MATHIU 6:2 - NIEMNYAN Naga NT (BSI)

² “Erohwah chenthu nema tangchhih hehnâng chenni komin mechohsû enko, ahuhkhoanglep hehma rangsoamhum ngale noknyu lemdong hehnâng phoang khesok lahma moat rãngrãng rângthôrii letma nekmo en. Thinma arepa mihhehma rângthô chenrehi ngama moeka. Ngama linlin thôkoh eka, thinma chohthinpa phangtang râchohtah.

MATHIU 6:2 Iomraidhean Croise

MATHIU 15:7

Ahuhkhoanglep heh! Isaia ma nerãngma profisi hôantahpa toangtang dângwah!

MATHIU 16:3

Ngale rangkhahko rangpa cheksoaksoak ngale rangkhu dângko, ‘rang epat a’ ngama rângnga en. Nema rangnâng sûletma rangchhih rangme pa jetlo eken, rohkomin nema athângwah sanpoat pa jienjet lomet!

MATHIU 22:18

Thinma achhih themawa wak ekapa Jisu ma jetlahma, thinnâng ngatwah, “Ahuhkhoanglep heh! Nema nga chenrãngma thethuk huneha?

MATHIU 23:5

Thinma chentô moatlem pa mihnyan hehma chenkhehi ngama hunlahma moeka. Thin khowah khhek eka khet ngale thin phhekthem wah khhek eka khet hehnâng sûtan en, Joban nyapraang pa raanglahma khhek eka, sûtan en chentôdông khhek eka, ngale thin khetsa wah sitkhhek eka riisa heh chentôloat thien eka!

MATHIU 23:6

Thinma kuhhôanthin nângmin tôngthin senpa hunwak eka, ngale Sanagog nângmin tôngthin senpa châwak eka;

MATHIU 24:51

Phumma tângtewa pumma haapa khihkhih nyahnyah khihdoak lahma ahuhkhoanglep heh demnâng ejoh chêmthuk a. Ereko atema asep nungma ate pâchupkek lahma etonga.

MATHIU 5:18

Thonghun en rangle hah chentô lektong eka, eretôko Niemarang nyapraang kowah phathemin ngale phatû chhamin lemahmin - chentôpa toangtang madang dangkako lemahmin.

MATHIU 6:16

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah.

MATHIU 6:3

Rohkomin nema tangchhih hehnâng mechohsû enko, ne lemruchha asenthôan pummemin lejetli mo en.

MATHIU 6:5

“Chenthu ne rangsoamko, ahuhkhoanglep heh rãngrãng neksoam en! thinma anga ngama chenkhêm khehi ngama, rangsoamhum nâng toanchep lahma soamhun eka, ngale noknyu lemdong hehnâng soamhun eka. Ngama linlin thôkoh eka thinma chohthinpa phangtang râchohtah.

MATHIU 7:5

Ahuhkhoanglep heh! khebengko nemit wah janchhup pa bengre pherii mêngen, erediko ba nema nepho anaa mitwah mitchhup pa senthemthem kheletma eta rephekoh en.

MAK MA RAANGWAH NGINKONGSEN 12:39

Thinma Sanagog nângmin thin tongthinpa châthien eka ngale kuhhôanthin nângmin tôngthinsen hunwak eka.

MAK MA RAANGWAH NGINKONGSEN 7:6

Jisu ma thinnâng dânthâng wah, “Isaia ma nerãngma profisi hôantah pa chentô toangtang hôanwah a! Atema raangtah rãngrãng, nea ahuhkhoanglep: ‘Joban ma ngaeka, are mihnyan hehma jabkhab melolo toak asân ehang, rohkomin thin hungpa linlinko nga tâwah ataangnâng.

LUK MA RAANGWAH NGINKONGSEN 11:41

Erohwah ne bâti le wankhoang khenko chenni tonga ereheh tangchhih hehnâng koh en, ngale erohkoba chentôpa nerãngma niemarang junko asâ tuta edang kohhèn.

LUK MA RAANGWAH NGINKONGSEN 11:43

“Farasi heh nerãngma chentô cheili dângmin a! Nea Sanagog nângmin tôngthinsen pa châletma thien eken ngale bôjat nângmin mihnyan hehma ne ranchei nungma rânjab hun eken.

LUK MA RAANGWAH NGINKONGSEN 12:33

Ne chhahkhem chentôpa sengletma ngunpa tangchhih hehnâng koh en. Roantang roanjêngma techhu dângthinpa kepen, ngale rangkhethung nâng techhu thôan dângrãng khôanthien en, enâng chenthumin tangchhih ledangmin, chenrãngma ngako ereheh ahuhte memin leta huhmin, ngale chhumphithang memin leta chhihphekmin.

LUK MA RAANGWAH NGINKONGSEN 12:56

Ahuhkhoanglep heh! Nema rangle hahko sûletma rangchhih rangme pa jienjetlo eken; phumma athângheh wah rangkuh sanha pa chenrãng lejien jetlo dangeken a?

LUK MA RAANGWAH NGINKONGSEN 13:15

Teso ma atenâng dânthâng wah, “Nea ahuhkhoanglep! Nekhuma ne mânpong ba gado pa thinhoo kowah jânletma Pientông jâko jojok thukrãng rângsietchhoan en.

LUK MA RAANGWAH NGINKONGSEN 20:46

“Niemarang hethôte hehwah jetletma dangen, thin a bôjat nâng khetlo dongpa pohlahma phoangkhoam lahma mihnyan hehma thinran cheichei rânjab huneka, Thinma Sanagog nângmin thin tôngthin pa châthien eka ngale kuhhôanthin nângmin tôngthinsen hunwak eka;

LUK MA RAANGWAH NGINKONGSEN 6:24

“Phumma athângwah techhu hehrãngma chentô chhih dângmin a; chenrãngma ngako ne roandôngko lechêm thangma lâdangtet!

