MATHIU 7:21 - NIEMNYAN Naga NT (BSI)

²¹ “Teso, Teso, ngama nganâng roote chentôpa rangkhethung nâng leta wãngmin, rangkhethung wah tôngte Joban ma huneka moatlem moatte heh loloba tâwâng min.

MATHIU 7:21 Iomraidhean Croise

MATHIU 12:50

Hen-henma rangkhethung wah nga Wa Joban ma huneka ere moatlem heh moeka ere hehba nga pho, nga nya, ngale nga nyong.”

MATHIU 16:17

Jisu ma dânthâng wah, “Jona chha Simon, nanga rangkepte!” “chenrãngma ngako, are toangtang jabkhabpa mihnyan nyuchha hei angem hungwah hongjab dangmoh, rangkhethung wah tôngte Ewa Joban ma nangnâng hongjab thuk eho.

MATHIU 18:10

“Jetletma dangen, nema are arinchha thôan hehnângmin thã nekjõ en. Ngama nenâng thôkoh eka, thin nângmin rangkhethung nâng thin ngintatte tonga, ereheh rangkhethung wah nga Wa Joban demko roantangma johtong eka.

MATHIU 18:19

“Ngale ngama nenâng ademin thôkoh eka: Are hahtokkhoh ko nekhu wah wanii hungjut letma chenni rãng komin rangmesoam enko, rangkhethung wah nga Wa Joban ma erepa nerãng emokohhèn.

MATHIU 18:3

ngale atema ngatwah, “Ngama nenâng nginlinlin thôkoh eka, nemin hung arin litletma are letachha rãngrãng ledang kenko, rangkhethung Hahsông thenâng chenthumin leta chohwãngmin.

MATHIU 18:35

Ngale Jisu ma jekthô wah, “Nememin nepho anaa hehnâng nehung khenma maplekoh kenko, rangkhethung wah tôngte nga Wa memin nenâng eroh ehôanhèn.”

MATHIU 19:24

Ngama ademin thethôkoh eka: Techhuwa pa Joban Hahsông thenâng tâwâng noma, ut peba metku polo pumma eta lienlup a.”

MATHIU 25:10

Ephumma nokba heh wentien riakrãng chhoanwah; ngale thin chhoan diko nemnyanwa pa hokwah. Ephumma jet ajien wabangâ pa nemnyanwa demko phhekchhah chhah thinnâng johwângwah, ngale thinwâng diko kâsekpa sekwah.

MATHIU 25:21

Tângtewa pumma haako ngatwah, ‘lâsenmotoh, nanga asen ngale dâlemli!’ ‘nangma are amãnchha ngun pumma senthemthem jienmo eko, erohwah ngama nangnâng ngun jahmõang ethienthuk e. Wãngro nga demnâng khu johhah wãnghang!’

MATHIU 26:39

Roanche taangwãng lahma ate thhenpa hahko khupjup katlahma rangsoam wah, “Ewa, meta dangako, are ngawah chêmcheipa rephe kohhang! rohkomin ngama hunkang junko dangmah, nangma chenrohhun eko erejunko chendanga.”

MATHIU 26:42

Eredikomin rekthe Jisu chhoan lahma rangsoam wah, “Ewa are ngawah chêmcheipa leta repheli medang ako, ngama hèn ang, nanghung junko chendanga.”

MAK MA RAANGWAH NGINKONGSEN 3:35

Henhenma Joban ma huneka moatlem moeka erehehba nganaa delachha, nganaa dihiaknya, ngale nga nyong.”

MAK MA RAANGWAH NGINKONGSEN 9:47

Ngale nemit pumma ne putedâlem pa memah phethuk hènko, loatphere en! nerãngma mit kaniinii thienletma roantang roanjêng lemutthin pap wendô nâng khâmritkat noma, mit kathelolo demnâng Joban Hahsông thenâng chohwâng peba asen.

LUK MA RAANGWAH NGINKONGSEN 11:28

Phumma Jisu ma dânthâng wah, “Ere nomemin khengraangsen pa, henhenma Joban ngin tatlahma senthemthem kep eka ereheh dângmin!”

LUK MA RAANGWAH NGINKONGSEN 13:25

Hum tângte pumma toansat lahma kâsekpa sek erea; erediko nema rangsâko chepletma kâsekko rahkõng letma enga en, ‘Teso!, nirãng kâsekpa laangkohhi,’ phumma atema edânthanghèn, ‘ne chennângwah hûeren a erepa ngama jetmah!’

LUK MA RAANGWAH NGINKONGSEN 18:25

Techhu heh Joban Hahsông thenâng tâwâng noma ut peba metku polo pumma eta lienlup a.”

LUK MA RAANGWAH NGINKONGSEN 6:46

“Ngama nenâng chenni moatrãng thôkotah a erepa lemo thangma, nema nganâng Teso, Teso ngama chenrãngma rooeha

JON MA RAANGWAH NGINKONGSEN 14:7

Atema thinnâng ngatwah, Nema athângheh nga lâjettha,” “Ngale nema Ngawa min ejet en, ade phumma nema atemin lâjettet ngale lâkhetet.”

