MATHIU 7:25 - NIEMNYAN Naga NT (BSI)

²⁵ Pôngdong patdong ngale jodông thunma ere humko ethin a, rohkomin ere humpa tarunjâ mah, chenrãngma ngako ere humpa longrã khohnâng hoaneka.

MATHIU 7:25 Iomraidhean Croise

MATHIU 16:18

Ngale piter, ngama nangnâng thôkoh eki: “nanga longrã, are longrã khohko ngama nga Asâthem pa ehoan ang, ngale arepa ritchaan memin leta jienmin.

MATHIU 7:24

“Erohwah henhenma nga nginpa tatlahma kepeka, ere mihnyan pa chhin achhiak, ate humpa longrã khohnâng hôante rãngrãng.

MATHIU 7:26

“Rohkomin henhenma nga nginpa tatlahma lekep dangeka, ere mihnyan pa aba, ate humpa phihchha khohnâng hôante rãngrãng.

MATHIU 7:27

Pôngdong patdong ma thinko ngale jodôngma lûmhokko ere humpa runjâ erea. Phumma ere hum runjâpa chentô cheili dângmin a.”

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

IFISIEN 3:17

ngale putedâlem junma nehung khennâng Krista chentonghèn ngama rangsoam ekang. Erediko ne roandôngko hun achet mînpa rongtêngtêng chenhun chenchhâmîn en ngama soam ekang,

KOLOSIEN 2:7

Bãngrin luwakwak sut arãngrãng nema atenâng rongtêngtêng tok anaa letma tongen, ngale ne roandôngpa ate khohko hôan en, ngale nenâng hethôtah rãngrãng ne putedâlem nâng rongtêngtêng dangen. Ngale roantangma dangkoh a nga en.

JEMS 1:12

Henpa chêmchei chohpoat komin putedâlem nâng asen danglahma tongeka ereheh a rangkepte mihnyan, chenrãngma ngako, chenthu thinma chêmchoh ekapa metadô tahko, Joban ma atenâng hun achette mihnyan hehnâng kohrãng toamsem tah roandôngpa thinma echoh a.

1 PITER 1:5

Ereheh nekhurãng, nekhu putedâlem junko athôan sanpoatko khope chohrãng Joban chaanma pepâng lahma thien ehèn.

1 PITER 1:7

Nema chêmchoh eken junkoba ne putedâlem pa linlin dangale dangmah a erepa jienjetmin. Achhihjâli kem pemin chhih ale asen a ngama jetrãng wennâng rângthatsõa; erohwah kem nomemin abâmbâm adong ne putedâlem pemin linlin dang ale dangmah a ngama metkep thatsokmin, erohko ne putedâlem pumma chenmam tadôa. Erediko chenthu Jisu Krista hongkat Rangwo ko nema rô, ngale mîndông choangpe echoh en.

1 JON 2:19

Are mihnyan heh linlin nãng demnâng johroamte dangmah, ngale erohwah thinma nãngkhu thinphethien ehi; thin a nãngkhu demnâng aroam dângnomako, nãng demnâng chenjoh tongthi. Rohkomin thin a nãng tâwah chhoantah, erejunko thin a wathemin nãng demnâng dangmah ngama senthemthem jeteka.