LUK MA RAANGWAH NGINKONGSEN 6:42

Nepho anaa hehnâng chenroh jiennga eken a? ‘nedede mitwah janchhuppa lebeng kherii thangma, Epho, ngama nang mitwah mitchhuppa rephekoh e ngama’ Nea ahuhkhoanglep heh! Khebengko nedede mitwah janchhuppa bengre pherii mêngen, erediko ba nepho anaa mitwah mitchhuppa senthemthem kheletma eta rephekoh en.

JON MA RAANGWAH NGINKONGSEN 13:29

Juda pa ngunthiente dâng phumma, dijunte khaka ma, Jisu ma Juda nâng thinma lokuhko kepthin heh riakchhoanrãng chienthem eka, ba tangchhih hehnâng chenni komin kohchhoan o, ngama komin chienthem eka ngama thônghun wah.

JON MA RAANGWAH NGINKONGSEN 5:41

“Ngama mihnyan ma rô hunmek.

JON MA RAANGWAH NGINKONGSEN 5:44

Nema wathema wathe rângthômin hun eken, rohkomin nema wanthe lolo Joban pumma rângthô pa hunmet; eroh medang enko nema nganâng chenroh ejien putedâlem ha?

JON MA RAANGWAH NGINKONGSEN 7:18

Henhenma thindede chaanko jabeka erepumma atedede mîndôngpa ehun a. Rohkomin henma ate chienkatte mîndôngrãng huneka erepa toangtang, ngale atenâng chenni athejô aho.

MOATLEM 10:2

Atea Joban rancheite mihnyan dângwah; ngale thinhumte tangkâ phangtang Joban nâng rangsoamte dângwah. Ate memin Jews tangchhih hehnâng nyahrãng chîchohsok wah, ngale roantang Joban nâng rangsoam lahma dângwah.

MOATLEM 10:31

ngale atema ngatwah, ‘Kornilas! Joban ma nang rangsoam lâchohtattho ngale nangma mihnâng chohsok moatlem moeko pemin lâkhetho.

MOATLEM 10:4

Atema chei nungma ngintatte ko thongsû lahma ngatwah, “Hethôte, arepa chennia?” Ngintatte pumma dânthâng wah, “Nang rangsoam ngale nangma mihnyan hehnâng chohsû eko demko Joban rinme eka, ngale atema nang rangsoam pa edânthangho.

MOATLEM 11:29

Phumma dijunte hehma henma chentô taeka eretô thinlemru Judia wah putedâlemte hehnâng matkat e ngama nginpat wah.

MOATLEM 24:17

“Phumma Jeroselem nâng ajahthem rangpâ lehû thangma tôngdiko, enângwah ngalemru hehnâng ngun katkoh erediko soam aroak rãng katwah.

MOATLEM 9:36

Jopa nâng dihiaknyu wathe ate mînpa Tabitha ngama dângwah, ngale atemin putedâlemte dângwah. (Griik jabma ate mînpa Dorkas dângwah, are ngaeka pa “khehhe ngaeka.”) Atema roantangma moatlemsen moatwah ngale tangchhih hehnâng chîchohsok wah.

ROMAN HEHNÂNG POLMA RAANGWAH SITI 12:8

mihhung dongsiet rãng mekoh hiko, nãngma mihhung dongsietmin. Ngale hen akomin mihnâng kohthin medang ako chhahme dângmin; Hen akomin thôajabte khhepho medang ako, hungkoh lihma chaanmoatmin; hen akomin mihnâng mînchenrãng mekoh ako, hungsi rinme ma moatmin.

1 KORINT 13:3

Ngama nga ngewah chhahkhem heh phangtang mihnâng metakoh angkomin, ngale ngaphoangmin wennâng meta rokthhekthuk angkomin - nganâng hun achet aho medang hangko, erepemin ngarãngma sekhota.

GALATIEN 2:10

Thinma ninâng roatsep pa thin khuchhang wah tangchhih hehnâng thônghunrãng roatsep wah, phumma ere moatlem pejôba ngama nyahrãng moathun ekang.

IFISIEN 4:28

Nema ahuh chîrewah medang enko, ahuh nekretu en, moaka letma toangtangko biphhekchhah letma toangtangma songtongen, ngale tangchhih hehnângmin chohsû en.

1 THISALONIKA 2:6

Nima henwahjô rô hunmih, newahmin hunmih, ngale henwahjô hunmih,

1 TIMOTHI 6:18

Moatlem sen moatrãngma thôkoh, moatlemsen ngenâng techhu rãngrãng chendangwak a, erediko chhahme ngale mihhan heh demnâng phenphen sensen chenkep wak a.

FILIMON 1:7

Ngama nyahrãng ahun naa, nang ngewah hun achet pumma Nganâng nyahrãng hungsenthuk ehang, ngale nyahrãng hungdongsiet ehang! Ngale nangma chentô Joban mihnyan hehmin hung lâsen thuktoh.

HIBRU 13:16

Kaamsen moatrãng neklekphe en ngale wathema wathe nâng chohsokmîn min neklekphe en, chenrãngma ngako, ereheh jôba Joban rinmeli joapsoap.

1 PITER 4:11

Henhenma ngin phoangthô eka ereheh memin Joban nginkongsen pa chenphoang thôa; ngale mihnâng chohsokte hehmemin Joban ma kohthen chaan junma chohsû en, eroh medang enkoba Jisu Krista junma chentô ngema Joban mîn edonga, chenrãngma ngako, ate jôba mîndông chohte ngale roantang roangjêng rãng chaan ahang demnâng tongeka. Amen.