JON MA RAANGWAH NGINKONGSEN 15:23

Henhenma nganâng chhihchoh ehanga nga Wa nangmin chhihchoh eka.

JON MA RAANGWAH NGINKONGSEN 3:5

Jisu ma dânthâng wah, “Ngama nangnâng toangtang thôkoh eki” “Henmin jo ngale Juma lechha kako Joban Hahsông thenâng leta wãngmin.

JON MA RAANGWAH NGINKONGSEN 5:17

Jisu ma thinnâng dânthâng wah, “Nga Wa pa roantangma moatjûjû tongeka, ngale erohwah Ngamemin moatmin.”

JON MA RAANGWAH NGINKONGSEN 6:40

Chen-rãngma ngako Ewa ma huneka pa henhenma Chhapa khelahma atenâng putedâlem eka erehehma roantang roanjêng roandông chohrãng huneka. Ngale athôanjâ rangwo ko ngama thin engak hinsiet ang.”

JON MA RAANGWAH NGINKONGSEN 7:17

Henhenma Joban ma chenni huneka erepa moat huneka erehehma, ngama Joban junko hethô ekang ale ngadede chaanmajab ekanga erepa ejet a.

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

ROMAN HEHNÂNG POLMA RAANGWAH SITI 12:2

Nededema are hahtokkhoh kowah mihnyan heh rãngrãng nekdangen, rohkomin Joban ma nehung nerin phangtang khenwah chenlitsiet hèn. Erediko ba Joban ma hun ekapa nema eta jetlo en - chenrepa asen a ngale chenre pumma Joban rinme thukeka ngale chenrepa apunlia erepa etajetlo en.

ROMAN HEHNÂNG POLMA RAANGWAH SITI 2:13

Chenrãngma ngako Niemarang pa atatlolo tatrãngma mihnyan pa Joban demnâng toangtang jiendangmah, Niemarang pumma chenroh ngaeka ererãngrãng moatte peba toangtang tâdângmin.

IFISIEN 6:6

Erepa thinma chensen chohhi ngama thonghun letma, thinma nenâng sokpoatko lolo nekmo en; phumma, Krista haa rãngrãng dangletma nehung nerin phangtang kohletma Joban ma chenroh huneka eroh mo en.

KOLOSIEN 4:12

Jisu Krista haa ngale nekhu lemrujô Ipafras memin nenâng salem matkat ehèn. Atema roantangma nekhurãng nyahrãng rangsoam kohjû, ngale Joban ma nekhu rongtengtengjû, erediko hungchit phannang Kristansen, ngale Joban hungsi junkojû chendangen ngama soamkoh ehèn.

1 THISALONIKA 4:3

Joban ma nea Sâpoangpoang chendanga, ngale dihiak dela tungko kaamchhih lemo thangma chentonga ngama hun ehèn.

1 THISALONIKA 5:18

Chentô rangkuh sanha roakweih Joban nâng dangkoh a nga en. Ngale ne roandôngpa Jisu Krista demnâng roamletma areheh Joban ma ne roandôngko moat huneka.

TITAS 1:16

Ere hehma thin a Joban jette mihnyan ngama ngarii wakeka, rohkomin thin moatlem junko thinma Joban ngin kepmah. Thin a nyahrãng chinnyali ngale ngin lekepte, chenni moatlemsen moat akat rãngjô senmah.

HIBRU 4:6

Henhenma Nginkongsen pa khebeng thôan chohtattah a ere mihnyan hehma boanjek pa chohmah, chenrãngma ngako, thinma putedâlem mah. Rohkomin, ere boanjek pa ahan hehnâng chohthuk eka.

JEMS 1:22

Joban nginpa atatlolo nekjetat en; erenoma Joban jabkhab pumma chenroh ngaeka eroh mo en.

1 PITER 2:15

Chenrãngma ngako nema kaamsen moletma mihnyan chhih hehma aba rãngrãng phoangjab eka heh kihsietrãng hun ehèn.

1 PITER 4:2

Erohwah ade phumma, are hahtokkhoh wah ne roandôngko mihnyan nyuchha hung arin junko ledang Joban hung junko songtongtu en.

LOATKHESOK 22:14

Henhenma thinkhet pa sâset eka erehehma rang ekep a, ngale thinma roandông chohthin bãngkowah penri eta chohchhah a, ngale pankâsek pumma hahdaangko eta nyupwãng wak a.

LOATKHESOK 3:5

Hen-henma tajien eka ereheh aroh khetpo chohkep min, ngale Ngama thinmînpa ahîn titab kowah lere phemin. Ngale Ngama Ewa ngale rangkhethung wah ate ngintatte heh mathahko nea Nga dijunte ngama enga ang.