MATHIU 7:11 - NIEMNYAN Naga NT (BSI)

¹¹ Mihnyan chhih nema tumin mâmâ chhako asenli kohpa jet eken. Rangkhethung wah tôngte ne Wa Joban mejã tanga atewah thâte hehnâng asenlipa kohrãng chentô bâmjet eka!

MATHIU 7:11 Iomraidhean Croise

MATHIU 23:9

Ngale nekhuma are hahtokkhoh ko hennâng min ‘Wa’ ngama leroomin, chenrãngma ngako nekhu rãngma wathe loloba ‘Wa’ rangkhethung nâng tonga.

MATHIU 7:10

Roh akole atema ngah thâko pû ekoh en a?

JON MA RAANGWAH NGINKONGSEN 3:16

Joban ma are hahtokkhoh ko nyahrãng hunlahma ate Chha wathelolo pemin koheka, erohwah henhenma atenâng putedâlem eka ereheh leriimin rohkomin thinma roantang roanjêng roandông echoh a.

ROMAN HEHNÂNG POLMA RAANGWAH SITI 3:19

Nãngma ajet, Niemarang kowah chentôpa Niemarang khenko sôngte hehrãngma raangeka, ngale Niemarang pumma mihnyan heh phangtang kihtong thuk eka ngale hahtokkhoh mihnyan phangtang Joban ma eren a.

ROMAN HEHNÂNG POLMA RAANGWAH SITI 3:9

Eroh medang ako, nãng Jews heh Jews ledangte heh noma asenne? Chenni nângjô bâmsenmih! Ngama nenâng Jews le Jews ledangte heh phangtang papchaan khenko khoakthe tuta ngama khesoktah.

ROMAN HEHNÂNG POLMA RAANGWAH SITI 8:32

Linlin Joban ma atedede Chhapa tumin lebâ thangma nãngkhu anga ngarãng kohwah! Atema nãngnâng ate Chhapa koh ehi - lihân heh jãtanga atema nãngnâng phangtang lekoh minne?

GALATIEN 3:22

Rohkomin Joban nyapraangma ngaeka, hahtokkhoh phangtang pap khennâng thieneka; ngale erohwah, Jisu Krista nâng putedâlem junma kohrãng Joban ma toamsem tahpa, henhenma Jisu Krista nâng putedâlem eka ereheh nâng koheka.

JEMS 1:17

Chentô asenli ngale apunli hînhô heh rangkhethung wah kaera; erepa rangkhethung wah wenphiak Hôante Joban tâwah kaera, atea chenthumin litjâmah, ngale chenthumin rangnyek rãng litjâmah.

1 JON 3:1

Sûtan en, nãng Wa Joban ma nãngnâng chentô hun ehia! Atema nãngnâng hunpa atôdông, nãngnâng Joban chha ngama ngaehi - ngale erohwah, linlinjô nãnga Joban chha lâdangtih. Erohwah are hahtokkhoh ma nãng jetmahhi: chenrãngma ngako thinma Joban jetmah.

1 JON 4:10

Ahun pa arerãngrãng: nãngma Joban nâng hun dangmih, rohkomin Joban ma nãngnâng hunlahma nãngpap heh mapkohrãng ate Chha chienkat era.