma ngatwah, “Adephumma Mihnyan Chhapa mîndong lahma ekhe e; ngale ate junma Joban mîndong lahmemin ekhe e.

JON MA RAANGWAH NGINKONGSEN 3:13

Ngale henmin rangkhethung nâng mathat wãngeka, Mihnyan Chhapa loloba rangkhethung wah kaera.”

JON MA RAANGWAH NGINKONGSEN 3:14

Mosa ma janwah hôanwah pû sehahnâng thankah ranâng laangtah rãngrãng, Mihnyan Chhamin eroh laangmin,

JON MA RAANGWAH NGINKONGSEN 6:27

Achhihjâ thin phhekchhah rãngma nekmo en; erenoma roantang roanjêng roandông chohthin phhekchhah rãngma mo en. Arerãngrãng phhekchhah pa Mihnyan Chhama nenâng ekohhèn, chenrãngma ngako Joban Wama atenâng erepa moatrãng chaankoh eka.”

JON MA RAANGWAH NGINKONGSEN 6:53

Jisu ma thinnâng ngatwah, “Ngama tongtang thôkoh eka: Nema Mihnyan Chha phoang kowah lephhek kenko, ngale ate hei lejok kenko, nededema roandông leta chohmin.

JON MA RAANGWAH NGINKONGSEN 6:62

Thatthong hun tan, Mihnyan Chhapa khemako ate chenko tongtah a eretheko ngakwãng lahma khepa?

MOATLEM 7:56

Atema ngatwah, “Sûtan en!” “Ngama rangkhethung pa laanglahma khewên ekang, ngale Mihnyan Chhapa Joban dekchahko cheplahma khewên ekang!”

2 KORINT 8:9

Nema nãng Teso Jisu Krista mînchenchaan pa jet en; atea nyahrãng techhu dângwah, rohkomin ate dedema tangchhih rãng hôanritwah, erepa ate tangchhih dângjunko nea techhu dângthuk rãng ngama atea tangchhih rãng litdângwah.