MATHIU 7:15 - NIEMNYAN Naga NT (BSI)

¹⁵ “Mongmõang hehwah jetletma dangen; thin a ne tânâng tokkhoh pa saak rãngrãng, rohkomin thin rinkhen pa wunwah soanchhih rãngrãng ehûra.

MATHIU 7:15 Iomraidhean Croise

MATHIU 10:17

Jetletma dangen, chenrãngma ngako, nea khhek lahma metloat thinnâng siethok rãng mihnyan heh tonga, ngale Sanagog nâng siethû lahma ewat hèn.

MATHIU 16:11

Ngama nenâng bankên lekep junko ngat dangmahhi ngama chenrãngma lejet reken a? Farasi ngale Saduki heh wichhi hehwah jetletma dangen!”

MATHIU 16:6

Jisu ma thinnâng ngatwah, “Jetletma dangen, Farasi ngale Saduki heh wichhi wah ataangnâng dangen.”

MATHIU 24:11

Erediko ajahthem mõngmõang heh hong lahma mihnyan heh ediapchhah a.

MATHIU 7:14

Roh-komin khopô chohthin lemkhôpa lemkit, ngale ereko khôampa alat, ngale eko khôamte mihnyan pa mãnchha.

LUK MA RAANGWAH NGINKONGSEN 12:15

Ngale erediko Jisu ma mihnyan heh phangtang nâng thôkoh wah, “Jetletma dangen, ngale chhahnyoak nekdangen; chenrãngma ngako nea chentô chhu alujô medang enkomin, ne roandôngpa nema kep alo eken chhahkhem wanlem junko hîn ajô dangmet.”

LUK MA RAANGWAH NGINKONGSEN 6:26

“Chentô mihnyan hehma ne merângthô hènko chentô chhih dângmin a; chenrãngma ngako thin te awa hehma mõngmõang heh eroh rângthôwah.

JON MA RAANGWAH NGINKONGSEN 10:12

Saaksokte ngale saaktangte ledang thãkoh lahma thieneka mihnyan pumma chenthu soan mekhe ako atema saak heh phethien lahma huhchhoan erea; ephumma soan hehma saak heh kek lahma ephan chhoanthuk a.

MOATLEM 13:40

Erohwah jetletma tongen, mõng hehma jabtah nginpa nekhoh nâng nekchenchat ehèn:

MOATLEM 13:6

Thinma jotung wah hahpa danlahma Pafos hahnâng katwah, enâng thinma mõng ngama phoangthôrii lahma jâdu jette Jews mihnyan atemin pa Bar - Jisu chohmînwah.

GALATIEN 2:4

rohkomin khaka hehma hôanmin jôba ngama ngaeka. Are mihnyan heh putedâlemte rãngrãng diapdang lahma, nikhu Jisu Krista demnâng roamlihma chenroh hungsiko dangekia, ereheh jêjetrãng huhlup hûera. Ngale thinma nia haarãng hôanhun wah,

IFISIEN 4:14

Ere diphumma ba nãngmin letachha heh rãngrãng ledangtu edange, ngale jowaak ma phophe katwah rãngrãng, erediko pông ma phoangmet phewah rãngrãng nãngmin mihphôang diapchhahte mihnyan hehnâng lephoang diapchhahrii edange, ere mihnyan hehma thinhungnâng buthi chhih heh keplahma mihnyan han heh lemke nâng senchhoan eka.

IFISIEN 5:6

Hennângjô ledangli ngin hehnâng nekdiap chhahrii en; chengrãngma ngako, ererãngrãng heh junko Joban rinkhah pa ate ngin lekepte heh khohnâng hûera.

FILIPIEN 3:2

Kaamchhih moatte mihnyan hehwah jetletma tongen, thin a hu rãngrãng, thinma phoangnâng khen niem pa hôanmin jôba ngama ngawak eka.

KOLOSIEN 2:8

Erediko, jetletma dangen, ngale mihnyan nyuchha hung arinwah sekhota buthi mongthem heh junma henmemin haa rãngrãng nekchenkep ehèn, ereheh dangeka, mihnyan nyuchha ma hethô wah ngin, ngale are hahtokkhoh pênteju ngewah, ereheh Krista ngewah dangmah.

2 TIMOTHI 3:13

ngale mihnyan chhih le mihphoang diapchhahte mihnyan heh jêngjah jahchhih echhihjâa, thinma mihheh phoang diapchhah demko thin dedemin ediap chhahriia.

2 TIMOTHI 4:3

Mihnyan hehma nginkongsen kowah toangtang ngin hethô ekako lenyoak jetat sanpoat ehûra, thin dede hung junko edangwak a, ngale thin nâma chenni jetat huneka erengin heh thinnâng hethôte lolo ajahjah ekhôansiet wak a.

2 PITER 3:17

Ngalemruchha heh, rohkomin, nema are nginpa lâjettet. Erohwah jetletma tongen, erohkoba niemarang junko ledangte mihnyan chhih hehnâng lechhihsietrii etadangen, ngale ne khope chohthin the kowah lejârii edangen.

1 JON 4:1

Ngalemruchha heh, ninâng Ju tonghi ngatte chentô nâng nekputedâlem en, rohkomin thin ngewah Jupa Joban wah dangale dangmah a ngama thaksokre en. Chenrãngma ngako mõngmõang heh chentô thenâng jahmõang lâphan chhoantah.

JUD MA RAANGWAH SITI 1:4

Chenrãngma ngako nãngma lejet tungko nãngkhu mongnâng Joban lejette mihnyan huhluphû lahma tonga, ere mihnyan hehma Joban ngewah mînchenchaan pa thintungko dihiak dela kaamchhih moatrãng chhihsiet eka, ngale thinma nãngnâng Hethôte ngale Teso wathe lolo Jisu Krista nginmin dakwak eka. Chenthu thuma Joban nyapraangma are mihnyan chhih heh mahrit nginpa thôwah.

LOATKHESOK 16:13

Erediko Ngama juchhih wanrem luk rãngrãng khewah. Ere wanrem pa pûchhih, ngemchhih, ngale mõngmõang heh thunka kowah loatkatwah.

LOATKHESOK 17:6

Ngale dihiaknyu pa Joban mihnyan heh hei ngale Jisu nginkepkep dângte mihnyan ritphetah heh hei pa joklahma hei pumma moklahma khewah. Chenthu Ngama ate kheko, nyahrãng bârit rewah.

LOATKHESOK 19:20

Ngemchhih pa phâtek nâng loatkhhek wah, ngale ate demko ate mathah kowah patritli moatlem moatte mõngmõang hehmin phâtek nâng johloatkhhek wah. (Ere patritli moatlem moeka pumma Ngemchhih namboat tûngte ngale ngemchhih moang nâng soamte mihnyan heh diapchhahwah.) Ngemchhih ngale mõngmõang heh wanniinii ahînma Salfar demnâng kham eka wenko phekatwah.

LOATKHESOK 20:10

Thin diapchhahte juchhih pa ngemchhih ngale mõngmõang heh phekat tah wen ngale salfar ko phekat eka; ngale ereko roantang roangjêng rãng rangwo rangnyek echêmriia.