MATHIU 6:13 - NIEMNYAN Naga NT (BSI)

¹³ Achhih nâng hung nektoanthuk hi, Juchhih wah pânghi.’

MATHIU 6:13 Iomraidhean Croise

MATHIU 26:41

Met hin dangen ngale rangsoam letma tongen, nemin achhihma hungtôanko nekchen jârii eken. Juma mehun akomin, hei angem pa aboan.”

MATHIU 28:20

Ngale ngama nenâng chentô thôkotah ngin heh keprãng hethô en. Ngale nga nedemnâng roantang roanjêngma athôan kotuk ejoh tonga.”

MATHIU 5:37

Erohwah, ‘danga’ ba ‘dangmah’ ngama lolo nga en, nema erenoma jabkhab bâm mejab enko erepa juchhih ngewah jabeken.

MATHIU 6:10

Nang Hahsông karo; Rangkhethung wah rãngrãng hahkho komin Nanghung junko chendanga.

JON MA RAANGWAH NGINKONGSEN 17:15

Ngama nangnâng thin a are hahtokkhoh wah toansietwên o ngama ngatdangmih, rohkomin Achhih wah pepâng lohma thien o ngama rosep eki.

1 KORINT 10:13

Nehung toan ehèn pemin mihhan heh hung chenroh toan eka ererãngrãng jôba toan ehèn. Rohkomin Joban ma toamsem eka, ngale nema leta dôli toanthuk mahhèn; nehung tôanpoatko, nema tâdôrãng atema chaan ekohhèn, ngale erekowah loatchhoanthin lemkhômin ekhesok hèn.

1 KORINT 14:16

Chenthu nema Joban nâng Juma lanlan rangmesoam enko, nekhu demwah jujabkhab lejette johkhôan hûera hehma nema Joban nâng dangkoh a ngat rangsoam soam ko “Amen” ngama chenroh jienjoh ngatmin a? Chenrãngma ngako nema chenni jabeken a erepa thinma jetmah.

2 KORINT 1:20

Chenrãngma Joban ma chentô toamsem eka ereheh nâng atema “Danga” ngama tuta ngaeka. Erohwah Jisu Krista junma Joban mîndôngrãng nãngma “Amen” ngaeki.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

1 THISALONIKA 1:10

ngale nema ate Chha rangkhethung wah ngakkat bemla eken heh thô rewak eka - ate Chhapa Jisu, Joban ma ritwah ngakhînsiet wah, ngale Jisu ma nãngkhu ahokmin Joban rinkhah kowah pesiet ehi.

2 THISALONIKA 3:3

Rohkomin Teso pa dâlemli, ngale atema nekhu nâng chaankoh lahma Juchhih dekwahmin epe pânghèn.

1 TIMOTHI 1:17

Roantang roanjêng Lowang, chenthumin leriite ngale mitma lekheli wathelolo Joban - atemîn lolo jôba roantang roanjêng rãngma dongsiet lihma toak asân e! Amen.

HIBRU 11:36

Khuka hehnâng dûmmek lahma buh awat wah, ngale khuka heh janruma khhek lahma phâtek nâng sekwah.

1 PITER 5:8

Jetletma tongen, ngale sûletma tongen! Neran, juchhih pa sahdong hinhoo rãngrãng huklahma, hen akomin chohphhek angle ngama lemsû lahma phoangkhoam eka.

2 PITER 2:9

Ngale mihnyansen heh chêmchoh eka kowah chenroh pesietmin a ere pemin Joban ma ajet, ngale mihnyan chhih hehma thin Rên Rangwojâ bêmlâ poatko chenroh chêmthukmin a ere pemin ajet,

1 JON 3:8

Ngale henhenma papkaam molahma tongeka ereheh Juchhih thiakrãng lâdangtah, chenrãngma ngako rangbeng hahbeng thuma Juchhih ma papkaam moeka. Phumma Joban Chhapa Juchhih ma chenni motah a ere moatlem heh chhihsietrãng hongeka.

LOATKHESOK 1:18

Nga a ahînte pa! Nga a ritrewah, rohkomin Nga ade phumma roantang roangjêng rãng hinekang. Ngale Nganâng arit ngale hahtokkhoh wah arit amahthin heh khohnâng chaan tonghang.

LOATKHESOK 19:1

Erediko Ngama rangkhethung nâng jahmõang mihnyan rak akak rãngrãng tatwah, thinma ngatwah, “Joban nâng rôe! khope, mîndông ngale chaan ahang heh nãng Joban thiak!

LOATKHESOK 19:4

Roaknii wabelii khhepho phannang heh erediko ahîn ngem wanbelii heh Joban mathahko khupjup lahma tôngthin kowah tôngte Joban ko soamwah. Thinma ngatwah, “Amen! Joban nâng rôe!”

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.

LOATKHESOK 21:4

Joban ma thinmit kowah mitphi heh ehunphekoh a. Ereko aritmin lerii tumin, sep ajoang, ngale chet akhup min ahotu dângmin. Apã heh lâmah jâtah.”

LOATKHESOK 3:10

Chenrãngma ngako nema Nga hôkum kepletma hungmôngmông dangletma tadô eken, ngale chentô mihnyan nyuchha heh thatsokrãng hahtokkhoh ko chêmchei hok sanpoat komin Ngama nekhu pesiet lahma ethien a.

LOATKHESOK 3:14

“Laodika wah Asâthem heh ngintatte hehnâng raangeka: “Arepa Amen ngewah raangeka, toangtang thôan hâkhi, erediko atea Joban ma chentô hôantah heh thongpa

LOATKHESOK 5:13

Ngale Ngama rangkhethung wah chentô Joban ma tem atiak tahheh, hahtokkhoh wah heh, hahkhen wah heh, ngale josi khenwah heh - ngale chentô rangkhen wah ahînte hehma - sêsewak lahma tatwah: “Tôngthin kowah tôngte ngale Saakchha, nâng lolo jôba, rô, soamtô, mîndông ngale chaan ahangpa, roantang roanjêng rãng tongeka!”