MATHIU 6:25 - NIEMNYAN Naga NT (BSI)

²⁵ “Erohwah ngama thôkoh eka, chenni jokphhek chhah lihma hîn ajômin a ngama neksekmah en, erediko ne phoangko poh athok khet akhurãng memin neksekmah en. Jokphhek chhah noma phoangpa adong ledangne? ngale khet akhu noma phoangpa adong ledangne?

MATHIU 6:25 Iomraidhean Croise

MATHIU 10:19

Chenthu thinma metloat ko, chenroh dânthâng min a, ngale chenli dânthâng min a ngama neksekmah en; nema dânthâng thinpa ere sanpoatko Joban ma ethôkoh hèn.

MATHIU 13:22

Suhbuk mongnâng chatjâte chhah rãngrãng heh dangeka, Joban nginpa chohtat lahma hei angem roandông rãng sekmah patritte mihnyan heh, thin hungko chhu alu dânghun pumma Joban nginpa tangbuk eka, erohwah thinma ari hongrimah.

MATHIU 6:31

“Erohwah neksekmah en: ‘Chenwah ngama jokphhek chhah thin chohmin a, ngale khet akhu chohmin a ngama?’

MATHIU 6:34

Erohwah nèneprãng neksekmah en; nènep rangwopa atedede nènep ko esekmah a. Thejâ rãngma sekmah en, rangwo roakweih mâmâ sekmah demnâng ehûra.

MAK MA RAANGWAH NGINKONGSEN 13:11

Ngale chenthu ne khhek lahma metloat thinnâng siethokko, nema chenroh dânthâng min a ngama ammama neksekmah en; chenthu sanpoat pa mehûthako, Joban ma chenni jabthuk ehèn a erepa dânthangen. Chenrãngma ngako nema jabmin jabkhabpa newah ledangmin; ereheh Asâthôanju ngewah ehûra.

MAK MA RAANGWAH NGINKONGSEN 4:19

Phumma mâmâ roandông rãng sekmah patrit, techhu dânghun, ngale lihân jatrup hungwah phôangthônghun pumma Joban nginpa tanghep eka, phumma thinma chhahri hongri mah.

LUK MA RAANGWAH NGINKONGSEN 12:11

“Chenthu thinma Sanagog nâng ba Govono tânâng, ba diak akan pênte heh tânâng nginthôngphâ rãng mesiet hûhenko, nema chenroh dânthâng min a, ngale chenli dânthâng min a ngama neksekmah en.

LUK MA RAANGWAH NGINKONGSEN 8:14

Suhbuk chhangwah chatjâte chhah rãngrãng heh dangeka, thinma Joban ngin tateka; rohkomin sekmah patrit ngale techhu dânghun, erediko are rangkhen roandôngko khuhah dânghun heh roamlahma tanghep eka, erohwah thin chhahri pa tamunmah.

ROMAN HEHNÂNG POLMA RAANGWAH SITI 8:32

Linlin Joban ma atedede Chhapa tumin lebâ thangma nãngkhu anga ngarãng kohwah! Atema nãngnâng ate Chhapa koh ehi - lihân heh jãtanga atema nãngnâng phangtang lekoh minne?

1 KORINT 7:32

Ngama nekhu sekmah patrit hehwah taang chenre en ngama huneka. Tangsông lesongte mihnyan pumma Teso moatlem nânglolo hung ekoh a, chenrãngma ngako atema Teso rin methuk huneka.

FILIPIEN 4:6

Chenni rãngmejô neksekmah en, nema chenni lemeken a erepa Joban wah rangsoam letma tha en, roantangma atenâng nehung khenwah dangkoh a ngaletma tha en.

2 TIMOTHI 2:4

Sipâhi pumma ate sahhabwa hungsênthuk rânghun a, erohwah atea sipâhi ledangte mihnyan heh demnâng thin rãngrãng sisem johdangmah.

1 PITER 5:7

Ne sekmah patrit heh phangtang atenâng koh en, chenrãngma ngako, nerãngma ate sekmahkoh ehèn.